1仔冰室 (Closed)

之前見到openrice介紹，適逢慶祝朋友生日 (咁岩住黃埔)，不妨過黎一試，無諗過可以電話訂座，同步預留左個店員話必食既籠仔飯。 龍蝦鮑魚籠仔蒸飯 (二人份量) - 即叫即蒸，需時約20分鐘，賣相唔錯，龍蝦同鮑魚仔 (有3隻) 既味浸晒入d飯，個飯好香好入味，龍蝦肉唔霉既，都多件。 蜜桃柚子骨 (套餐) - 酸酸甜甜好開胃，都有6至7件。 香煎三色餅 (肉餅、墨魚餅、蝦餅) - 味道一般，唔夠香，口感有少少實，如果配個醬汁可能好d。 金磚四角 (拼朱古力醬) - 賣相好吸引，而且夠熱，仲有四大磚，平時少食西多士既我都覺得幾好味!總括黎講確實值得一試，家常小菜都唔錯，而且價錢合理!

夜晚行過紅磡必嘉街被一間冰室既門口一句粉紅螢光句子「我是一個吃貨」吸引，睇裝修幾新正，仲幾有潮感。一坐低，就聽到有個職員話咩蒸飯剩一，我即刻問咩飯咁早7點幾就賣剩一個咁巴閉。原來係龍蝦鮑魚籠仔蒸飯是也！就係咁，我地就成為今晚最後一個食到呢個蒸飯既人。個龍蝦🦞拑好輕易就拆到成件拑肉出黎，加分！而個飯用荷葉蒸到岩岩好，每啖飯都有荷葉香加龍蝦上既蒜香仲有鮑魚上既陳皮香，好食到直豎拇指！嚴重建議2-3人分食，真係好大籠呢！而最令我驚為天人竟然係我本以為最平平無奇既吞蛋厚多士！佢既流心蛋加秘製醬吞拿魚既結合，連同芝士厚多士一齊焗！唔放入口你都估唔到咁夾咁正！口感極豐富，真心空肚最少可以掃2碟！直接列入我既直豎拇指系列！雞翼控要留意喇！呢間冰室既桂花蜜雞翼，絕對係人生食物。隻隻都好肥大，桂花蜜既甜香係上聯既話，雞翼既脆香就係下聯，雙方既口感互相呼應！小菜方面都係水準之作，黑松露蝦仁炒蛋，香就梗嫁啦，無諗過佢既蝦仁咁爽彈，一碟仲有好多粒添。而乳鴿仔都係即叫即燒，最重要係無咩油，食完都無咩罪惡感！終於講到甜品喇！呢度招牌甜品係「金磚四角」，簡單黎講就係4件迷你夾心西多仔！仲有4隻味擇，花生，果占，咖咉