和氣食堂 (黃大仙中心南館)

Open Now

Now Closed

黃大仙中心的驚喜老公轉左去黄大仙番工，所以展開東九龍覓食之旅，估唔到平平無奇既黄大仙中心居然有驚喜-和氣食堂溫泉玉子牛油果凱撒沙律呢個係老公推介之選，溫泉蛋蛋味濃，啲沙律菜同洋蔥好夾，最驚喜係有牛油果，口感好rich好juicy 紫薯鮮奶&抹茶鮮奶/ 鹽味燒牛舌&三文魚椎茸燒我好中意紫薯鮮奶，我感覺甜入心，老公飲嘅抹茶鮮奶抹茶飄香，口感順滑。燒牛舌爽嫩唔會靭，食落仲有肉汁，三文魚椎茸燒配合得天衣無縫，加少少檸檬汁估唔到又出奇咁夾火炙鵝肝3點作為鵝肝控既我必食之選，鵝肝口感嫩滑，亦唔會搶曬魚同帶子既味道金蒜燒日本米茄子呢個必定必定要食，啲金蒜好香又唔乸喉，食完一碟想再叫，可惜個肚已經冇位蒜蓉芝士燒日本廣島蠔又係蒜蓉呀，和氣食堂啲蒜蓉燒好有水準，啲蠔又唔會燒到太老太熟，食落仲係好juicy大大隻櫻花蝦鯛魚湯泡飯呢個係和氣食堂既signature ，店員哥哥好好我，我想影想所以慢慢幫我倒湯，仲提示我地個鍋好熱要小心啲，非常貼心鯛魚湯湯底濃郁，呈奶白色，睇到湯色都知好足料，食既時候配埋旁邊既飯素，將整個湯飯層次昇華和氣食堂一定要食佢啲燒物，我要再去試

今日又過左黃大仙探朋友兼搵佢BB玩~我同佢都鍾意食日本野，夜晚佢就帶去佢佢既飯堂~就係呢間日式餐廳!7點幾去到已經好多人，係正黃大仙中心應該附近好多街坊都會黎食。眼見隔離檯點左D壽司大大件好似好吸引，朋友就話難得我過黎，由佢發板點D特別D既野我食~所以就由揸主意，連埋甜品叫左6樣野食。安格斯牛扒他他沙律一上檯我已經嘩左一聲，朋友見我咁既反應表示很滿意。因為我估唔到個沙律真係咁大碟，而且上面既牛肉熟成度係剛剛好，外面焦啡內裡粉紅，勁靚!蔬菜方面有生菜、青瓜、洋蔥、栗米同車厘茄，配埋黑醋食，酸酸甜甜好開胃。賣相吸引又好食又有營養!絕對係健康之選!照燒魷魚筒 原隻魷魚切件，見到砌得番成隻魷魚出黎~XD平時因為怕D肉好韌難咬所以好少食魷魚筒。本來都唔係好想夾，但朋友係咁叫我試，點知一試有驚喜，魷魚唔韌之餘好厚肉，食到魷魚鮮味，面頭掃左層照燒汁令成碟魷魚更惹味。日本清酒石鍋煮蜆成個石鍋上，蜆既份量好多，而且係粒粒有肉，唔係平時食到果d了黎了去都剩得d殼，湯底好濃好香清酒味，忍唔住用殼就咁筆黎飲!非常鮮甜! 蜆肉都好新鮮冇沙，亦見唔到d未開口既死蜆，值得一讚!金蒜燒日本米茄子發覺呢間餐廳好鍾意將食

和氣食堂早幾個月都食過一次, 今次又約左朋友係黃大仙食飯, 想食日本野~ 馬上就諗起佢啦!睇一睇menu先, 佢種類係比較多, 壽司、飯、面都有~首先叫左個三文魚牛油果沙律開下胃先~ 三文魚幾令幾新鮮~ 但D菜就一般般啦、唔係特別新鮮~ 個汁都唔太特別~ 比較普通白咖哩烏冬~ 呢個個賣相都已經好特別~ 烏冬食落彈牙~ 索哂咖哩味~ 最重要係唔會太林..... 不過佢舊炸雞就真係一般啦...我都無食哂 haha黑豚肩燒飯~ 賣相唔錯哦~ 佢塊黑豚燒得幾香 好重油香、有燒烤既味道、食落有肉汁、唔會太韌! 佢都有成6-7大塊係到, 食到有D膩tim ar~ 食日本野又點小得刺身呢~? 見到佢上黎個樣幾令~ 個蝦彈牙得黎又無腥味、帶子同三文魚都一樣咁出色! 好新鮮阿~金蒜燒日本米茄子~ 燒得幾香、茄子都吸收到金蒜既香味~ 不過就油左小小,扣左分。因為茄子本身都比較吸油、係難D處理既電擊雞翼配薯條~ 薯條炸得唔太夠香脆哦.....影返個大合照先!!最後點小得甜品呢? 係綠茶芭菲阿! 佢又唔係太甜wor...但就有好香既綠茶味! 伴碟既mochi、決餅等等都好煙韌~ 點D 綠茶雪糕食就一流啦^^總

