友義氣‧酸菜魚 (Closed)

經過見到呢間有酸菜魚食😳抱住嘗試嘅心點之好喜出望外👍🏻酸菜魚魚份量好夠 好過出面得少少肉湯底有得揀微辣 啱晒啲想食辣又怕辣嘅人炸軟殼蟹個炸皮唔會好厚 避風塘茄子好有避風塘風味

好！食！酸！菜！魚！$188可以比你簡多與少今次挑戰左自己 人生第一次中辣多麻下次可以大辣 😂😂😂 鐘意食辣既仲有魔鬼辣不過再辣啲就試唔到個湯既味道又唔係好頸渴 好好味😋啲魚多到呢 唔會配菜多過魚食極都仲有😙仲有配薯粉.干鍋大腸 $85熱辣辣真係好好食 但油左少少大腸好入味而支竹就煙煙韌韌.小炒皇$98好足料～啲蝦乾又唔會硬到咬唔開如果個腰果係脆卜卜就更加好.埋單加埋兩杯野飲（免加一）$407人均消費$203.5晚餐黎講 三個餸兩杯野飲 好抵食 同埋細細間舖頭人情味滿分💯

星期一晚同男朋友黎食晚餐，之前見假期要排隊嫁，今晚6點就黎直接入去首先叫左個招牌酸菜魚(標準)小辣。魚肉冇骨好大舊，而且好滑，仲有粗薯粉，金菇，芽菜， 萵筍，個湯都真係好味道啊另外叫左2個小菜，都係炸野，分別係椒鹽豆腐同埋避風塘軟殼蟹。椒鹽豆腐果隻椒鹽同之前酒樓食果d吾同，我覺得一般🙈，酒樓果隻好味d,同埋炸得好d。但係避風塘軟殼蟹就好正，超級脆同埋好多肉2個都係新鮮炸，小心熱xd 飲品叫左杯大檸樂，因為得熱水吾解辣啦環境逼d,但果日個場吾full所以ok

開左2-3星期既小店，小清新風格，乾淨舒適。有個客仔比錢搵散銀，店員下次先比啦，人情味真係小店先有。🥢酸菜魚🥢 $188 標準 絕對係色香味俱全 ！個盤大大隻字寫住「魚好吃湯更好喝」無理由唔飲個湯，個湯鮮而不腥，且順清不太油膩，泡飯食好正，魚就柔嫩滑溜，唔知係咪我叫左BB辣，泡椒味輕手左，係差在呢個點上，完全可媲美內地食既，仲要健康D。🥢黃金軟嗀蟹🥢 $115睇得出大廚好有經驗好有技巧，炸到好乾身香脆，出面好多黃金乜乜，一味追求多唔多黃金，仲要搞到好油膩。呢到我最驚嘆就係佢個炸野，鹹蛋黃好似mix入左炸漿咁，乾身不滴油，就咁睇就唔係好多鹹蛋黃，但係鹹蛋黃味愈嚼愈起勁，愈嚼愈香口，最重要完全唔油瀝同埋應覺到佢地猛火熱油，好熱氣但好正！🥢雞絲粉皮🥢 $58無話特別驚豔，不過天氣熱熱地好岩食同埋食左咁多重口味野要食返清新D既野，粉皮涼涼地加埋青瓜幾清爽，加埋胡麻醬好開胃。