龍城冰室

Open Now

Now Closed

放工第一件事除左返屋企之外，就係想有個喘息既一瞬間，搵個私人空間，比自己放空下，男人老狗黎講，冰室一定係首選，呢間「龍城冰室」基乎係我一咪埋眼就會醒起，的確係我最佳精神糧食。👇🏻📌皇 牌 鐵 板 套 餐 -  ▪️ 招 牌 鐵 板 西 冷 牛 扒 - $108▫️ 黎龍城只做一件事，就係鋸扒，呢個人氣「招牌鐵板西冷牛扒」絕對係我最愛，首先上枱既鐵板熱辣辣，西冷食落牛味濃郁，七成熟肉質完全唔韌，好有咬口，而旁邊既焗薯，入口即化，夠哂滑溜；仲有埋一個西湯、又有凍檸茶同埋多士，性價比十足，絕對係飽肚恩物！ 

英式懷舊紅磚牆，配上仿煤氣吊燈，令人回想起英治時期既香港。-前菜足料濃味羅宋湯配避風塘洋蔥圈。口痕最啱食炸野！加上好濃味嘅羅宋湯，簡直好似打開咗我個胃，準備因間嘅主食。-主食一份大過我塊面嘅鐵板西冷牛扒（真係牛扒，而唔係肉片），配上濃郁蒜蓉汁同埋焗薯。西冷調味適中，七成熟度，肉質入口啱啱好，師傅手勢唔錯。原個焗薯，配上雜菜，平衡左食肉會肥膩嘅感覺，細節滿滿。-餐飲童年回憶—懷舊菠蘿冰一飲細個嘅回憶就返晒黎，冇得頂！去關銅鑼灣絕對值得推薦！

食物種類非常多，有炒粉麵飯，焗飯/麵，小菜，扒餐，dinner set，花多眼亂。另外仲有優惠，滿$110就可以加$18叫花膠冬菇雞煲。叫左鐵板西冷牛扒配薯菜($)，包湯及熱飲，BBQ厚豬扒拼炸雞槌配意粉($69)，包湯及熱飲，花膠冬菇雞煲($18)。餐湯有紅/黃/中，分別係羅宋湯/ 黃薑魚蓉忌廉湯/節瓜章魚煲豬骨湯。後者2個較為少見，所以試一試。忌廉湯加入左好多材料，因為落左魚肉，比平時食既忌廉湯更稠更有鮮味。而中式湯就比黃湯淡少少，但係老火湯既味依然存在，濃濃既章魚味。唔好以為$18，個花膠冬菇雞煲會細，上枱個陣，佢同平時食既煲類小菜size一樣，而且雞件既份量反而比出面餐廳食既多，至少有10件，仲要有肉，唔係得d骨。花膠滑，冬菇都唔少，爽口炆得入味，d雞肉係滑，而且食完唔會口渴，大量蠔油炆超惹味。一定要叫，相等於一個小菜。侍應介紹果然冇錯。西冷牛扒3成熟，切開入面紅紅地，入面唔靱，冇煎過龍。而且size係2隻手掌左右，厚身，西冷扒邊仲連住牛脂肪，雖然heavy但精華就在於此。薯菜並唔係薯條，而係原個焗薯仔，已經好少見啦。薯仔冇特別加調味料，上面落左d日式芝麻醬，又幾夾。BBQ厚豬