友義氣‧酸菜魚

Open Now

Now Closed

係香港好難搵到高質正宗嘅酸菜魚🤤🤤友義氣嘅酸菜魚暫時係我係香港食過最正宗最好味嘅酸菜魚 🤤🤤佢入面份量足夠，而且比配料都唔手軟酸菜、萵筍、寬粉、蘿蔔⋯.重點係魚夠滑份量多！湯頭都好夠味🤤可以拎嚟撈飯食😂👍好多鋪頭嘅酸菜魚一夾啲魚就會散但友義氣嘅魚好厚實又滑🤤不過鋪頭比較細，好多時夜晚都要排隊所以大家要預早啲時間嚟拎飛呀😆除咗酸菜魚之外，仲有好多唔同嘅小菜可以比大家嗌，份量都夠大家share！

一直以來都很想找到一試難忘的酸菜魚，試過不少暫時還是喜歡這家，份量和味道都非常不錯，性價比頗高，找地址時才發現開了很多分店，十分推介一試～▫️酸菜魚(標準) $188辣度可以自選，因為本身不太能吃辣所以選了小辣。酸菜魚因為事前先煎香所以非常鮮甜，以這一個價錢來就魚肉非常多。咬下去淡淡的酸味，中和了辣椒刺激的味道。鍋中還有金菇、蔬菜和寬粉等，兩個人吃一鍋已經頗飽了。▫️大檸茶 $22真的沒有見過這麼大杯的檸檬茶，味道正常但單單是這個樣都值得打卡了。📍友義氣‧酸菜魚葵涌榮芳路9號恆景商場地下G01&11A號舖觀塘觀塘道257-269號永英樓地舖九龍灣牛頭角道3號得寶商場1樓R2號舖紅磡馬頭圍道37-39號紅磡廣場地下18-19號舖銅鑼灣記利佐治街1號金百利廣場7樓R3室

呢間位於葵涌的一間主打川菜的餐廳，熱門菜式有水煮魚、毛血旺和酸菜魚。仲要全日免收加一服務費！所以今日我地午餐就叫左一直好想食既酸菜魚！$188標準酸菜魚 （小辣)餐廳選用海鱸魚，好滑身，完全食唔到骨！由於唔太食得辣，所以就叫左小辣，但其實餐廳有5個級別既辣度提供俾客人選擇！而酸度適中，仲配有金菇，酸菜，大荳芽，紅薯粉條。標準份量足夠兩人分享，仲會跟一碗白飯。$52 干炒牛肉烏冬 (午餐Set)呢碟烏冬炒到好惹味，色澤均勻，而且唔會話食到成嘴油但又好入味，完全唔會油膩！午餐仲送熱飲 加$2仲可以轉凍飲！$98 四川辣子雞 雞肉整到香脆，肉質外酥內嫩，辣得黎又好爽！$22 珍寶凍鴛鴦份量足足係正常茶記份量既三倍！超抵$22 鮮青檸梳打味道好fresh，非常有助解辣！

排了半小時安排入座。一坐低就點了酸菜魚同毛血旺。酸菜魚一般，冇d人講到咁好食，入面啲薯粉好似檫膠。。。。好咬得。。。。毛血旺有幾塊鴨血，餐肉，豬肚同埋雲耳金針菇，越食越唔想食。。。。太油見人講到咁好食去食，不過冇下次了

晏畫2點幾同朋友來到呢間友義氣·老壇酸菜魚，門口有自取排隊飛，幸好剛過繁忙食飯時間，不洗等就可入座。標準酸菜魚有不辣、小、中、大、魔辣等級，仲可以要求酸度。同朋友自問食得幾辣，所以點左大辣，表面見到不少辣椒、青椒粒，飲一啖湯，夠晒酸辣開胃，加少少落白飯更為滋味。鱸魚肉切大小剛好，夾起都不易散，肉質好嫰滑，沒有骨值得一讚﹗配菜有酸菜、芽菜、金菇、萵筍、粗薯粉，十分豐富﹗黃金鮮魷$108: 朋友話黃金鮮魷比椒鹽鮮魷更勝一籌，黃金鮮魷炸得好靚，咸蛋粉漿不厚，外酥裡嫩，表面咸蛋香味十足，內裡鮮魷保持彈牙口感。尖椒糖心皮蛋$48:切真好靚，軟滑香濃~荔枝梳打:冰份量適中，仲有粒粒爆珠，好夠清爽~鮮青檸梳打:有幾片青檸，夠酸開胃﹗

