叁淥火鍋 (Closed)

突然又凍番。又係時候打邊爐。今次去左家姐屋企附近嘅叄淥火鍋 @sanlu_hotpot 。 #yohotown 行去大約十分鐘。平日晚市唔算多人。坐得勁舒服。💋醬爆龍蝦雞煲 用嘅係新鮮澳洲龍蝦。肉質彈牙，味道鮮甜，仲要爆多膏。隻龍蝦真係一百分。雞都好嫰滑。加上紅洋蔥，成件事好惹味同滿足。食完可以加湯落去打邊爐。啲湯汁仍然食到龍蝦嘅鮮味。💋蟹籽墨魚丸墨魚丸貨真價實，見到碎碎嘅墨魚肉係入面。食落一啲都唔粉。加上外層滿滿嘅蟹籽，正！💋韓國濟州黑毛豬五花腩食過日本同西班牙嘅黑毛豬。但韓國真係未試過。見老闆介紹，即管試試。食落好濃豬味又唔鞋。真心好食！ 連個肥腩位食落都係爽身。大推。一定要試！💋日本大扇貝自己買刺身級嘅都未買到過咁大隻。厚身，大隻，鮮甜！真係冇得彈。💋田園菇菜拼盆六十幾蚊好大份。有冬菇，油麥菜，雞脾菇，粟米。💋益力多沙冰好鬼正。加埋冰沙，飲落香香益力多味得黎又唔太甜。💋西瓜沙冰好濃西瓜味。睇住落單後，即刻用西瓜打成沙冰。總括而言，老母食完即刻話要book 房做節黎食。你就知有幾好食😋#元朗美食 #元朗邊爐 #元朗 #屯門美食 #屯門 #天水圍美食 #天水圍 #yoho #邊

出糧食好d! 今日去元朗搵好野食，黎到呢間懷舊主題既火鍋店！ 一去到鋪頭就見到佢有一個大大嘅魚缸，養左勁多龍蝦🦞🦞🦞，隻隻都眼仔碌碌，游緊水！望下望下我就決定要食左佢🤣！🦞🐔醬爆龍蝦雞煲（原隻澳洲龍蝦）一來到就見到個煲有大大隻龍蝦，擺盆勁靚！跟住個職員就會來幫我哋炒一炒佢，即刻勁香勁惹味！ 佢嘅龍蝦喺澳洲龍蝦，唔喺波士頓龍蝦架！所以啲肉特別大舊同彈牙，每一啖都好鮮甜，係高級既享受！之後啲雞會索哂啲龍蝦汁就更加惹味喇！食完之後叫職員加湯就可以打邊爐，湯底就會充滿住龍蝦味！🐷新鮮第一刀聽個名咁得意既，就問下職員，原來係第一刀斬下既豬肉。味道有d似豬頸肉，但更爽更甜，加上切得好薄好快熟，好快食完一塊又一塊！第一次覺得火鍋唔一定要食肥牛，豬肉都可以好好食👍🏻🥗火鍋配料潮州純牛筋丸＆即炸潮洲魚片有驚喜!肉味極濃，一咬爆漿 ！咬起黎好有彈性，必點！魚片外皮香脆，裡面彈牙，有新鮮魚味！即炸紫菜響鈴火鍋一定食響鈴，索哂啲龍蝦汁加倍滋味！即叫即炸卜卜脆，每一舊都大大件，每條響鈴都包住一塊紫菜，唔會太油膩，誠意之選！田園菇菜拼盤 並配有生菜、鮮菇、粟米、杏鮑菇，打完邊爐食番啲菜，飽足感滿分。🍹飲品：白雪公