Dirty Skillet

Open Now

Now Closed

意大利布袋芝士、風腿、風腸、芝士薄餅賣相：🐧🐧🐧🐧🐧味道：🐧🐧🐧🐧🐧薄餅焗得金黃又焦香，表面佈滿惹味的風腿、風腸，正中央蓋上一大球白滑的意大利布袋芝士，賣相非常邪惡誘人。薄餅散發著濃郁的芝士香氣，味道鹹香馥郁，口感外層薄脆，內裡鬆軟，加上表面滑溜溜的布袋芝士，令薄餅的口感更富層次。墨西哥脆餅配四川辣手撕雞賣相：🐧🐧🐧🐧🐧味道：🐧🐧🐧🐧🐧墨西哥脆餅上堆滿香辣的手撕雞肉、雜菜粒、酸忌廉以及牛油果醬，非常足料。脆餅脆卜卜非常香口，夾著辛辣入味的手撕雞肉、清新爽口的雜菜粒以及一眾調味醬汁一起食用，滋味濃厚惹味之餘又不會過份膩滯。酥皮焗周大蜆忌廉湯賣相：🐧🐧🐧🐧🐧味道：🐧🐧🐧🐧🐧酥皮新鮮焗起，外觀金黃挺身十分悅目，食落酥脆又鬆化，層次感滿滿，非常美味。湯品內含大量蜆肉配料，入口滿滿海產的鮮甜滋味，忌廉湯濃稠滑順，滋味極佳。梳乎厘奄列賣相：🐧🐧🐧🐧🐧味道：🐧🐧🐧🐧🐧梳乎厘超巨型又挺身，足足佔據了半個大碟有餘，非常搶眼吸睛。梳乎厘質感軟滑綿密，入口即化，蛋香滿溢，配搭香滑的忌廉一起食，甜美又可口，必食推薦。🐧❣️餐廳提供生日畫碟服務，並附上別具特色的旋轉木馬托盤作點綴，抵盤更會自動播放生日歌，氣氛極佳

今日好朋友生日，book左筲箕灣呢間Dirty Skillet同佢食個lunch,餐廳入面有唔少打卡位，餐點同飲品都好精美，店員們都好有禮貌招呼👍🏻坐位都坐得好舒服，傾計聚會好地點。前菜，我地叫左墨西哥脆餅配四川辣手撕雞，面頭滿滿手撕雞肉，有sour cream同牛油果醬，食落唔會dry，中西合璧味道同配搭新穎，幾唔錯。酥皮焗周大蜆忌廉湯，酥皮焗得好香脆，配埋濃郁忌廉湯飲好滋味，湯內仲有唔少蜆肉同湯料。main course我地點左意意大利布袋芝士，風腿，風腸，芝士薄餅銷售No.1嘅Pizza,邪惡感十足，好適合我呢啲芝士控，有完整一件水牛芝士係pizza面，我地影完相店員會幫我地切好，pizza濃厚芝士香，配埋Parma ham食，十分滿足！飲品我地分別點左🍍Pineapple Hat🍇Fresh grape and apple yogurt 兩杯飲品賣相精美，而且味道仲好好飲，唔會得個樣，價錢仲好抵！性價比極高💯完美生日午餐點少得甜品，為左比驚喜朋友，餐廳都配合得好好，係我點嘅疏乎厘奄列下面放左個播生日歌嘅旋轉木馬，成件事變得好有儀式感🫶🏻 疏乎厘份量十足，賣相好靚，食落好有蛋香味

之前成日經過呢間Cafe都覺得佢嘅裝修比較特別，有少少童話風格嘅，另外餐廳中間都有旋轉木馬風格嘅座位可以選擇 🎠 除咗好適合打卡之外，原來佢啲嘢食都又吸引又好食，一定會回訪💯 老少咸宜，好適合一家人同埋小朋友一齊嚟🤗凱薩沙律 🥗首先前菜食個沙律先，生菜非常新鮮，croutons 好脆好香口 🍞 沙律上面有少少芝士🧀 好開胃🤤酥皮焗周大蜆忌廉湯 🥣 好耐冇飲過酥皮周打蜆忌廉湯啦🤭 以前細個成日都會飲，好鍾意佢嗰個酥皮，新鮮出爐好脆好香👍 另外佢個忌廉湯都整得好creamy，蜆肉份量都好多，超級推介💥鐵鍋 Dirty秘製牛扒16oz (兩位用) 🥩 如果鍾意食牛扒嘅一定要試呢個❗️ 佢啲肉質好嫩，肉味好濃 🔥 因為佢係用美國牛罕有top blade部位，仲要係用左12小時慢煮添🥳 16oz 夠晒兩人份量🤣梳乎厘奄列 🍮見度呢個甜品簡直嘩一聲📣 未見過咁大個梳乎厘😆😆 可以幾個人一齊分享😉 睇落去好吸引，佢係用特選雞蛋整嘅，食落去佢嘅蛋味好濃 🥚 如果你同朋友慶祝生日嘅話記住可以同餐廳講聲，因為佢哋可以幫你喺隻碟度寫Happy Birthday，最特別嘅係佢會將甜品擺喺一個旋轉木馬嘅擺設上

打卡型美美夢幻cafe~大過塊臉嘅梳乎厘pancake(˶‾᷄ ⁻̫ ‾᷅˵)口感輕盈重蛋香 睇得又食得( ̀⌄ ́)🔸火焰芝士配蒜蓉意大利包 $98On Fire! 俾超高嘅火焰嚇到(´▽｀)芝士中間有啲甜甜嘅果醬 撈埋咸香嘅芝士再淋上蒜蓉包 好邪惡(´▽｀)不過只有兩片包 份量有點少🔸田螺煙肉洋蔥芝士焗大啡菇 $108由螺香嫩 大啡菇多汁夠熱配埋煙肉嘅咸香( ̀⌄ ́)好食但偏咸一點🔸梳乎厘奄列 $115梳乎厘大到超出餐碟(´▽｀)本來好擔心食唔晒 但食落口感輕盈 重蛋香 好快清碟就咁配cream已經好好味(˶‾᷄ ⁻̫ ‾᷅˵)必食🔸酥皮焗周大蜆忌廉湯 $78忌廉湯香濃 酥皮鬆脆 點湯一流🔸西班牙豬肉腸紅椒野菌意大利蛋麵伴蕃茄汁 $145醬汁濃稠 蛋麵好掛汁 味道不錯🔸炸蕃薯條 $65🔸Hot Dirty chocolate $48賣相靚靚嘅朱古力奶🔸Pineapple Hat $48有汽嘅菠蘿汁(´▽｀)新鮮菠蘿味 不是糖漿喔~賣相吸引杯上嘅焦糖菠蘿可以食(⁎⁍̴̛ᴗ⁍̴̛⁎)右邊嘅菠蘿公仔只是擺設食物質素唔錯 會再嚟食(˶‾᷄ ⁻̫ ‾᷅˵)