相約友人響黃大仙中心見面，原來呢個商場都好多餐廳, 最後選擇左食呢間和氣食堂，和氣食堂屬於新派日式料理餐廳,食物品種多樣化。前菜 ～ 3點剌身盛C $108， 所有刺身都好新鮮，珍寶赤蝦刺身2隻, 大隻彈牙好鮮甜；三文魚刺身3片, 厚切甘香；帆立貝刺身1 隻，開邊有2片，嫩滑甜美。前菜 ～ 火焰左口魚邊牛油果沙律 $68，左口魚好少食，幾特別，沙律菜新鮮爽翠，夏天食一流，另外我好鍾意食牛油果，牛油果份最算多，正！千回火鳥3隻 $38，即係燒雞翼，雞翼燒到冇晒皮下脂肪，皮薄香脆，連埋皮食都唔會有罪惡感。金蒜燒日本米茄子 $42，茄子佈滿金蒜，好鬼死惹味，滿口蒜香味。白咖哩烏冬 $88，首先睇menu果陣已經決定食，造型相當吸引，白色泡泡表面睇落似忌廉，咖哩烏冬要由碗底挾起，烏龍彈牙，撈埋一齊食好好味，跟餐仲有兩舊炸雞球。櫻花蝦鯛魚湯泡飯 $108，魚湯用茶壺分開上，食果陣先倒，咁樣就唔會浸到d飯脹大，魚湯濃郁，好有魚味，有兩隻大蝦同帶子，配有米通粒，令泡飯更有口感。糯米慈紅豆宇治抹茶雪糕 $42，飯後點可以唔食番個甜品，雪糕香滑重奶味，糯米慈配紅豆一齊食，煙煙韌韌好得意。埋單 $543

之前有朋友介紹過話和氣食堂唔錯 於是就同朋友黎一試三文魚牛油果沙津勁足料 有好多三文魚同埋牛油果🤤配搭埋個沙津汁 酸酸地咁好開胃再加上三文魚同沙津菜都好新鮮鯛魚湯泡飯最驚喜因為我唔本身唔係好中意食魚好驚魚腥味😶 但朋友有興趣先嗌 估唔到個湯同埋鯛魚係完全冇腥味仲要好有鮮味加埋菠菜，葱花同埋玄米脆脆就冇咁單調 連唔中意食魚既我都愛上😌呢度壽司既款式都幾多 但我同朋友想食啲平時好少食既就試咗鵝肝壽司同埋和牛壽司鵝肝壽司個鵝肝煎到岩岩好 外脆內軟咁仲要好濃味👍🏼 而和牛壽司塊和牛肉質勁嫩滑 雖然單價有少少貴但質素冇令我地失望🙈身為雞翼怪既我緊係唔少得雞翼🤤 燒得岩岩好勁正啊燒茄子好重蒜香味 岩晒我口味 最後緊係要嗌埋甜品抹茶控見到有宇治抹茶芭菲即刻心心眼 果然冇令我失望好濃抹茶味🍵 ！！呢餐真係出乎我意料之外 食得勁滿足

今日放工相約好友去左黃大仙晚餐，在九龍番工又近朋友住的地方，咁就去左和氣食堂食日本菜今日大約8點去到都不用等位，好快就入得去坐坐下來就睇睇食咩咁我們就點了以下食物鮮立魚薄切刺身刀工非常好，每一片都薄夠凍，味道都很鮮味脆脆三文魚魚皮入囗超級脆，果然不是名不虛傳；口感相當好、十分香脆可口溫泉蛋玉子牛油果凱撒沙律沙律很新鮮🥗溫泉蛋熟得剛剛好半生熟再配上牛油果和麵包粒；不僅很香脆配上沙律醬增添美味金蒜燒日本米茄子呢個做法味道不錯，超香濃的蒜香味是原條茄子上，燒得剛好，佈滿左蒜蓉香蔥十分滋味櫻花蝦調魚湯泡飯好濃郁的魚湯鮮味十足！而且有蝦還有其他配料，相富豐富滿足千回火鳥3隻燒得好靚既雞翼，賣相很吸引外皮好脆，內裡肉質鮮嫩，食得津津有味糯米池紅豆宇治抹茶雪糕濃郁的綠茶味，配上粒粒紅豆再配有軟林林既糯米糍而且賣相很美好吸引嶡餅白玉牛奶雪糕賣相好靚，牛奶味濃郁，雪糕細滑，還有煙韌既白玉丸子和嶡餅，睇得又美味

為左慶祝Happy Friday,決定要食餐返好野慰勞下自己!今晚黎左黃大仙呢個商場,呢到有好多出色既食肆,而見到呢間鋪入面都幾多人,就決定向日本野食衝衝衝!!餐廳環境尚算OK,雖然唔係好寬敞,但空間都足夠,而重點係menu好多唔同類型既野食呀!先上一個刺身先甜蝦好大隻非常鮮甜,帶子都唔錯感覺好新鮮,而三文魚亦切得好厚跟住要介紹呢個火炙黑松露三點壽司!師傳落黑松露落得好大方!未食都已經聞到香味喇!而其實呢個都幾抵食,因為中間個件壽司係鵝肝黎架一件剛剛好!!和牛壽司夠晒高級口感好軟,有入口即溶既感覺,食完個下好唔捨得呀呢到既食物都非常唔錯,如果要講比較失望既,就只係呢個燒茄子,雖然好多蒜蓉,但感覺都唔係好夠味,而且有啲太多油,算係比較普通既作品最後要介紹埋呢杯自家制梅酒,好適合女生因為甜感較重,入面粒梅仲要好大粒,好似我咁中意既話記得要食埋呀!