春水堂 (東薈城名店倉)

Open Now

Now Closed

終於試到春水堂既堂食啦！🥰 同大部份食肆一樣，入去之前都要探熱同用酒精搓手液搓手。開頭都心大心細唸緊揀肉燥飯定功夫麵，一見到有素麵即刻唔洗唸😍如果淨係嗌碗麵嚟講都算幾抵食！男人揀左個牛骨湯牛肉麵（無得揀粗麵定幼麵），佢話個湯同麵都👌🏻，嫌人地d牛𦟌有d漏同埋太大舊😅拼盤係牛肚、豬腸同牛筋，跟埋碟辣油，開頭仲以為係醋。入味同夠稔，不過不失。上次試左珍珠奶茶幾好飲，今次試鐵觀音珍珠奶茶，走糖甜度岩岩好，都係茶香奶滑，比上次果杯個茶多左少少回甘。揀熱飲既最大好處，就係可以避開唔洗食晒d珍珠😆

今日同朋友嚟到東涌新一期嘅東薈城，除咗有好多唔同嘅名店之外仲有好幾間唔同嘅食肆，我哋就揀咗來自台灣嘅春水堂。都要用咗10分鐘左右時間等位，要夠半數人先至可以入座。我哋叫咗香酥雞、紅燒牛肉麵、魯肉飯、滷香拼盤魯肉飯細細碗$28 ，用嚟頂肚就最啱啦，香酥雞熱辣辣都幾香幾脆。紅燒牛肉麵嘅牛肉係半筋半肉，而且煮得非常之淋，亦都好入味，唔錯唔錯呢個拼盤最值得介紹嘅係佢嘅辣椒油，將牛筋配上辣椒油可以將牛肉嘅鮮味帶出嚟，升華到另外一個層次，所以各位街坊記住要點佢嘅辣椒油啦！另外朋友都點左一杯熱嘅珍珠奶茶，熱茶將鐵觀音嘅茶香進一步帶出嚟，仲有鐵觀音獨特嘅香味添！春水堂嘅珍珠相對一般嘅珍珠係細粒啲嘅size，有咬口，又唔會硬最後我哋仲另外點左一個吐司，不過呢個吐司就比較甜，如果佢可以減少一啲黑糖嘅份量同埋減少面頭嘅cream咁就Perfect喇！

近排東涌東薈城新開左個商場大咗好多 多咗好多新野新餐廳 新飲品店台灣飲品都開多咗之前春水堂開係西九高鐵🚄已經勁想去朝聖一下一路都因為地點問題打退堂鼓.依家開咗係東涌作為東涌子民既我梗係即刻過去買返杯.今次飲既係珍珠奶茶鐵觀音茶味勁香濃啲珍珠好鬼有咬口真心好鍾意抵我排隊去朝聖等半個鐘都制.之後再叫咗個鹽酥雞同埋一個金沙芋丸鹽酥雞過雞好滑有驚喜金沙芋丸超有驚喜鍾意食鹹蛋黃又鍾意食芋頭嘅你一定要試仲記得要趁熱食真心流晒出嚟嘅鹹蛋黃再加上芋頭包住炸到脆卜卜一啖一粒真係要叫尼食

春水堂係香港的第二間堂食分店終於開幕，下午茶時段見冇乜人決定同屋企家去嘗鮮！•功夫麵功夫麵算係我每次必食的，整體味道不錯，冬菇肉燥不死鹹，但係偏油。•半筋半肉牛肉麵牛肉不乾柴，肉量算多，不過一個人食一碗會比較膩。•滷肉飯味道跟台灣的滷肉飯一模一樣！$28只有拳頭大小的一碗飯，男人應該3啖就食完...•滷牛肚味道很奇怪，有一股強烈的香料味...食嘅時候發現一條毛（類似眼睫毛..），同店員反映之後，竟然理直氣壯同我地講牛肚係有毛☹️雖然唔肯定牛肚係唔係真係有毛（畢竟係內臟），但比客人嘅食物有條毛係非常唔衛生..•鐵觀音珍珠奶茶春水堂我係台灣食過很多次，雖然台灣春水堂的價錢算是偏高，但食物及飲品的品質都非常好。相反香港春水堂CP值低，服務又唔係特別好，店員打喊露、圍埋吹水等等問題，希望以後會有所改善。