新泰東南亞餐廳 (Closed)

今日約咗朋友去書展，係去之前食個午餐先。揀左灣仔Sun Thai 食泰國菜，貪佢近會展。餐廳完全走泰國風，周圍擺滿泰國裝飾，環境空間感十足，佈置精美，未食都加加分先。我地點左個午餐海南雞飯加配燒豬頸肉沙律，另外一個鐵板蠔仔炒蛋。先講前菜燒豬頸肉沙律，份量十足，無諗過咁大份。豬頸肉外皮烤得脆，但肉質依然保持爽滑，真係好難得。加上配菜嘅洋蔥同車厘茄，酸辣口感，十分開胃。 *請注意味道偏辣，怕辣嘅要小心。至於海南雞飯，雞肉分量夠，肉質滑嫩，配合酸辣汁食用十分夾，可惜皮下脂肪較多，去皮食用較健康。黃油飯椰香味濃，加上跟餐有冬瓜湯及時菜，認真抵食。鐵板蠔仔炒蛋，蛋香蠔仔足，蠔仔鋪滿成碟炒蛋，啖啖都食到蠔仔。加上芽菜係底增加口感，值得一讚。總括來說，味道係正宗泰國菜，經過的朋友不仿一放

餐廳既裝修好有泰國風情，用木製枱櫈夠特色。侍應都係泰國人。叫左日本南瓜焗海鮮飯($108)，鐵板蠔仔炒蛋($88)，馬沙拉咖哩雞($78)，印度酥餅($30)，椰汁西米糕($52)，椰青($42)。焗海鮮飯原個南瓜上枱，入面挖得好深，有大大隻青口，蝦，魷魚，南瓜，海鮮非常足料，有少少芝士係面頭，d飯應該係加左香料醃(?)，所以顏色係橙色。如果南瓜味更突出，會更好。南瓜焗得夠"林"，成個南瓜連皮食都冇問題。最值得讚鐵板蠔仔炒蛋。上枱個陣仲有煙出，鐵板燒得夠熱。炒蛋入面有好多好多大大隻既蠔，手指公既長度左右，好誇張，啖啖都食到蠔。仲有芽菜鋪係蛋下面，d芽菜有鑊氣味，good。抵食海鮮。幾乎枱枱既食客都叫尼碟海鮮。馬沙拉咖哩可以揀豬牛雞雜菜，咖哩唔辣，但唔係黃咖哩，食完唔會成個口都係香料味，好難得，因為次次食完東南亞咖哩，個口都會一陣香料味。入面有好多雞柳，至少10件。仲有薯仔，椒。侍應建議叫印度酥餅，食個陣有陣牛油味，之後加d咖哩冇咁乾。泰國特色甜品椰汁西米糕必試，有4件，上層係椰汁膏feel，下層係西米糕，加入粟米，木薯粒，好有口感，爽爽地，又好香粟米味。椰奶打左既cream咁，好cre

身在銅鑼灣，想食咩菜式既餐廳應有盡有，揀左泰國餐廳，7點半已經有唔少人食緊dinner。好特別，餐廳竟然有卡位，而且好有格調。先上椰青($42)，有好厚既椰肉，椰子水清甜，不過椰肉略為消淡。南瓜焗海鮮飯($108)有3款海鮮，包括青口，蝦及魷魚，面頭有d咖哩南瓜汁，焗飯乾身，飯粒粒分明，焗完唔會軟綿綿，唔會太多水份。而且每啖都食到海鮮材料，仲可以任你挖南瓜肉，送飯一流。鐵板蠔仔蛋($88)最有睇頭，因為d蠔大隻到估你唔到，食極都仲有蠔。同台灣最大差分別係，台灣柯仔煎落好多麵糊，但尼個係純蛋漿，所以食落唔會厚粉。成個餸份量多。拼盤有分大細，細($98)，有齊2款炸餅，各款4件。蝦膠打得好彈牙，外層炸得夠脆，香茅肉餅既肉好厚身，加入左好多香茅，食完好邪惡。炸物小食唔熱氣，熱辣辣，香口，但唔油膩。加埋甜酸辣醬，就更惹味。燒鮮菠蘿($58)，燒完好甜，大大件，邊邊位有dd燒焦，但冇損菠蘿既甜味。又一解渴之選。

向來喜歡食泰國野的我一直覺得呢間都唔錯，今日帶左我女朋友過黎一齊食餐勁呢度坐得又寬落又舒服先叫我最愛的串燒佢d串燒真係大大串架，加埋特制醬真係好正雞好滑牛好夠味又唔會太老，豬都幾爽口女朋友都好滿意呢個串燒之後女朋友鍾意食蠔，所以佢自己叫了呢個我都未試過的蠔餅！賣相唔錯，而且蠔夠大粒！原來泰式係炒得咁香有d蔥係入面，更加吊到隻味真係勁推介！之後黎呢個我最愛啦，麵包焗咖哩軟殻蟹！佢d咖喱勁香，軟殼蟹好香脆麵包好鬆軟食完真係夠曬飽，連甜品都食唔落女朋友最後滿意到笑曬口咁走

臨走嘅一個月通常都比較愉快，而倒數幾日時，我知道自己有空閒，立刻約我在這間公司的唯一一個朋友~ 就是與我一起在週年晚宴表演的同事 ！ 公司附近我最喜歡這間泰菜，所以就故意帶這個朋友來吃～這客冬蔭公依舊好喝，紅色的湯被草菇滿滿的所蓋著，其酸辣的味道依舊，我很怕泰國餐館為了切合港人的口味而改變傳統的味道，所以格外欣賞對常人來說有點辣的湯～朋友說想吃菜，所以點了這碟馬拉盞炒椰菜球。其實我也很喜歡吃椰菜球，而且炒得相當入味，只是要＄95，才吃到一碟～真的想吃多一碟也得想一想～因為即使體積很小，但仍能吃到每一塊菜葉，絕不欺場，入口有少許苦澀的味道，正是這菜的特式～朋友還ORDER了這客蠔餅，老實說本來我不太贊同，因為這菜式好像不太似吃泰菜，在廟街大排檔也吃到的～ 不過沒想到這裡的鑊氣很夠，而且很多時候蠔餅入口都有點腥～但這一客完全沒有，而且蛋和蠔的分佈也很平均，幾乎一口可以吃到2-3隻蠔～ 沒有渣流灘的感覺～ 此外，我每次都會叫炒粉絲～幸好今次SET LUNCH中竟然有炒粉絲的選擇～還有個特別的名稱叫泰SUKI海鮮炒粉絲，我也不知道什麼叫泰SUKI～不過這客的海鮮也不是小貓三四隻～我特別喜歡這家