🌸葵芳酸菜魚🌸友義氣🐟適逢政府宣佈繼續禁止晚市堂食，今天特意相約好友到一間位於葵芳的人惹味酸菜魚專門台-「友義氣」享用一頓滋味的酸菜魚午餐❗餐廳裝修簡約，座位寬敞❗店員殷勤有禮，會不時替客人收拾碗碟❗我們一行2人惠顧了以菜式：1️⃣🌟招牌酸菜魚（標準）$188酸菜魚份量十足，湯底經長時間烹調而成，味道酸酸辣辣，相當開胃。魚肉肉質鮮嫩香滑入味，配搭開胃酸菜、金菇菜、萵荀及彈牙寬粉等配料，魚肉鮮甜而且酸菜湯非常惹味，配搭相當豐富❗️2️⃣🌟干炒牛河 $52干炒牛河即叫即炒！相當有鑊氣，牛肉片肉質鮮嫩，河粉彈牙干身惹味，味道香濃❗️3️⃣🌟珍寶大檸樂 $22珍寶大檸樂份量十足，非常大杯！以新鮮檸檬片融合冰凍可口可樂，解渴一流❗4️⃣🌟珍寶檸檬茶 $22珍寶凍檸茶份量十足，非常大杯！以新鮮檸檬片融合香濃紅茶，味道清新開胃，解膩一流❗🌟為是次餐廳用膳的推薦菜色❗ 總括而言，此餐廳的食物質素高，食物是即叫即製，酸菜魚味道相當出色，而且全日不收取加一服務費❗餐廳鄰近葵芳站，交通方便，絕對是葵芳一帶的必食酸菜魚之選❗🔖總體評分：美味指數：⭕⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕⭕️ 5⭕️為滿分

朋友帶我黎呢間試下，因為佢知我好鍾意食酸菜魚，佢之前成日同我推薦呢間，今次終於嚟咗果然冇令我失望！首先一定要嗌個酸菜魚先服務員好親切，魚到左姐姐建議我哋先飲左湯先，第一啖飲左之後瞬間開左胃，一定要叫碗飯先得，湯飯簡直一流，一人一碗飯先🤣 魚既份量比預期既多，坊間有啲貴得黎份量又小😌但呢間係CP值高，抵食又好味。同埋啲配料都夠，咩萵筍芽菜酸菜薯粉都比足份量。由於係lunch時間，都多人食同外賣，所以時間要等耐小小，下次黎就可以避開繁忙時間。但好似唔係幾夠喉，我地想試試其他野，兩個人就叫左個「干鍋大腸」，大腸係好香口脆既口感，食多幾舊會好膩，怕膩既朋友就唔建議啦，但總括來講鐘意食大腸既朋友不妨可以試試呀 呢間酸菜魚食果咁多間呢間價錢上品質上真心係top。唔好睇小餐廳細細間，裝修無咩特別咁，係度食酸菜魚先別有一番風味。要食左先知

同朋友去party room玩，睇外賣app竟然發現有酸菜魚。本身都無咩期待，諗住過下口癮就算，點知超出想像好味。外賣到，我地叫左個A套，共$442，有走地鹽焗雞半隻，京蔥尖椒牛肉，尖椒皮蛋。首先，我見佢地將魚肉同湯分開，我估佢地驚浸淋d魚肉，抵讚。雖然係外賣但魚肉份量都唔少，嘩！啖啖魚肉，好滑，無骨，配埋裡面芽菜，酸菜，萵筍，金針菇，寬粉，簡直絕配。我個朋友好鐘意佢地個湯，話個湯酸酸辣辣岩岩好。京蔥尖椒牛肉，夠鑊氣，用料足，少少辣，配飯一流。走地鹽焗雞，肉質夠滑，鹹鹹香香，味道唔錯。尖椒皮蛋，味道不錯。

