Goobne Chicken (V Point)

Open Now

Now Closed

Lunch時間周圍人多車多，Goobne 座落於銅鑼灣鬧市鵝頸橋旁邊既V Point，25樓既景觀可以遠望維港，亦可看到跑馬地馬場，心想夜景一定非常棒。韓式BBQ醬煙燻烤雞+火山烤雞：2款不同味道，有辣有唔辣，份量十足，咬落皮脆肉滑但唔油膩，火山烤雞更係非常出色，辣度十足，非常惹味。1碟有2隻原隻雞腿仔，2隻雞全翼，應該係完隻烤雞既份量，2個人食1碟剛剛好。鐵板芝士泡菜炒飯：飯邊整個碟都係芝士，飯上面有一隻蛋增加飯既口感，拌埋一齊食同分分隻蛋食係2種唔同既感覺，芝士味香濃，食落煙煙靭靭有咬感，配上一碟紫菜令飯味亦香。韓式辣味年糕內有韓式魚片、雞蛋、芽菜、年糕，再配上韓式辣醬o黎煮，甜甜辣辣，味道幾好，年糕都係煙煙靭靭，但有別於芝士炒飯既芝士，係2種唔同既煙靭感。

自從銅鑼灣嘅 v point 起咗之後多咗好多餐廳選擇，呢日嚟搵朋友食午飯就跟佢嚟食著名嘅烤雞～一嚟到就俾呢度開揚嘅景色吸引住，仲要咁啱有窗口位坐，一路食一路俯瞰成個香港島，真係以為自己食緊高級high tea~雖然只係用最簡單嘅材料都好好味，而且勁多芝士，用嘅 mozarella cheese 較淡味，同時平衡返午餐肉同泡菜味道，只是好快凍咗，同埋食落就較乾。烤雞可以揀 half&half，一次過試兩種味道～比起炸雞，我更加欣賞呢度烤雞嘅做法，較健康之餘又不失脆感。呢度更是貼心噉提供咗手套同夾子，好讓我地可以盡情食雞～即使係 half half 但份量絕對唔少，果味蒜香味嘅味道清香，有陣陣檸檬/橙香；而黑椒都唔錯，但可以再辣啲就會更惹味～我仲叫咗杯柚子沙冰，清甜又涼透，係解暑嘅好飲品～

友人推介呢間餐廳，坐得舒服同食物質素中上入到去環境十分闊落，友人帶住bb連車都好方便安排了坐窗口位，落地玻璃見到出邊觀景，雖然見到好多大廈，但餐廳位於25樓，望到個夜空同海景都幾舒服而且座位都舒適，每張枱的距離唔會好近一坐底當然叫杯野飲解渴先柚子沙冰好重西柚味，味道較酸，但適合食左好多肉之後飲消滯另一款藍橙沙冰(香橙+糖漿)，冇乜橙味，糖漿較多所以較甜，飲得多會有d膩一行4人叫左4款食物加4杯飲品，十分飽，連加一大約$1,000烤雞就叫左果味蒜香拼甜辣烤雞雞肉烤得乾身，肉質嫩口，每一件雞唔會太大舊，外皮脆身，醬汁完全掛起雞上，又唔會好油膩既感覺個人上比較喜歡果味蒜香烤雞，醬汁較濃(本人比較重口味)味道似醬油雞但帶少甜味，但蒜味就欠奉甜辣烤雞，甜味中和辣味所以唔太辣，不過會愈食愈辣(係小辣個隻)之後再叫個芝士BBQ醬燒豬肋骨豬肋骨燒得十分淋身唔會乾，好嫩口Bbq醬好濃郁惹味，甜甜地中帶d辣味底下仲有好多芝士，芝士味香濃，會有拉絲的卷埋豬肋骨一齊食，更有層次感再叫左個芝士泡菜炒飯芝士味濃，伴勻後一齊食好惹味又唔會好膩，泡菜唔太辣，係鐵板上攪拌更乾身入邊有好多菜，十分健康最後再叫左個砂鍋魚糕

難得夾到同朋友一齊放假就約埋一齊出銅鑼灣行街食嘢! ! 為咗避開午飯時間同人迫我哋就餓一陣, 等到兩點幾先食lunch! 而鍾意食韓國菜嘅我就提議去登龍街試吓Goobne嘅烤雞!餐廳環境寬敞舒適, Waitress 仲安排咗我哋坐窗邊風景位置, 等我哋可以欣賞住維港景色嚟享受我哋嘅午餐, 感覺有多好! 講番食物先 , Goobne係韓國第一烤雞品牌, 咁我哋當然要試吓佢啲烤雞啦！ 為食嘅我又再樣樣都想食, 想食甜辣烤雞,果味蒜香烤雞同火山烤雞又想試吓個原味烤雞! 淨係烤雞都有成十多款比我揀！但我哋3個人3個肚, 咁樣真係唔係辦法, 不過好彩呢度有Half-Half Chcken可以比我選擇兩款不同口味嘅烤雞! 我最終選定了甜辣烤雞同果味蒜香烤雞! 烤雞會跟一碟酸蘿蔔, 我個人就鍾意食唔同味道嘅烤雞前食一樣件refresh 一下先再食另一款口味! 甜辣烤雞辣嘅程度係小辣級數, 中小甜級數, 醬汁包住成件雞,外脆肉嫰, 不錯吃!果味蒜香烤雞沒有太重嘅蒜味, 雞皮同樣烤得好脆口, 同時亦保持到肉質嫰滑! 砂鍋魚糕湯~個湯辣辣哋幾好飲, 魚糕都有幾款, 魚糕彈牙, 其中一款魚糕內有粉絲增加咗個

