辣吧 (Closed)

辣吧🌶之前都去過一次，食佢地既招牌海鮮煱，已經好impressive，成個爐都係滿滿既海鮮🦞🐙🦀🐠 今次再去主要係比個新岀菜式吸引#銅爐香鍋🥘，以舊式炭燒暖熱海鮮，仲係全港獨家👅👅 銅爐香鍋最多分4層，我揀左兩層，底層為豪大大花甲王，蜆肉吸收哂麻辣汁既精華，超級惹味，忍唔着叫多兩碗白飯。第二層係蒜香味嘅大鮑魚，本身以為得三四粒，點知放滿咗成個鍋，起碼8粒，啖啖都係肉每層既海鮮底下仲有椰菜，香菇，杏菇，中和返d濃味，左手配上有椰奶香既椰汁🥥成餐飯好滿足。 ⚜️環境方面，好適合一大班人聚會，餐廳亦有領取酒牌，可以瘋狂嗌啤酒SET🍻門口亦放有唔同既飲酒遊戲👹👹做到真正既飲飽食醉

銅爐香鍋叫法系一層一個自選煮法的主菜, 而配菜系隨機人多的話可追加多幾層, 試哂唔同既煮法我地叫左滋味蒜香鮮鮑魚, 同埋老乾媽爆炒花甲王香鍋周圍都有, 但疊到咁高食真系好少有爐入面真系炭黎🔥🔥🔥食既時間會有少量火花飄落, 好有feel鮑魚同花甲王都真系好大只, 好滿足啊😭除了海鮮以外其他菜色都很贊老醋松花小皮蛋小小一顆, 一啖一粒 非常Q滑溜溜鴨血鴨血同菜名一樣好滑, 夠入味, 不會太辣火焰鐵板雞雖連著剛燒過的鐵板一齊上, 雞肉仍然好嫩

受邀去到尖沙咀既辣吧，試下佢個辣度啱唔啱胃口😼！我地嗌咗銅爐香鍋、老乾媽爆炒牛舌同水煮牛肉。個香鍋我地揀咗兩層，佢係逐層計錢，每層都可以揀一款海鮮做主菜，另配一款自選醬汁，我地第一層係老乾媽配小龍蝦，第二層係麻辣汁配白鱔魚。兩層辣度以麻辣較辣，不過都係唔係好夠辣🤔海鮮分量頗多，小龍蝦有成廿隻而且肉質都彈牙。鱔魚就比較細舊同少，食落唔夠過癮🤭我反而覺得佢用嚟墊底嗰啲椰菜同菇仲好食😂！水煮牛辣度夠🤩而且牛肉唔算好肥都幾多肉，牛肉下面係索哂牛肉同醬汁精華既薯粉🤤呢個我覺得係成餐最出色既！牛舌就煮得過老同過鹹，而且牛舌個質地都好唔似牛舌，似平時餐廳沙嗲牛上面嗰幾塊牛肉多啲🤪再一次，我都係覺得啲配菜好食過啲牛舌lol-總結: 服務幾好，會不停幫你refill水。但食物呢就有待改善啦🥺整體啲野食係比較鹹，特別係用老亁媽整嗰啲😓而且全部野都唔夠辣，水煮牛雖然我話辣度夠，但以一個食得辣既人嚟講係絕對唔夠喉🤡希望餐廳嚟緊會作出改善，生意興隆！