鼎泰豐

Open Now

Now Closed

鼎太豐啲出品都算係有保證，但每次食都覺得份量太少，每碟菜都很少份，同價錢不符合正比。 醉雞唔會有太大酒味，剛剛好，肉滑，沒有酥味，但今日呢碟比起平時仲細碟，份量免強夠兩個人，多一個都唔得。炸醬面 不錯，平時不愛吃炸醬面的我都吃光，有肉粒同豆腐干仲有啲類似肥豬肉臘腸物體，好彩冇花生醬 麻醬之類，比較岩我口味，但有點dry，面都好吃，有口感，唔太淋。呢個豬肉粉皮，對我來說太辣，但是好吃的，好食過出面的，一樣都是份量太少！ 它的炒飯是百吃不厭的，既香又不會覺得太熱氣，有蛋同蔥花，好簡單唔洗太花巧都好好味，個豬扒不會油淋淋同干淨淨，豬反而多過飯，豬份量充足值得一讚 但個飯係一個人又太多，兩個人又唔夠飽。 仲有紅油抄手都好好味，唔會太辣，入面啲菜肉都感覺新鮮，但都係得5粒左右。總括來說，鼎太豐出品不錯，質素不用擔心，價錢貴不緊要，份量太太太小碟了，如果一家人來吃，每樣菜都至少要叫兩碟先夠食！可以改善下 ！

八點幾，三人位等咗大約十分鐘就有位。環境光猛 乾淨企理 坐位闊落，第一印象已經加分。值得一讚嘅服務，當我地將一袋二袋放好係櫈上面之後，員工第一時間拎塊布黎蓋住我地d袋，小小細節位已經睇得出呢間餐廳嘅服務係好有質素！睇下餐牌，食物選擇都幾多，價錢範圍大約由$48-$100。蘿蔔絲拌海浙 (8/10分)，兩種食材比例平均，海浙好爽口 蘿蔔絲酸酸地，好開胃。作為前菜 份量都足夠三四個人食。醉雞 (5/10分)，食正雞翼加去骨雞胸個part，酒味好夠 但可惜偏咸。。。要沾醋同辣椒油去中和一下，原來沾醋一齊食都幾夾。肉質唔好期望太高，反正就中規中矩，只係味道扣咗分肉燥撈面 (7/10分)，肉燥入面有毛豆 豆乾粒 蔥花，個汁整得好好味。份量比想像中少，如果係兩個人的話都應該可以分到一人一碗。蒜蓉炒通菜 (7/10分)，炒菜類得幾樣選擇，全部都係用蒜蓉炒。通菜食落仲係爽口 夠鑊氣，差不多枱枱都有叫炒菜。主角小籠包 (9/10分)，終於明白點解食小籠包要去鼎泰豐，真係皮薄料靚，一舊分兩口食。雖然咬開湯汁唔係話滿瀉，但只少個肉汁真係鮮甜 唔油膩。蝦肉抄手 (5/10分)，個汁好似甜豉油加辣椒油，偏甜。睇

次次食上海菜必點烤夫，呢度既有點過油，唔係我食過最好食的，不過不失牛肚份量不多，味道清濟，沒有濃汁，作前菜都適合，挺有咬囗，薄薄一片，好快食完這兒醉雞較傳統，酒味比較重，姐左啲雞味，我不太“好“，但又鐘意食啖啖一舊舊既四方肉，所以都吃不少小小辣同蒜香，惹味配搭，底層係粉皮，白肉切到好薄，份量偏少，唔多夠喉！粉皮不俗，唔會淋晒一patpat咁呢個都幾大碗，無乜特別，酸辣參半，無食好多面啲醬好濃，多花生粒，有少少辣又有啲花生芝麻醬咁，適合一家大細食抄手蝦肉唔少，但豬肉比例就好多，好重豬肉味下，個汁唔辣，豉油幾鮮味，唔係無聊既死咸！小妹我最愛上海菜之中既蟹粉小籠包，次次食鐘意食既ya都可以食超多，通常我黎呢度，一食會成一打左右既蟹粉小籠包，貪佢價錢合理，90蚊已有六粒，鮮肉嫩，蟹粉鮮甜，包皮薄而不易穿，好喜歡望住透透地明既外皮裹住入面滿滿的湯！蟹粉要趁熱食才是最佳時機，因為冷了始終會有啲啲腥嫁！叫左普通小籠包，皮薄涵靚，不枉我等位等左咁耐！！主角到我黎呢度都係為左佢嫁炸，完全無令我失望！呢度太多人食，咁多年都係限坐個半鐘，個半鐘真係等位都唔止啦識得食，會簡平日下午三點左右黎食，咁就唔洗點等位

