樂天皇朝 (青衣城1)

Open Now

Now Closed

老公咁岩平日放假..我地今日去左青衣城,見到樂天皇朝有一個下午茶優惠👀好抵呀～重要既事情要講三次「五折·五折·五折」（當中包括點心，拉麵，涼菜，湯，小籠包）· 小籠包皮薄餡靚,咬落去仲有湯汁好惹味🤤唔洗點醋都已經好好食啦🙈好後悔今次淨係叫左6隻😭其實佢有6隻/10隻可以叫..老公話叫6隻試下..下次我再黎食一定會叫10隻😂·醉雞好入味..不過唔係好多肉😢下次都係加$10轉雞脾🙈咁樣就可以啖啖肉啦😏·鮮蝦雲吞拉麵有4粒雲吞配埋個拉麵🍜我同老公一人兩粒雲吞..有d唔夠喉🤡雲吞有好足料既蝦加上味道岩岩好（唔會好似出面個d好咸）·蘿蔔絲酥好好味..外脆內軟🤤咬開入面有一條條蘿蔔絲,值得一讚刀工細膩👍🏻溫馨提示: 小心熱😘

今日放工老媽子唔想煮飯咪同一家人一齊出街食飯。屋企人當然想食中菜，咪陪下佢地，去間久仰大名嘅樂天皇朝食下上海野，結果完全冇失望。第一道招牌菜係皇朝小籠包，薄薄嘅皮，濃濃嘅湯汁，香香嘅肉質就係構成完美小籠包嘅材料，樂天皇朝作為主打上海菜嘅餐廳，果然冇令我失望！八種口味嘅小籠包， 原來食嘅時候都要從原味到麻辣味順序食， 先食原味、人參、鵝肝、黑松露、芝士、蟹粉、蒜香、麻辣。 食嘅時候呢要由小籠包最結實嘅頂部夾起， 用匙羹接住，咬少少汁出嚟飲咗先， 隨個人口味加少少醋同薑絲， 食小籠包都係一種飲食文化。之後上嘅松子桂魚都做得唔錯，味道夠之餘脆軟適中。李白醉雞好重酒味，好特別。鮑魚炒飯真係有一隻鮑魚喺上面，啲飯充滿鮑汁，正！夫妻肺就辣度足夠，都可以一試。甜品都幾正，豆沙鍋餅好大份，同一般好簿一塊既唔同。最後講下依間餐嘅服務。侍應點菜上菜時非常殷勤，不時幫我地倒水同問我地有乜需要，所以服務上我俾滿分！價錢黎講我地四個人食左大概一千蚊。以咁高質素嘅食物黎講算係物超所值。所以整體黎講我對今餐嘅評分係9分！