心夜來潮 (Closed)

韓國醬油蟹醬油蝦就食得多啦，估唔到有得係香港食到潮州既醃鮮，一於約班FD去試下。要數世界上最邪惡既食物，我相信豬油渣都可以列入頭十名勁耐冇食過豬油渣麵，竟然見到呢度有得食豬油渣蒸水蛋，梗係要試試啦🤤🤤🤤🐷豬油渣炸過非常香口，脆卜卜之餘入面重有香口的油香，而且唔會覺得食落口好油膩或者好大陣酥味，送飯一流而雞蛋亦都蒸得好有水準，蒸得夠嫩滑，而且唔會蒸到起泡，口感順滑又香。配上甜甜的豉油，整個組合相當惹味熱辣辣既脆炸饅頭配上練奶，永遠都食唔停口卥水拼盤有豬耳丶豆腐丶紅腸丶豬大腸丶五花肉等等，味道唔會太咸，送飯送啤酒都一流。$43蚊一隻的聖子皇，大大隻，味道唔錯，而肉質都爽口$18蚊一隻既醃生蝦，每隻都有半隻手掌咁大。肉質都幾結實，醬油味唔會太咸。脆炸獅子頭，餡料好足料又結實，啖啖都係肉味。配泰式雞醬唔錯。炒得好乾身既粉絲，配料有蛋丶冬菇等等，味道唔會太濃，食落幾爽口。大愛油炸過的咸魚配芥蘭，咸魚炸過後脆卜卜，送酒真係一流！超正。

之前食過荃灣分店的「心夜來潮」，叫了好多款菜式，反而醃海鮮及海鮮未食，今次係旺角見有分店，就同友人一齊食海鮮，仲有必點的自選配料潮汕砂鍋粥。醬醃生蝦 $68有8-9隻生蝦，手指咁粗夠大隻，雪完冇變色處理得好，附配潮州粥，幾抵食。生蝦醃得夠入味，而且不會太咸，生蝦肉爽口彈牙，比一般煮法更咸鮮味突出，好好味。香辣魚仔炒蟶子皇 $38/隻，我同友人各一隻。果然好珍寶size, 快炒惹味得黎蟶子更嫩滑爽口，當中的香辣魚仔更令蟶子有微辣香辛味，幾濃味既菜式。傳統鴨蛋煎蠔烙 $78，用鴨蛋已經吸引啦。煎得夠香口，邊位更是非常鬆脆，仲有鴨蛋香。蠔仔超多又嫩滑，脹卜卜好飽滿，鴨蛋與蠔仔兩者都不腥。蠔烙帶煙韌不易散，厚薄適中。潮汕砂鍋粥 $230 （小）夠哂新鮮滾熱，用砂鍋裝著，食到尾聲都仲暖，而且睇個面橙黃色，充滿蟹膏好吸引。（膏蟹-小 $120、蠔仔$60、豬潤$30、鮑魚$20/隻）。膏蟹揀了小，但都幾大隻，而且好多膏，札實甘香，蟹肉嫩滑鮮味。蠔仔份量同樣多，粒粒柔軟嫩滑有蠔味。還有鮑魚彈牙好咬，只叫了一隻切成兩份，實不夠喉，下次要每人一隻。整個了都好鮮甜有海鮮味，加了豬潤更香，粉嫩與感好夾軟綿綿

潮式生醃海鮮近來又好像帶起了熱潮，男朋友自稱從未食過生醃海鮮，所以這天便來嘗嘗啦。食物選擇也頗多，單是生醃類別已有七款食物選擇，不過這天瀨尿蝦已賣光了，我跟男友便退而求其次選擇了生蝦。醬醃生蝦 $58起初我以為食入口會有濃烈酒味，原來只有一點點而已，但反而更能食出海蝦自身的鮮甜味道。牙籤雞 $32男朋友的心頭所愛，脆口野! 每件雞都十分的骰，外層痴滿脆米，炸得乾身之餘又不會硬柴柴，不用點甜酸醬已很夠味。傳統鴨蛋煎蠔餅 $68整餐飯我最欣賞的一道菜，菜名特別標榜『鴨蛋』二字，蛋味果真超級濃郁，蛋餅中的蠔仔隻隻肚滿腸肥，剛好熟的口感使蠔仔非常嫩滑。而整個蠔餅最出色的地方，是外圍的焦香邊位，食入口金黃香脆不用說，當中竟然有股只屬於鹹蛋黃的鹹香味，真是十級滋味!!蒜蓉椒絲炒通菜 $52通菜比平日吃到的更嬌嫩，每條都幼身細小，完全沒有過老的狀態出現，吃入口爽脆沒有渣。潮汕砂鍋粥 $240點了中膏蟹 + 蠔仔，首先視覺上已十分好看，帶淡黃色的粥底加上橙色蟹膏，整煲粥滾熱辣冒著煙地上檯。蟹膏比想像中更甘香，完全沒有因為經粥底吸收了精華後失去了原有的鮮味，反而鮮味仍能保存。$60的蠔仔亦很大手筆，幾乎