蘭苑饎館

Open Now

Now Closed

行經太子醒起前排好多人講呢間開心果嘅中式甜品，所以就入去試下。舖頭裝修十分傳統，但整體闊落舒服，牆身貼滿報道、獎牌同餐牌食材。我地一心黎食開心果甜品，所叫叫晒開心果糕同開心果糊，另外再試埋個菊花馬蹄糕。菊花馬蹄糕，開心果糕糕款會倒落碟上面再一開四，方便share黎食。糕嘅質地好’動L’，好彈。菊花馬蹄糕好清香，對比新年食果啲馬蹄糕，多咗一份後勁淡淡嘅菊花香，糕入面有幾粒馬蹄，但略嫌少咗啲，個人比較鍾意有多少少馬蹄碎會有多啲口感。另外開心果糕幾濃開心果味，甜度適中，覺得比開心果糊更好食。每啖都似食到好多開心果磨成漿咁，但因為佢純粹得個糕，冇其他果仁碎，所以食落單一咗啲。開心果糊舖頭寫明開心果糊係用伊朗嘅開心果出品，唔知係咪因為咁，所以定價都好進取。上到枱先知原來係熱嘅，出晒煙。隻色同開心果糕一樣咁綠，質地就好杰，攪起身仲杰過平時啲芝麻糊。食落第一啖冇乜味，要食多幾啖先有淡淡嘅開心果味，整體唔太甜，亦冇啲好假嘅開心果味，但食到一半就開始有啲好似攪唔勻而出現嘅粉粒，食到最低因為已經凍咗，由原本嘅糊變到稀咗。個人黎講，如果想食開心果甜品止下癮，可以選擇開心果糕，價錢合理啲，味道亦都濃啲，開心果

平時係我提議帶我細佬去陪我食嘢，估唔到呢間係佢指定話要去食的，因為呢度裝潢充滿中國風的中菜館，竟然有開心果口味嘅中式甜品🤤💚 開心果糊 (HK$44/碗)．用匙羹𢳂見到出煙的，好濃稠的糊．入口好滑溜，唔太甜，不過開心果味比開心果糕淡💚 開心果糕 (HK$22/件)．質地非常之有彈性，bo-ing!．入口軟滑，彈牙，開心果味比開心果糊濃啲也是比較甜啲我覺得2款都好食，細佬就覺得開心果糕好食啲，所以外賣2件回家俾老豆媽咪食。

一向都鍾意開心果嘅我對「蘭苑饎館」一名早已毫不陌生皆因這家老字號嘅開心果糊在網上人氣旺盛是日咁啱嚟太子 當然唔會錯過品嘗開心糊嘅機會一入店鋪 彷佛乘坐了時光機回到幾十年前裝修非常懷舊 但物品卻擺放得整齊有序 亦一點也不骯髒餐牌更用實木錶起 十分墜手開心果糊（$38）餐牌寫明此糊採用伊朗出品嘅開心果所製成顏色碧綠 有人話 咁綠味道一定好濃啦！事實上不然 味道幾清淡 夠晒天然 亦證明冇加好多糖去調味食完之後仲有啲唔夠喉🤣想再來一碗🤤🤤見到呢度除咗供應多款糖水之外仲有麵食 下次可以嚟食晏😆

近排見到IG介紹香港懷舊甜品，咁啱介紹開心果糊，一於決定去試試。其實我咁大個仔第一次食開心果糊，食落微甜，口感軟滑。食下食下，唔知點解，口入面仲會有種威化餅嘅味，好似食緊童年回憶嘅感覺。大致上我覺得真係唔錯，值得一試。 下次嚟再試吓佢地其他開心果甜品 😋