轉了工作在新港中心上班，當然要到鼎鼎大名的鼎泰豐品嗜一下。六時半左右放工上去取位，已經有不少人在門外等候，有不少是外籍人士。我們選擇了搭枱，只是等了五分鐘就可以內進。剛好是大閘蟹的旺季，自然要點一客蟹粉小籠包。上枱時應該很熱，有很多蒸氣冒出，但不得已跟兩位同事談完電話後，蒸氣已消失了。第一隻一口吃下，都忘了點醋吃，但已經非常鮮味，湯汁充滿口內，皮很薄，果然不同凡響。第二隻試著咬開一半來看看餡料，原來除了蟹粉，還有一絲絲蟹肉，難怪這麼鮮味。不過$88完只有六隻，不消一會已被全部吞到肚子裡。 醉雞酒味很濃，正合我意。雞肉肥瘦適中，挺滑身，連皮吃下也絕不會覺得肥膩。份量亦算可以，不會只有三四件。紅燒牛肉麵比起之前兩款餸有點遜色，湯底味道還可以，只是牛肉只有兩小塊，不值七十多元。牛筋很滑很軟，但也只有兩小件。建議牛肉麵還是去專門店吃較化算。

入口無渣，滲出少少豆香味。涼拌，醉雞，皮爽肉滑，酒味香醇皮夠薄，雖則皮薄，但不易穿，肉汁豐盛，齒頰留香出外食飯，千萬不要計較價錢，菜是最不值的，但又是最需要的~~~不要給她的外表嚇到，紅油是甜而不辣的呢蝦肉爽滑面質彈牙，花生醬偏苦，努力學習"珍惜食物"的我，恕我不能接受吧!一碗紅燒牛肉湯麵，有五大塊牛肉，牛筋，絕不小器，但肉質偏韌，甚有咬口湯色濃，喝下味清帶有肉香，一點也不油膩我最期待的籠仔豆沙包第一次食這個豆沙包時，身在台北其中一間鼎泰豐，那種味道，令我為之一震，我絕對可以一人吃一籠今天，當然沒有當時那種震撼，但，味道同我身在台灣時的味道差不多香港的果皮味偏重，甜而不膩，讚!不得不提，一隻小小的豆沙包，超過18摺，皮薄可看穿餡料，好功夫!!!兩人，埋單$430

鼎泰豐 - 冒名去到台北試過一次。果次就真係覺得有d浪費時間, 多人到爆要等成個鐘先入得，但係入到去地方又細又迫，最慘係d食物質素真係不外如是. 比起上海的南翔小籠包........ 真係冇得比.....今期因為係左近上堂, 同事話不如到鼎泰豐啦... 雖然心裡一百個不願意, 但係又冇其他 suggestion冇計.....鋪內所有的東西都得骨子, 坐位舒適及每一位店員都得有禮貌。當你走入店時, 每一個店員都用國語對你說"歡迎光臨"; 走果陳又話"多謝!..."六個人我地叫左 8 樣野醉雞 - 香有酒味, 但唔夠醉干煸四季豆 - 一般冇特別青瓜 - 夏天首選, 夠青特色小籠包, 蟹粉小籠包 - 皮溥, 夠熱, juicy. 但係唔知點為之特色, 好少好少蟹粉少到好似冇咁 - 好貴 成$10粒排骨麵, , 蔥朥麵及擔擔麵. - 麵質可以, 但又唔係特別好食

無論是什麼時候, 這店都要排隊, 故今天放工後一行幾位同事六時許到來, 幸好不用等位, 但用膳時限為一個半小時!香口的小吃, 不消一會大家便一人一口很快完成了! 證明了這開胃的威力薄薄的肉片, 片數很多, 味道很好, 讚!是次不夠香的酒, 真的是令這雞遜色不少...不油膩的炒飯非常香口, 有大件厚肉的鮮蝦, 看似很細碟, 但偏偏一邊吃一邊還有剩, 即是份量不錯夠脆, 夠餡, 讚!神奇的質感, 吃下香滑, 有小許肥羔, 整體味道佳!不過不失, 若花生味多些會更佳另外小籠飽亦是超讚之選, 非試不可服務不錯, 環境ok!

