素食一家 (Closed)

出去同朋友食飯經常大魚大肉，多肉少菜，所以今次我就提議食素食，同大家清清腸胃。無諗到餐廳面積幾大，而且座位寬敞。金莎蘆筍苗將蘆筍，菇同鹹蛋黃一齊炒，炒過嘅蘆筍仍然爽脆，整碟菜都充滿濃郁既蛋黃香，不過食多幾啖我覺得味道鹹左少少。鮑片麒麟豆腐最頂層係花菇，之後係素肉，鮑魚菇同墊底既豆腐，蠔油芡味道濃郁，不過西蘭花略嫌太硬，好彩墊底既豆腐口感軟滑而且有豆香。圍村蓮藕餅咬落去食得到蓮藕絲，非常爽口，可惜炸粉較厚，而且炸得太油膩。薑茶菊花賣相十分精美既一道甜品，盡顯廚師既刀工，把質感軟滑既豆腐切成長短一致既菊花狀，口感嫩滑，糖水薑味濃郁﹗ 有機可樂比想像中好飲，好過健怡可樂。而且成份天然， 不加防腐劑及無咖啡因。雖然今次既食物唔係全部都令我滿意，不過餐廳既服務態度良好，又細心解答我地既問題，希望將來會見到餐廳既改善。

約了舊同學聚會，正煩惱晚飯地點，朋友說反正約了星期一，不如響應Green Monday, 去素食館。反正每次聚會通常都是日本菜或韓燒，這次就來個素食吧！最後選了在洗衣街的素食一家，常經過這餐廳，總未有機會一試，就待今晚來試一試。我們三人點了四個菜，先來冷盤<涼拌海蜤手撕雞> ($38)手撕雞是大豆做的素肉，感覺野蠻像雞肉，加上青瓜絲和粉皮，醬汁微辣，感覺既清新又刺激，很一道很適合夏天的菜式。再來是<大红一品雞絲翅> ($75)我一直以為沒有加肉的湯會比較味寡，沒想到這一品翅味道鮮美濃郁，湯裏有冬菇絲木耳絲粉絲，令口感更豐富，我們叫了一窩，每人分了兩碗還有剩，份量蠻多的。第三道是<金莎蘆筍苗> ($78)菜式很特別，裹頭有蘆筍，菇和蕃茄絲，用了金沙的做法，即是加了鹹蛋黃一同煑。鹹蛋黃味剛剛好，不㑹太濃，沒有蓋過蘆筍原本的味道，蘆筍仍然脆嫩，朋友很喜歡這道菜，説鹹鹹香香的很治味。而我則最喜歡第四道菜<招牌蓮藕沙拉骨> ($68)沙拉骨其實是腐皮包蓮藕再拿去炸，炸後再加菠蘿三色椒和甜酸汁，腐皮炸後變得香脆，蓮藕仍很爽甜，再加上吸

因為前日同老公食左自助餐，覺得好heavy，所以今日想食得light D，老公提議不如食下D新派素食啦～ 如是者，上openrice search 下啦，一打個「素」字就已經彈左「素食一家」啦～ 見到咁多好評，仲要係旺角咁方便，就即管試下啦～ 果然無令我地失望～一入餐廳，已經覺得環境好舒服，燈光柔和，裝潢典雅，仲有D日和格調添！因為我地唔係食開素，所以都係主要揀番D較濃味的非傳統素菜。《大紅一品雞絲翅》幾足料，基本上每一羹都有料！有木耳、冬菇、素翅。比較杰身，味道同碗仔翅差唔多。《黑松露雜菌蛋豆腐》是日主菜精選！沾滿醬油的雜菌同清淡柔滑的蛋豆腐配得好好，一濃一淡，而黑松露茸亦無搶到其他野的味道。Encore-able！哈哈，下次再來要再叫！《金莎蘆筍苗》用咸蛋黃附以素肉鬆及素肉碎，跟鮮蘆筍及海鮮菇炒在一起，有濃郁蛋黃香，好rich！ 問店員先知原來隻菇叫「海鮮菇」，皆因食落帶有少少蟹肉味，好得意！《日式燒汁鰻魚炒飯》見D裝修有D和風，就梗係叫番樣日式野啦！原本老公都唔太喜歡食鰻魚，因為成日覺得鰻魚太稔滋滋，但因為我太想叫呢樣啦，加上其實都係素鰻魚啫～所以最後當然都係就晒我啦！原來素鰻魚