🍡🤔大家估吓呢碗係乜嘢？佢個樣成碗「鬼口水」咁喎⋯到底係綠茶？艾草？定係Wasabi呢？通通都唔係！呢碗係開心果糊呀！🥰😳😯芝麻糊杏仁糊大家就成日食啦，有冇人食過開心果糊呢？想試嘅話就可以去蘭苑饎館試吓啦！。開心果糊$36佢同芝麻糊一樣非常之傑身，而且非常之順滑，熱辣辣飲落去非常舒服😌。開心果味亦都好濃郁，每一啖都湧入嚟咁樣！但因為口感同脆卜卜嘅開心果唔一樣，所以增添左一啲刺激同特別。另外呢一度仲有開心果糕賣㗎！$20件大家可以試吓。價錢：$36地址：蘭苑饎館 (太子)太子西洋菜北街318號集賢樓地舖#hkfoodie #foodiehk #foodie #foodinsta #foodinstagram #foodblogger #foodbloggerhk #foodhk #foodinhk #eatinhk #hkig #hkfood #hkfoodblogger #hkfoodinsta #whattoeatinhk #hkeat #eathk #hkcafe #cafehk #desserthk #香港美食 #香港好去處 #美食 #美食日記 #美食推薦 #美食達人 #好食

< 蘭苑饍館 > 呢間中式糖水舖已經開業超過40年，仲連續8年攞到米芝蓮😎小編好鍾意開心果～ 得悉呢到有開心果糊就黎試喇😝————————————- 開心果糊 $38 -呢到既開心果糊係用伊朗🇮🇷既開心果～ 非常青BB帶少少深綠色🥳 質地方面少少綢身，食落口會有頗香既開心果味～～ 不過食多幾口就開始麻木左🤣 甜度適中幾特別！————————————- 補腦核桃糊 $37 -核桃糊厚身都幾滑幾香～感覺相對上呢碗比起開心果更濃郁😆 甜度同樣適中🥰————————————評分：7.2/10地址：太子西洋菜北街318號集賢樓地舖營業時間：12:00-21:00#蘭苑饍館 #太子 #太子美食 #太子必食 #太子糖水 #太子甜品 #美食博客 #香港美食 #開心果糊#中式糖水 #hkfood #hkfoodie #hkfoodshare #hkfoodblogger #hkfoodlover #hkfoodpic #hkfoodporn #hkfoodstagram #🐷🐤甜品 #🐷🐤太子

💚蘭苑饎館💚開心果糊 $36伊朗嘅開心果，所以同平時食開嘅開心果味唔太相同，會淡少少。聞落超香開心果味，但食落就真係冇乜，可能伊朗開心果真係淡味啲。雖然顏色望落有啲恐怖，但佢係全天然。甜度適中，睇落好稠，但食落口好順滑，好似比芝麻糊再易入口啲。無糖杏仁糊 $35健康之選。真係完全唔甜，杏仁味好出。仍然食落口好順滑。補腦合桃露 $35合桃味好出，相信係真材實料咁用合桃打出嚟，比其他地方食到嘅更為濃郁。不過呢款就甜咗少少。藍莓糕 $17正常大菜糕。好多藍莓，都足料。但係糕本身嘅藍莓味就稍微弱少少，唔太食到。

未食之前充滿期待，香港舊式嘅舖頭買少見少，加上網上大量好評，又有米芝連嘅加持，作為開心果控嘅我擺甩各種蛋糕嘅誘惑特登黎試試......用上伊朗開心果，色水亦非常鮮艷，滿心歡喜食咗一啖，淡而無味...... 本身好怕中式糖水會好甜，點知佢唔止無咩開心果味，連甜味都無......盛惠$36，雖然其他亦大力推介開心果糕，但當下已經無曬興致再試佢個開心果糕......太子實在有太多其他更佳嘅甜品選擇，唔會再黎幫襯

