Video
5-min walk from Exit B, Whampoa MTR Station
continue reading
Introduction
街坊式的親切經營，傳統炒粉麵飯、港式早餐當然一應俱全，絕無欺場，一直努力研究如何將港式食物與潮流飲食習慣結合，成為新舊「 fusion 」的港式冰室
continue reading
Opening Hours
Mon - Sun
07:00 - 21:30
Above information is for reference only. Please check details with the restaurant.
除咗壽司之外，好耐都冇食過魚。經過呢間位於紅磡既「冰室」，我覺得佢係似茶餐廳多啲，入邊有好多地盤師傅喺度開餐，證明啲嘢食一定好夠火候，同埋大份夾抵食。個場夠大，光速搵到位，光速上餐，光速食完（我食嘢快）😂唔覺意叫咗最後一份豉汁蒸鯇魚飯 $63，是一份魚頭～ 啖啖肉，鍾意食面珠墩肉嘅人有福了。 亦是星期五的午餐精選，送燉湯（你當佢係茶記餐湯，唔好抱太大期望），佢星期一至星期日都有午餐精選，每日都有唔同選擇。 凍飲加$3 ，係有檸檬片嘅檸檬茶！唔似其他集團式餐廳嘅冷壓檸檬茶，可以自己篤檸檬。餐廳環境好地道，快餐之選。唯獨是我坐近道門，可能門鉸有啲生鏽，啲吱吱聲令人感到不耐煩。
continue reading
自從換了腦細後，成間餐廳裝修佈置都唔同晒，熱飲凍飲叫待應走膠匙羹都照攞上來。食物都係平時茶記水準啦。不過最驚喜是呢度長期播住鳳凰衛視，可以係呢度掌握祖國資訊，我覺得呢度的變化真是180度變化，太神奇了。
continue reading
有少少趕時間過去尖東搵我朋友，朋友就想幫忙，順便幫手買嘢食，響紅磡區行過去途中經過1仔冰室就直接響度買外賣返去食。佢嘅地點應該係介乎黃埔站，同埋紅磡站中間咁上下，黃埔站行過去5分鐘左右就到。朋友就要做一個最基本嘅常餐，沙嗲牛肉通粉，配埋炒蛋，仲有個菠蘿油。沙嗲牛肉通粉食嗰陣時冇落晒啲湯落去，所以沙嗲牛肉味比較出，但係如果成個湯落晒佢就有少少偏鹹，通粉嘅口感正常。炒蛋有啲乾身。菠蘿油外面嗰浸脆皮有少少實淨，攞上手感覺個菠蘿油好似有個殼咁，咬落去就係外面硬硬地脆脆地，裏面有少少乾身。我就要咗個鹹牛肉蛋潛艇，份量正常，鹹牛肉同蛋嘅比例都可以，呢度蛋正常好多。整體來講發揮正常。
continue reading
1仔冰室 比想象中好👍🏻比以前好食咗好多、而且非常適合食軟飯嘅人（哈哈，是說白飯 比其他茶餐廳軟啦） 魚又蒸得剛剛好、有晚市二人套餐、魚或者蝦十1個自選小菜十油菜十例湯+飲品 $208
continue reading
得閒出嚟食個沙嗲牛麵，諗住是但搵間茶餐廳，呢間的確令我有驚喜，沙嗲味濃郁牛肉唔會韌，而且唔係普通嘅多士，係用丹麥包十分香口。另外炒蛋亦有功夫，香口得來唔會老。唯獨是個咖啡比較差少少，希望可以用啲比較靚嘅咖啡豆
continue reading