天天海南雞飯 (ELEMENTS圓方)

Open Now

Now Closed

早排黎過食lunch，其實好想試個酸菜石斑，但黎海南雞餐廳唔食海南雞又好似有啲過分，所以特登再黎試過。我同朋友18:30到，好在黎得早，轉個頭就full house 左。咁首先就梗係要講下個酸菜石斑啦，上枱嗰下已經bling bling左，因為眼見啲魚塊塊都好大塊同好厚肉。而且個魚入口即融。不過最開心係因為佢用石斑所以無泥味，另外仲有好多菇同芋絲，呢個如果連埋飯食真係一流呀~之後想講下個火焰椰子冬陰湯，上菜時侍應姐姐倒左啲酒喺個椰殼再點火，佢仲會用個轉盤轉個椰子，咁個著左火既椰子就係咁轉。好啦睇完表演就要試味啦，酸酸辣辣真係好冬陰功，入面仲有好多料，真係飲完都少少飽~至於個黑松露墨魚蝦多士，佢真係有好香既黑松露味，上面加左麻醬，食既時候仲脆脆地好香口。而個海味豆腐都好味既，但令我有啲驚喜既位係上面既瑤柱係炸過既，好脆~最後就係個甜品啦，佢叫飛雪小白兔，其實唔知咩黎，不過佢英文係yoghurt，咁所以我就想試下啦，但原來其實係椰汁糕, haha, 不過個椰汁糕好好食，唔會太甜，而且賣相太可愛，唔捨得食。

Seafood loves sake椒鹽魷魚 配 帝松 辛口個味道普通，魷魚🦑幾嫩滑爽口酸菜石斑 配 龍勢 夜之帝王個湯底酸中帶辣，酸同辣嘅程度都恰到好處，唔會好酸好辣，而石斑嘅肉質鮮嫩緊實（但個人認為用石斑做酸菜魚唔係太match，覺得酸菜魚比較適合用肉質比較軟嫩嘅魚🐟）海南雞啲雞肉皮薄肉滑，雞皮冇肥膏唔會油膩，雞皮食落口感似好軟嘅果凍，涼嘅雞肉配上暖暖嘅秘制雞汁食落香滑又多汁，配搭嘅三色醬每個醬都好出色，黑色：黑醬油、橙色：特色秘制辣醬、白色：醬蓉雞油飯色香味俱全，一帶開就香味撲鼻，飯都粒粒分明超級水果茶（👍🏻超級推薦）水果又新鮮又豐富，每種水果都大大塊貨真價實，清香嘅茶底加上水果嘅鮮甜認真好飲，而且💰38就有1L咁大杯（兩個人飲都飲到好飽）價錢雖然唔平，但味道好出色非常值得食

光顧了天天海南雞多次，今次決定給予一個好評。 今次一行三人叫咗幾個餸， 包括左酸菜石斑、叉燒、招牌菜海南雞同埋油飯。 油飯令我有啲失望，飯很軟身，味道亦不夠。酸菜石斑令我十分驚喜，本來因為天氣熱想食一啲酸酸辣辣嘅嘢而叫這個餸菜。 但係驚喜地石斑魚好滑而且帶少少酒味，香酸辣到適中而且加咗少少芋絲吸左啲湯汁令到我不其然飲咗啲湯。最喜歡係他們家的叉燒外脆內軟而且有淡淡的炭香味，十分推介這個餸菜。係去ELEMENTS睇戲嘅食肆好選擇。