我呢個無飯主婦，成日都會係Facebook 放毒，每次朋友都會葡萄我。其實大魚大肉得多有時都想食清d，今日就帶埋我個c6去試下食素，清清腸胃先。我地去左一間叫「素食一家」既餐廳，去到睇一睇menu 先知原來呢間餐廳已經開左十幾年，但係內裏格局仲係好新，俾人感覺好舒服，真係有家既感覺，而且職員都好有禮貌，笑容滿面，我心諗，唔通食得齋多，個人心情都好d，哈哈！入翻正題，一打開本menu 同我平時係d寺廟食既完全唔同，款式好多，樣樣都好吸引。先來一個魚生刺身拼盤（$42）兩款魚片，每款四塊，第一口咬落去，真係有生魚片既感覺，上網check過原來素刺身係用蒟蒻及其他天然物質加工而成既。日式芝麻醬山藥（$38），山藥聽聞係一d好有益既食材，咬落爽爽地，加入日式芝麻醬，非常香口，再配上杞子，木耳，成個組合都好健康有營呀！招牌蓮藕沙拉骨（$68）蓮藕係我最中意既爽蓮藕，用腐皮包住炸脆，再加上千島汁味較濃既沙拉汁，一咬，層次好豐富。又脆又爽，少少酸甜，好醒胃。金莎蘆筍苗($78)，平時食西餐既蘆筍多數都好大條，呢到就揀左用蘆筍苗，食落甜d咬落更爽脆。再配埋菇去炒，食落有咸蛋味，唔知係咪真係落左咸蛋去炒

係香港，茹素並不容易，素食餐廳不多，而好吃的素食餐點更加難求！呢間位於旺角的素食餐廳其實我已經幫襯多年，佢地隔一段時間會加入新菜色，menu時常會有新驚喜，亦與一般中式素食不同，有時會加入日式或者西式元素，令素菜都可以變化多端！今次約埋兩個女仔朋友來吃晚飯，叫左一D招牌菜，同未試過的菜色。座位好寬敞，同埋冇擺放任何宗教切物品，令人舒適自在!首先當然係前菜，第一個嚟嘅係"日式芝麻醬山藥"。成日聽人講山藥好有益，但唔知點樣配搭好吃，原來可以加埋木耳，襯埋芝麻醬，好似日式沙律咁！相信冇人會唔喜愛吧！山藥係爽口的，味道稍為清新，感覺仲好健康！第二個菜係店長推介嘅"圍村蓮藕餅"。質感比較香脆，有少許煙韌，味道唔錯，好香口，點D喼汁食都幾開胃。不過煎炸嘢我有D怕熱氣，所以食左一舊！跟住主菜嚟喇，係"金莎蘆筍苗"！呢個要推介下，好香咸蛋黃味！有菇菇(唔知叫什麼菇)、蘆筍苗、紫菜絲！金沙即係好似平常食黃金蝦面頭的咸蛋黃咁，勁惹味！平時食蘆筍係會有D渣嘅，但呢個係蘆筍苗，所以超幼嫩，完全冇渣！唯一係比較油左D~另一道主菜係"招牌蓮藕沙拉骨"。聽個名仲以為係用素肉整嘅沙拉骨，原來係腐皮包住蓮藕，配菠蘿沙拉

大家好， 皮蛋豆腐係一對鐘意食野既couple，不過我地成日都唔記得我地食過d乜，所以就決定開番個openrice account，有時間既時候就紀錄下食過既野啦 今日皮蛋同豆腐出左旺角買d電話配件，行行下到左晚飯時間，就沿住洗衣街行睇下一路行有無d貌似健康d既餐廳。皮蛋豆腐基本上一個星期7日都出街食，所以盡量都想搵d比較清淡既野食。一路行見到呢間叫素食一家既餐廳，入面都幾多人，menu上好似都有唔少選擇，好啦，今晚就食下齋la。去到六點半左右，一兩分鐘就安排到位置，嘩乜原來香港咁多人茹素同咁早食飯，間餐廳咁早已經full house咁滯。Good有得坐卡位，睇下有咩食先。餐牌上野食賣相都唔錯，似酒樓啲小菜，但黎得食素，都想食得健康啲，最好少油少鹽少味精。因為我地得兩個人，所以只叫左幾碟份量少啲嘅菜：先來一個大紅一品鮑魚翅，睇落幾足料，調味都唔算濃，冇咩味精味，可以。跟著係紅油抄手，粉皮幾滑，入面係啲素肉，個汁就唔係平時食開嘅純辣油，而係有少少花生醬味嘅汁，相對冇咁油，味道唔錯，但對我來講就唔太夠辣（可能因為我平時食得幾辣）。再來係圍村蓮藕餅，應該算係最多人叫嘅招牌菜！雖然係炸的，但