香港嘆得起冰室 (Closed)

晚飯時間去食個皇裨鐵板餐。個套餐加埋杯凍杏霜。埋單總值$111。我點咗配意粉。淋上茄汁，再慢慢切問雞肉、煙肉、腸肉及豬扒。份量好足。好抵食。雞肉、煙肉、腸肉及豬扒全部肉質好鮮嫩，咬落好彈牙。單看個賣相滿分。食完好飽肚。杯凍杏霜好飲，飲到否仁味。值得推介。

呢間新派茶餐廳裝修潮特，唔洗怕污穢。期間限定仲有身份證優惠💳唔同時段只要有指定數字係括號內，即享免費午餐或晚餐一份！而括號外有指定數字即享午餐或晚餐8折優惠🤩💗鐵板珍寶雜扒($108)鐵板分別有雞扒、豬扒、腸仔同煙肉。厚身雞扒食落依然嫩滑鬆軟，證明封鎖晒肉汁，而且冇雪藏味。雞皮煎至脆身，皮下脂肪少🐥；薄身帶骨豬扒肉質結實偏瘦，但一d都唔硬冇過熟，幾容易切開。預先用香茅醃製，所以好惹味🐷；腸仔就係普通貨色，表面煎至焦脆🌭；煙肉肥瘦適中，味道夠鹹香🥓。旁邊嘅西蘭花新鮮翠綠，唔會得白烚個陣草青味，口感依然爽脆🥦。今次揀咗配濃稠嘅蒜蓉汁同意粉🍝💗金沙蝦球 ($78)蝦球沾上薄薄嘅粉漿後炸至金黃香脆，再加入牛油鹹蛋黃翻炒🍤蝦球份量十足，大約12-15隻，食落爽口彈牙🦐面層掛滿濃稠鹹蛋黃醬，口感沙沙地有蛋黃粒，陪外甘香惹味。加$12仲可以配飯同湯或者飲品🍚💗鮮茄牛肉炒蛋($78)蕃茄煮完後唔會溶溶爛爛，依然保持到一件件，味道新鮮自然，醬汁濃稠，酸酸甜甜好開胃🍅牛肉片非常足料，食落冇鬆肉粉味，而且口感唔韌🐮可惜炒蛋份量較少，有喧賓奪主嘅感覺🍳另外仲有少量爽脆嘅洋蔥🧅同草菇🍄作襯托。💗紅豆冰($23)

喺網上見到呢間新開嘅茶餐廳做緊優惠，只要身份證號碼入面有指定數字，就可以享有八折優惠，其實只要喺三隻字入面中一隻就得，但我居然中哂三隻，超級幸運！餐廳內外裝修都好搶眼，用上鮮明嘅tiffany blue，非常搶眼。食物選擇唔少，除咗一般嘅常餐同粉麵小菜，仲有先生至愛嘅鐵板餐，非常港式地道。一睇menu就俾金沙蝦球捉住咗我嘅心，係茶餐廳非常少見嘅一道菜式，加十二蚊配飯同湯或者飲品。金沙蝦球份量唔少，炸到金黃香脆，再加入鹹蛋黃去炒，極度邪惡！鹹蛋黃份量一啲都唔少，香濃惹味，咬開係原粒蝦仁，口感彈牙。先生叫咗久違嘅雜扒餐，係我哋兒時最愛，細個貪佢又平又大份，出嚟社會之後都好少食，今日難得戚起條癮，回味下童年！最鍾意佢嘅豬扒，夠厚身而且口感鬆軟，一啲都唔柴。雞扒亦唔錯，大大塊而且嫩滑多汁。飲品方面中規中矩，但就略嫌細杯咗少少。餐廳食物水準唔錯，而且環境非常乾淨舒適，睇得出好用心去經營，喺附近想食快餐係一個唔錯嘅選擇。

喺公司附近搵嘢食，見到有間新開嘅冰室，就入去試一試。一入門口見到一塊霓虹燈牌，寫住「香港人！比D掙扎」，好地道好正啊！睇餐牌都有唔少選擇，見到《皇牌鐵板》好吸引，叫咗份鐵板珍寶雜扒，朋友就叫快餐魚香茄子煲，一齊share食。魚香茄子煲一上枱就聞到非常香，望落都好企理靚仔，食落酸酸甜甜有帶點鹹香，豬肉碎同茄子份量幾多，夠送晒成碗白飯，仲有碗例湯，今晚就係南瓜湯，仲跟埋嘢飲先$68，非常抵食。輪到鐵板上場，非常豐富，裡面有一塊煙肉、一條香腸、一塊豬扒、一塊雞扒，仲有一堆薯角同西蘭花，超多嘢都係$108！汁醬方面揀咗蒜蓉汁，係茶餐廳嘅風味啊。跟餐加$12就有大大杯紅豆冰喇，好滿足吖！