平時係社交平台 有follow 開酸菜魚群組見到啲group 友介紹所以自己又嚟試吓啲裝修同餐具都好特別招牌酸菜魚group 友真係冇介紹錯呀超好食啲魚又滑個湯又好飲好食到小妹仲食咗兩碗白飯😂真係好好食，好過我平時食過果啲舖頭鮮菠蘿咕嚕肉小妹第一次食有一大件新鮮菠蘿配搭既咕嚕肉真心好食侍應姐姐好好人推介我哋試吓呢個草莓梳打同埋青檸梳打味道好好啱啱可以中和到啲辣味兩個人食到捧住個肚埋單都只係$320

疫情下冇得出外旅遊，唯有周圍搵嘢食走到榮芳街一個小商場入面，突如其來好想食酸菜， 該店主打四川菜、避風塘小炒及邪惡黄金小炒 食後感不錯，仍有進步空間， 但以價錢合理， 仍會繼續光顧 嘗試不同菜式

呢排經過葵芳想食酸菜魚 就開OpenRice 搵下就搵到呢間 位置唔算好遠 就試下去到等左幾分鐘就有位 職員好有禮貌 就推介左黃金蝦比我地黃金蝦黃金蝦係有啲咸蛋黃係面 表皮超鬆脆同好香咸蛋味 好似食緊咸蛋黃炸魚皮咁 仲要係有鑊氣嘅蝦餅🥰🥰超邪惡嘅咸蛋黃配埋可以連殼食嘅蝦真係超幸福🥰🥰 十分推薦大家試下酸菜魚跟住就嚟主角酸菜魚 配料同魚肉都好足夠 配料有金菇同薯粉同芽菜 十分足夠🥰🥰 同埋味道都好夠 夠酸夠辣 個味唔會唔夾 諗起之前去過一間荔枝角嘅酸菜魚 食得出啲味係完全唔夾 所以覺得呢間好好 仲要平啲魚肉仲大大舊 有十五舊左右 真係好抵食🥰🥰野飲就叫做芒果乳酪同埋青檸梳打 但之後都想叫返大大杯嘅凍檸樂🥰🥰因為真係勁大杯 可以慢慢飲 但芒果乳酪都唔差🥰 甜甜地好開胃

抱著試下嘅心態進店，首先服務態度已加分🥰午餐好選擇也不少，但睇嚟睇去都係望住酸菜魚😆😆落單後有點期待，標準盤的份量已不小，碟邊印了魚好吃湯更好喝，那不得不試吓，可能合個人口味，果然不錯👍🏻😋 海報註明海鱸魚，肉質也滑，酸菜有丁點咸但也可接受，配菜薯粉、萵筍、大豆芽、金菇都不會過熟👍🏻由於係二人午餐，沒再點其他食物，酸菜魚$188已包括一碗白飯+茶餐廳飲品，已足夠飯腹。見其他客人點了辣子雞，下次會再試埋口水雞😬

店舖位於葵涌廣場附近，距離地鐵站大約五分鐘路程，非常容易到達。睇menu，呢度除咗主打重慶四川等菜式，亦有港式小炒，種類非常繁多。黃金蝦，$118。呢味餸係店舖嘅黃金系列，炸到金黃鬆脆，脆皮外層包住濃沃嘅鹹蛋香。裏面嘅蝦仍然爽口彈牙，經過油炸嘅蝦殼容易咬碎，連殼食更添美味。一碟有成八隻，性價比甚高。四川辣子雞，$98。呢味四川經典名菜，個人認為重點除咗要將外圍嘅辣椒炒得入味，雞粒本身亦要炒得乾身，呢度都可以將呢味菜煮得令人稱心滿意，用嚟佐酒一流。招牌酸菜魚，$188。呢度打住招牌魚好吃湯更好喝，個人認為不錯。魚肉入口嫩滑，酸菜魚湯用嚟拌飯一流。