老街 (Moved) New Location

既然未有假期可以去到台灣，倒不如食一食台灣菜止下癮。雖是平日夜晚，但呢間餐廳都頗為多人，門外面都排咗大約十個人，不過好快入得，大概等咗10至15分鐘到啦。 店內裝潢充滿台灣氣息，枱同凳都係以木為基調，牆上面掛滿咗台灣嘅特色相片，例如： 九份，台南嘅環境等等。 夜市小香腸 $28先呢一個台灣必食嘅台灣腸，去親台灣都要瘋狂食。台灣腸切開一片片方便與友人共享，上面鋪咗少量青瓜絲同芝麻粒，增加爽脆感同香味。酥脆鹽酥雞 $30每分大約有八粒，外皮有椒鹽，炸得酥脆可口，裏面雞肉尚算嫩滑，唔會太乾鞋颯颯。五味小茄子 $28五味小茄子上面有蔥花同木魚，仲有類似甜醬同辣醬嘅醬料，令到原本淡而無味嘅茄子充滿著多層次嘅味道。但略嫌茄子有點油，先索索油會比較好。紅燒牛肉麵 $58紅燒牛肉麵喺今晚我最滿意嘅菜式，牛肉味濃，份量好多，質地軟硬適中。牛肉湯淆得好香，相信花咗唔少功夫同時間。麵條都條條分明冇黐埋一舊舊。台灣滷肉飯(小碗) $28點滷肉飯時，店員通知滷肉會改造肉燥，不過都冇所謂啦，反正都想有啲飯落下肚。肉燥算大粒，唔會畫散收收好似冇食過嘢咁。但成碗飯比較乾，肉燥量不太夠，如果多啲肉燥汁會好啲。不過呢個平

因為要交收手信，約了朋友在旺角相聚，朋友強烈要求先來個輕食，再去附近吃甜品吹水聚舊，行到豉油街尾都未決定到食甚麼，但見有一堆人聚在此店門口，是一間主打台灣食品的小店，看了看餐牌，價錢合理，便登記等位。等了一陣便有位，我一早已決定要食牛肉麵，而有選擇困難症的朋友由等位開始到坐下來都未有定案！大熱天時，大家都叫了凍飲，朋友的荔枝QQ紅茶內有QQ的啫喱物體，甜味適中，我點的洛神花茶初時味道適中，但坐久了冰溶後就味道轉淡。叫了兩碟小食，魚酥皮蛋豆腐極力推薦！雖然明知是盒裝豆腐加皮蛋，但要調味得宜也考功力！而點了的細size鹽酥雞比想像中多很多，感覺好像正在吃台式麥樂雞。更要讚的是紅燒牛肉麵，麵條彈口，軟硬適中，濃濃的湯底，真的可以媲美在台灣吃過的！是很用心的製作。👍🏻👍🏻👍🏻而朋友點的三寶肉燥新竹米粉，最正的是台灣香腸和貢丸，而且份量很大。總的來說，小店雖小，但流動性很大，就算要花小小時間等一陣位也是值得的，而且價錢合理，是旺角區不錯的選擇。

台灣菜系有佢獨有既魅力，呢間個位置有點兒難搵，最尾搵到戈下磡有滿足感，btw今次都幾有驚喜入到去既環境真系似去左台灣人既餐廳咁，四周圍好多台式既壁畫、掛飾等等，感覺幾有台灣風味，不錯，但座位方面會同隔離枱比較近距離。食物方面就緊系叫招牌既紅燒牛肉麵啦，紅燒牛肉麵既牛肉好軟身同入味 湯底亦十分正，好濃味飲左好多啖，牛肉麵既精髓，正是這個模樣台灣菜當中鹽酥雞球相信系必叫既一樣食物，呢個真心好食，可以形容為炸到岩岩好既程度，脆卜卜既外皮，裡面系雞肉新鮮嫩滑，完全達致正宗鹽酥雞既標準P.s. 服務方面，侍應真系零笑容，又系叫極都冇人應，企埋一邊吾知做乜鬼野戈啲

台灣牛肉麵應該都好穩陣，不過這間就差少少了。牛肉很老不嫩滑，要咬很久喔鹽酥雞味道OK，而且肉質尚算嫰滑。魚酥皮蛋豆腐味道偏鹹，豆腐亦沒有豆味青菜當然好一般，飲品方面亦不特別。服務方面，每位呀姐看似都好忙咁，落單時又唔算準確，要問幾次

撇除近年的政治因素，其實台灣無論娛樂圈、旅遊業、夜市還是其飲食文化，都有它的可觀之處，和引人注意的地方。在我的眼中，我喜愛的台灣菜特色主要在於四方面：第一，是由上海移植過台灣的蟹粉小籠包和蟹黃湯包，例如「鼎X豐」。第二，是由台灣夜市文化而來的台灣街頭小吃，例如「八X雲集」的麵線、「豪X大」的炸雞排和「繼X香香雞」的香香雞。第三，是台灣街頭流行的珍珠奶茶，是台灣的代表性飲品， 如「X茶」和「Come Bxy」。第四，亦是最愛的台灣美食，無人不曉的牛肉麵，例如「士林X」、「小X牛肉麵」，還有在旺角新開張不久的餐廳「老街」。我不排斥吃牛肉，但對牛肉的觀感始終不及雞肉那麼喜愛。對於台灣有名的牛肉麵，我只求一嚐以止口癮，點到即止如願已足矣。就像當年去台灣旅行，我都是留到最後一日，臨上飛機離開前，才在台北市中心吃我的第一碗牛肉麵。至於台灣人特別喜歡吃的滷肉飯，由於我近年已經戒掉豬肉的關係，已經沒有再試。今次去了旺角豉油街某間台灣菜館「老街」試食。原來此店開業已近一年，但我常常去旺角購物試食，偏偏對此店毫無印象（反而大角咀的「士林X」我去了兩次），每次經過花園街都沒有為意它的存在，直至看過開飯網食評

周末下午茶時段，旺角下午茶到步免等位，店內裝飾精美！紅燒牛肉麵：招牌菜，幼麵我最愛！麵質較淋！牛肉冇味但好淋，湯底亦不夠熱！一般！鹽酥脆雞球：小食，不油但香口，肉質較亁，應該用雞胸肉做。都係一般一般！珍珠奶茶：大大杯，茶味不足，一般一般一般！ 總結：製作算認真，招牌菜有進步空間！

星期六相約朋友往旺角老街食台灣菜, 我們點了花枝丸牛肉面, 酥脆鹽酥雞和珍珠奶茶。花枝丸牛肉面花枝丸食落去好彈牙, 好滑、牛肉煮得好腍、肉汁鮮甜, 而且個湯底有藥材香味, 一流；酥脆鹽酥雞上碟熱辣辣, 鹽酥雞熱辣辣, 每粒大小適中, 食落去香脆、雞肉鮮嫩, 好味；珍珠奶茶好有茶香味、珍珠是台灣珍珠, 比一般香港飲的細粒, 味道香甜, 好好飲, 好食的一餐台灣菜