銅鑼灣登龍街向來是人氣食肆的集中地，無論是米芝蓮食肆，還是網民熱捧的排隊食店，紛紛進駐這小街道，實在是香港吃貨的天堂。近年香港韓式炸雞店如雨後春筍，在香港擁有多間分店的Goobne亦是登龍街的其中一員，所以小妹專程來拜訪拜訪😎甫進入餐廳，眼球即被那巨型落地玻璃及無敵大海景所吸引。能夠在如此美景與友人享受午後的相聚，實在愜意。首先上枱的是鐵板芝士泡菜炒飯，鑊氣十足的炒飯配上邪惡拉絲芝士，會有不好吃的理由嗎？雖然看似十分膩，但芝士味剛好沒有蓋過泡菜炒飯的味道，兩者相得益彰。友人看到午市餐牌的人參雞湯便不加思索點了一客。從來人參雞湯都不是我的茶，特別是那人參苦味不是每個人受得了🙊。吃了一口，發現這裡的人參雞湯味道十分清新，淡淡的人參味十分易入口。加上泡菜，白飯，泡菜等配料，非常豐富，絕對是性價比之選。來到戲肉，到Goobne吃烤雞是常識吧。這裡的烤雞有約十種口味，喜歡刺激但不能吃太辣的我們點了辣味烤雞。雖然辣味烤雞的辣度只有一隻辣椒（五隻辣椒為最辣），但也絕不能小覷，越吃越辣，非常過癮。新鮮出爐的烤雞十分燙口，外皮脆，裡面仍然保留肉汁。餐廳亦貼心地準備一些酸蘿蔔，為熱燙的口腔降一降溫。吃烤雞

知道goobne定期都會推出新食品，夜晚喺銅鑼灣行完街，一於嚟銅鑼灣分店試吓。位於V-point 25樓，坐窗邊可以睇到少少維港景色。柚子沙冰，酸酸甜甜，十分開胃，炎炎夏日飲真係涼透心！韓式炒粉絲雞蛋卷，粉絲炒得幾煙韌夠味，濃郁嘅蛋香包住溶咗嘅芝士、午餐肉、酸蘿蔔等配料，配埋隔離醬汁帶少少微辣，一啖擺落口，味道好豐富！而且層層鬆軟嘅雞蛋卷，食落好有口感。十分推介鐵板芝士泡菜炒飯，餐廳以鐵板上，賣相有啲似火山、芝士似熔岩，幾有創意。我同友人趁熱嘅時候快手撈匀所有材料。芝士做到拉絲嘅效果，已經急不及待要食泡菜帶點酸酸辣辣，好開胃，配埋火箭菜食，更加清新，撈匀香濃嘅芝士，令粒粒飯都掛上而且鐵板可以保持熱度，一路食其他配菜都唔驚凍左。主角蜜糖咖喱烤雞，最欣賞餐廳烹調方法唔係用高溫油炸，而係用烤烘，十分健康！而且烤雞可以保持雞肉細嫩，鎖住肉汁，外皮更十分香脆！味道方面，烤雞有點香辣，灑上香甜蜜糖同杏仁，味道好夾！好惹味！同友人兩個食到滿載而歸好滿足！而且用匯豐信用卡仲有優惠優惠去到6月30號！原本想試呢個新款香港限定菜式(用匯豐咭有七折)，但賣晒唯有下次早啲嚟。

難得假期，便和同是吃貨之人的閨蜜shopping食餐勁嘅！ 我們去年到了韓國 ，所以特意選了一家韓國餐廳回味一😁 去年千頌依炸雞令我們回味無窮，所以今餐一定要食雞!搜尋到Goobne以多元化烤雞作招徠，正中我們的目標🎯 餐廳座位地方闊落，對於拿著一袋二袋戰利品的我們實在好滿意～ 而且今日天氣超好，我們有幸被安排坐在窗口位，能欣賞藍天白雲和海景，非常梳乎😎我們選了鐵板芝士泡菜炒飯，侍應一端上炒飯，我們便聞到香濃的芝士味！ 用叉輕輕一挑，便拉到連綿不斷的拉絲～微辣的泡菜和厚厚的芝士拌炒飯，再有蛋香作陪襯，實在令人食唔停口👍👍這間餐廳提供的烤雞口味應有盡有，選擇困難😱😱 由於我不是很吃得辣，所以就點了蜜糖咖哩烤雞和一個辣味烤雞(辣味指數: 1)挑戰一下！兩碟烤雞同時上枱，份量大得超乎想像！我們使用餐廳提供的膠手套，一碰烤雞已感受到即叫即烤的新鮮😍 辣味烤雞以韓國特有的辣椒烹調，辣味溫和，令我食唔停口～而蜜糖咖哩烤雞亦帶有微辣，配以附有的甜甜酸酸的沙律醬，即時開胃晒😂 而另一款醬汁亦帶辣，為味覺帶來進一步刺激😎雖然我平日不太吃辣，但我卻偏愛辣味烤雞多點😁兩款雞咬下去同款都是外脆內軟，雞髀肉尤其