友義氣‧酸菜魚 (Closed)

開左2-3星期既小店，小清新風格，乾淨舒適。有個客仔比錢搵散銀，店員下次先比啦，人情味真係小店先有。🥢酸菜魚🥢 $188 標準 絕對係色香味俱全 ！個盤大大隻字寫住「魚好吃湯更好喝」無理由唔飲個湯，個湯鮮而不腥，且順清不太油膩，泡飯食好正，魚就柔嫩滑溜，唔知係咪我叫左BB辣，泡椒味輕手左，係差在呢個點上，完全可媲美內地食既，仲要健康D。🥢黃金軟嗀蟹🥢 $115睇得出大廚好有經驗好有技巧，炸到好乾身香脆，出面好多黃金乜乜，一味追求多唔多黃金，仲要搞到好油膩。呢到我最驚嘆就係佢個炸野，鹹蛋黃好似mix入左炸漿咁，乾身不滴油，就咁睇就唔係好多鹹蛋黃，但係鹹蛋黃味愈嚼愈起勁，愈嚼愈香口，最重要完全唔油瀝同埋應覺到佢地猛火熱油，好熱氣但好正！🥢雞絲粉皮🥢 $58無話特別驚豔，不過天氣熱熱地好岩食同埋食左咁多重口味野要食返清新D既野，粉皮涼涼地加埋青瓜幾清爽，加埋胡麻醬好開胃。