芽莊越式料理 (新城市廣場) (Closed)

約咗女同事ES 同男同事RL喺2-6-2022(Thur)出去食lunch,ES揀咗呢間,而呢間係冇得book位嘅,我哋就早啲嚟,就即刻有位.睇完menu,決定唔叫set lunch,散嗌share食,就叫咗:2. $98.00嘅芽莊炒飯竟然係第一樣到嚟,配料有椰青豬腩絲,雞蛋,越式臘腸,椰菜同花生.我嗅到好香蛋味,飯粒乾身.花生脆口,越式臘腸味道偏甜,椰青豬腩絲就一般.味道:4分1. $98.00嘅鑊仔煎薄餅配料有鮮蝦,豬肉,綠豆.鮮蝦大大隻同爽,豬肉片算幾厚,不過呢個味道比較平淡.味道:3.5分4. $86.00嘅蒜子炒通菜通菜口感正常,有好多蒜子,亦食到蒜味,但恰到好處唔會太濃,幾好食.味道:5分3. $80.00嘅香茅燒牛肉米紙卷夾起時,米紙卷粘粘地,呢個味道唔係好濃.味道:3分後加嘅:5. $98.00嘅堤岸炒米粉配料有手撕豬腩肉,椰菜.米粉似麵,味道有少少甜,普普通通.味道:3分服務:上菜好快,亦密密斟水.而原來我2019年幫趁過葵芳店,食評係2019年8月18日刊登嘅呢篇: https://s.openrice.com/QrbT0KuCr00

我同朋友 24-10-2021,,1800左右去到要等5-10分鐘先有位坐我們叫了3款食物：- 河內雞絲湯河 $80- 芥蘭苗 $68- 鑊仔煎薄餅 $98味道方面：3款食物的量都好夠，我地2個女仔share 來食，要完全食晒已經飽到一個點呀 個人覺得鑊仔煎薄餅最好食＋比較特別，平時食越南菜是沒有

😋芽莊係我最鍾意既越南餐廳🍴唔知有冇人睇過新西遊記去越南個輯，佢地去左一間奧巴馬有去過既當地餐廳，除左嗌湯河之外仲嗌左越南煎薄餅，係用米漿加黃薑粉煎成既餅皮包住香菜，豬肉，蝦，芽菜等配料一齊食既小食，一直都好想試下，但香港好似冇咩人知道呢個菜式咁，直到有次比我發現芽莊都有呢個menu，一試之後成為左每次必點既菜式！！！係芽莊食野每次都可以食到好多菜😂除左鍾意食牙車快之外，煎薄餅都有好多配菜，因為我本身鍾意食比較濃味既香菜，例如紫蘇葉，九層塔之類，但唔鍾意呢啲味道既人可能就會比較抗拒啦～而入面既豬肉同蝦都醃得好夠味，仲有炭香味！大大份其實就咁都已經可以當主食。Btw好鍾意餐廳用既碗碟配色🤪沙田分店既服務都好好！！每次都有好好既印象😜

已達9 點多既晚上登上7樓既空中食緣覓食竟然度度都仲有幾多人等位成大支魚露任你用~~鍾意食濱海，貪佢清淡得黎咬咬下幾得意不過之前食既都係配豬肉呀、牛肉呀，感覺並不太好今次提議試肉丸竟然有意外收獲!! 肉丸切片後外形好似豬大腸咁好香好脆，鍾意同濱海分開食亦得、一齊放入口亦得兩者都食得出香味來鹹味的肉丸連帶根本是沒有味道的濱海… 中和下甚有味道通透既米紙包住既蝦卷清新怡人製作需時，應該係因為要煎既緣故吧我同朋友仔都唔鍾意食洋蔥，所以先要分晒佢地出黎個薄餅size 縮小了好多煎香左既蛋皮配上爽口既芽菜仲有幾粒大大既鮮甜熟蝦比較特別就係加左綠豆蓉甚為欣賞

至從小巴黎執咗之後好耐無食越南野lu今日同朋友喺新城市試新野，三個人叫五個餸，三百幾蚊，都唔錯。要左個串燒，普普通通，所以無影相。「蝦頭膏炒高麗菜」食唔到蝦頭膏既鮮味，但啲高麗菜炒得唔錯，唔會淋pat pat「扎肉雞絲糯米飯」食法同小巴黎的煎糯米飯好似，但佢純粹蒸，所以唔香口，綠豆加糯米蒸，可能加左椰漿，所以有少少甜味，同扎肉雞絲唔多夾。「鑊仔煎薄餅」就有啲驚喜，將個薄餅切細塊，然後用生菜包住食。但呢個餸要診熱食，否則個簿餅會淋「椰青扣花腩肉」花腩肉炆得夠淋，用椰青炆所以味道比平時食的扣花腩肉清甜總括嚟講不過不失啦！不過啲服務員態度就真係唔錯