醉藥雞 (福榮街)

Open Now

Now Closed

深水埗福榮街除咗係車仔麵嘅天下，其實仲有好多臥虎藏龍，最近就新開咗一間醉藥雞，聽個名就吸引咗我呢隻餓鬼慕名而來。呢度主打係食砂鍋雞湯米線，另外仲有酒煮嘅小食，好多都好吸引！我就叫咗個砂鍋雲吞雞配刀削麵，因為用砂鍋裝住，所以食嘅期間完全可以保留到溫度，我相信冬天嚟食就更加正！佢嘅雞湯味道濃郁而鮮甜，雞肉好嫩滑，雲吞就有2隻，刀削麵都煮得軟硬適中，好味！朋友就叫咗胡椒豬肚雞配米線，好香胡椒味，辣度啱啱好，豬肚洗得乾淨又爽口，食完暖笠笠我哋仲叫咗個醉豬手補補骨膠原，豬手入味啖啖都充滿酒香，仲起咗條主骨，所以真係好足份量呢個價錢仲要唔駛加一真係性價比好高，我一定會約其他fd再嚟過！

行開深水埗見到又開左間新食店中正我口味就入去試試啦藥膳湯$30 跟飯大碗煲仔上嘅藥膳湯好有視覺衝擊，仲好熱辣辣，味道都不錯，有藥材味，凍凍地嘅時候飲好有心靈慰藉嘅感覺，好舒服😌湯料有雞肉，雲耳，少量藥材，係雞肉稍稍鞋左少少，但係對得住價錢，午餐黎講都很不錯另外叫左個醉豬手$58 都幾好食，呢個酒味濃郁帶少少甜味，豬手都入味又夠爽口，送飯一流總結：價錢水準成正比，有機會會再想試埋其他野，希望疫情快啲過可以再試得到