8點幾去到, 只需要等4張2人枱, 揀完野食, 岩岩入得,叫了特色小龍包, 台灣擔擔麵, 蛋炒飯, 醉雞~~小龍包皮薄, 蛋炒飯好香, 醉雞很香擔擔麵亦都好食, 但食落有少少苦味..(唔知係咪正常? 因為我地都係第1次去食)食物來得很快~服務非常好, 收碟快, 有禮, 連洗手間的清潔姐都很有禮

唔係猛龍唔過江,台灣鼎泰豐搬左去尖沙咀之後,今日終於有機會一試。台灣鼎泰豐最出名係咩??小籠包??nono。芝麻包??nono。燉雞湯??nono。係著高叉裙既PR姐姐,不過係香港就算啦,食野吧。雖然香港既服務員係相貌比較平庸,但係服務真係好到得人驚,每位服務員有親切既笑容,服務呢一環真係要俾滿分佢。我地去到拎張飛等兩三個字就有位啦,等既時間仲已經睇埋餐牌,寫定食咩,一坐低就即刻落單,流水式操作。我地點了醉雞($68) ,小籠包($48),同燉雞湯伴面($58)。等左無幾耐野食就差唔多到齊,真係好高效率,我地一路坐服務員一直幫我地加茶,仲要好有禮貌,雖然我同女朋友覺得佢服務真係好,不過真係好唔慣,哈哈。醉雞,差唔多每枱都食,食落口ok,酒味很香,如果雞肉嫩一點更美好。小籠包就真係好似天氣咁不似預期,無想像中咁神級,而且要第一時間食曬佢,因為凍得快。食第一粒要"呵"下佢,第二粒可以份兩啖食,第三粒已經可以一口咬左佢,突然間對本店有d失望添。至於燉雞湯面,建議大家都係分開湯同面嚟食啦,佢地唔係好夾,不過湯就真係好飲,但比台灣店失色。食曬未夠飽所以決定嚟多兩個包啦,當我仲望緊張單,諗下點咩食

星期六去藝術館行LV展後, 去一嘗鼎泰豐小籠包從扶手電梯向上看, 已經見到門外人群鼎盛 取了籌後, 看看螢幕, 需要輪候過50張籌, 但服務員非常體貼, 說可以逛一逛後, 打來查詢輪候號碼逛了一小時多, 終於輪到我們了, 服務員一早已給了點菜紙, 我們一早把我想點的填好, 入座時交給他們, 很快地我點的菜已逞上我面前了, 效率果然一流醉雞, 份量剛好, 雞肉不算太肥, 但略嫌不夠醉排骨麵, 其實即是豬扒....size好大, 肉質鬆軟, 非常好味小籠包, 幾乎全場每枱必選的, 熱騰騰, 皮薄, 夾起不易穿, 保持肉汁荔蓉小包, 也是熱騰騰的, 皮薄荔蓉餡不太甜, 簡直一流雖然我未去過台灣的, 但相信此間可以比美台灣, 而且服務態度真的值得一讚

我睇左openrice既食評 所以就黎左呢度食喇@.@我地拎飛等位我地係86~ 拎個時係60...不過都好快就有位-w-"因為有好多人都走左咁....我地叫左幾多野食醉雞-酒味幾濃,雞都幾幼滑,唔覺得肥,醺魚-幾甜,本身魚就幾多骨水晶肉- 味道一般,賣相不夠透明,牛展-香,味道較水晶肉吸引小籠包-皮薄餡靚,不膩,有食評話唔夠湯,但我覺得已經足夠了 @.@香蔥拌麵-麵質很爽,不過蔥味不足,似醬油拌麵菜肉餃麵-菜肉餃很清,菜的比例多,但亦食到肉味鮮肉包,一點也不膩,湯汁豐富服務方面,讚~洗手間的姨姨服務好得有點不習慣我地叫左兩個鮮肉包,個哥哥打開個籠見到兩個包,即問我地洗唔洗分開,之後即刻拎去切開佢~而且在香蔥拌麵上台時,有位哥哥禮貌地說,要在熱時候拌勻,否則冷了會硬@.@~~~用心的服務^^一定會再去>w<喜歡夾起搖來搖去也不破的小籠包

又放下晝去鼎泰豐一次。今次食醉雞，蟹粉小籠包，清炒河蝦仁，菜肉餃，蒜蓉炒介蘭，同埋豆沙小包。醉雞依然好美，不過紹興酒味稍淡，蟹粉小蘢包今次有點腥，而且肉質有點霉，不過尚可。清炒河蝦仁爽口彈牙有蝦味，但稍貴，128元呢！菜肉餃皮薄，清淡好味。炒介蘭好味，菜嫩甜脆，豆沙小包好味，一口一只，稍甜但充滿豆沙蓉。總括而言，水準似乎不太穩定。