醉藥雞 (啟志樓) (Closed)

荃灣多嘢食就大家都知，之前行過路德圍都見過呢間醉藥雞，今日一於嚟試吓佢😋店內位置都唔少，枱同枱之間都唔會太迫😉佢哋嘅餐牌上食物都好豐富，我覺得最吸引就係佢嘅砂鍋生滾麵同埋冷盤😋我就叫咗招牌砂鍋醉藥雞配粉絲 ($68)☺️呢個係煮雞酒嚟嘅，一上枱已經有好香酒味同藥膳味😋湯底仲有啲薑米，飲完個湯個身仲暖😆入面嘅雞大約有4,5件，肉質唔嚡，啱啱好～粉絲份量都唔少，食完都幾飽😆跟呢個麵我仲加咗溏心醉蛋 ($10)同枝裝烏龍茶 ($8)😉咁樣加購都幾抵，隻溏心蛋簡直係入晒味，生熟度亦啱啱好～男朋友就叫咗砂鍋雞湯翅配粉絲 ($68)😋飲咗一啖湯就感覺好足料，好香雞湯味，而且一飲翅嘅鮮味就衝出嚟，非常好飲😋粉絲索哂啲雞湯，超滿足😗以我哋嘅食量就梗係再叫咗小食啦😆叫咗花雕冰醉雞 (半隻) ($108)😋佢嘅份量比我哋想像中仲大，連背脊嘅肉都非常厚，就知呢隻雞幾大啦😋而且呢隻雞嘅肉比湯麵嘅雞更加滑，好有驚喜😗另一個係醉三寶 ($52)😆有牛舌、豬肚同埋薰蹄😆其實佢嘅冷盤都好高質，每一款都好入味，而且酒嘅份量都處理得啱啱好～呢一個我最鍾意食係牛舌，又腍又香😛食完之後真係超級飽，又暖胃，絕對會想再嚟encor

🔮砂鍋胡椒猪肚雞湯米線    (加$10有糖心蛋1隻)雞湯米線原煲沙鍋上,上菜時仲係熱辣辣的,眼看已覺雞湯底濃郁,呈深奶黃色,先盛一小碗,試試味道！Wow！嘴刁的太后也稱讚,雞味清甜而濃郁,且有金華火腿提味！微辣胡椒,飲完更加暖心；細問一下,原來那個非比尋常的湯底,是用了五十斤的雞殼,鮮雞肉,猪骨等(當然還有其他秘料)每天早上熬幾個鐘,然後慢煮保暖.上菜時要加熱！雞件肉滑,猪肚軟腍,而且份量很多,足夠我和太后兩個食呀！ 🔮人參雞湯翅    沒想過小店也會有真魚翅食, 而且價錢都係$45 真係好抵！唔想食麵嘅朋友,其實真係可以只order這個湯！零味精,啖啖翅,全是雞湯的鮮味,真心覺得好味又好補身呀！ 秘製醉雞汁清甜香醇,花雕酒香濃再加上以桂花糖來調味,入口有二香,桂花香和酒香,甜度又中和了酒的苦澀味,太后更以小匙羹飲咗幾啖呀！🔮醉三鮮          花螺 + 蝦 + 鮑魚🔮醉三寶          牛舌 + 猪肚 + 薰蹄 想試多幾款不同類別的小食,所以就點咗以上兩個拼盤; 海鮮類醃得非常全味, 花螺,鮑魚雖厚身,但依然十分入味,食蝦頭時,還有醉蝦膏味,正！牛舌、薰蹄,前者軟腍入味