蘭苑饎館開咗幾十年，最出名莫過於龜苓膏🐢價錢由五十幾蚊到六百幾蚊不等～其實除咗龜苓膏之外，以前(2019年8月前)舖頭仲有賣🥘飯麵🍜、糖水🥣但由於餐廳轉型關係，飯麵就從此暫停供應，只賣龜苓膏🐢同糖水～離遠已經可以望到蘭苑嘅黃色小招牌👆🏻，掛出黎嗰個就由左至右寫😹，但近門口嗰個就由右至左寫😹而一睇呢兩個就知道蘭苑都係有返咁上下歷史嘅舖頭～👇🏻門面都係七、八十年代嘅裝修，兩邊寫住兩大招牌🐢龜苓膏同🥣糖水除咗糖水，亦有賣小糕點👇🏻過年過節仲會賣年糕、粽👍🏻全部都係真材實料～👆🏻餐廳入面掛滿龜苓膏、藥材、糖水嘅介紹同功效👇🏻仲見到攞咗好多年嘅米芝蓮(2012-2020)啊😋👇🏻手寫龜苓膏嘅功效，普通龜同金錢龜嘅功效仲唔同架！👆🏻用鷹咀龜整嘅龜苓膏就平啲，五十幾蚊起～👇🏻而金錢龜整嘅就價錢高啲，最貴去到六百幾蚊～以前嘅粉麵餐牌👇🏻👆🏻蘭苑嘅糖水都好出名，基本嘅芝麻糊、杏仁茶、合桃露等等都有，而最特別嘅就係開心果糊！！！👇🏻糕點亦有桂花糕、紅豆糕、開心果糕等等～呢日黎食下午茶👇🏻咁緊係叫碗開心果糊啦～拎到過黎已經聞到好香開心果，抹茶色嘅開心果糊望落幾特別，香港暫時好似得呢度先有！個糊比較杰身，但食

老字號中式糖水舖買少見少，更有平時少見既開心果糊，採用伊朗出品的開心果，清新清甜，帶有濃郁果仁味，糊狀甜品之中算係幾輕盈既一款；臭草綠豆沙好足料，綠豆煲到起哂沙，臭草味濃，夏天叫碗凍既食就岩哂

大約一個半星期之前，我在晚上坐車到旺角「弼街」，享用完「牛腩飯」後前往「界限街」期間，在「西洋菜北街」見過一間中式食店「蘭苑饎館」，當時店裡面一個食客都沒有，店內的女性侍應都在等候食客上門。當時我雖然沒有幫襯，但是曾經看過餐牌，發現「蘭苑饎館」竟然有以甜味果仁「開心果」做材料製作而成，外型口感有點像布甸的甜品「開心果糕」，還有中式糖水甜品「開心果糊」。不過，當時我之前已經食完「雲吞麵」，所以沒有光顧「蘭苑饎館」，準備留到下次再來太子「西洋菜北街」，才再光顧「蘭苑饎館」。怎料就不幸遇上「蘭苑饎館」沒有開門營業，我被迫再押後光顧「蘭苑饎館」的日期。結果我要去到第三次重臨「西洋菜北街」，才正式有機會正式上門光顧「蘭苑饎館」，一試傳說中甜品「開心果糊」跟「開心果糕」的實際甜味跟口感。與此同時，我本來還想在「蘭苑饎館」裡面，一次過食完主菜晚餐，然後再食完「開心果糕」跟「開心果糊」作為甜品，就立刻坐車返回西貢。怎料當時「蘭苑饎館」裡面的侍應告訴我，「蘭苑饎館」現在已經停售所有包括粥、粉、麵、飯在內的熟食食品菜式，我無奈地放棄在「蘭苑饎館」裡面食晚餐。結果我完成點餐程序不久之後，「蘭苑饎館」侍應很快

今日食完lunch, 心癢癢想嚐甜~之前從openrice見到公司附近原來有間店食開心果糊!好特別呀!決定去試下!其實呢間野, 我出去食飯行返公司時經過好多次了..但一直都冇咩留意佢..唔知佢有糖水食, 更加唔知佢有飯食..睇佢門面, 以為只係食龜苓膠的~今日細看先見到,原來門外都望到佢有d甜品糕點可以買,色彩繽紛都幾吸引。ummm.. 入到去,其實睇佢裝修都勁似食龜苓膠的枱椅都係酸枝的~因為我今日入來只係打算食甜品,所以我只係睇左甜品個幾頁MENU全要都係糖水同甜糕點~但我一早要Target左: 開心果糊!開心果糊 $34好特別呀! 我未見過青bb嘅糖水嫁!!!menu寫, 係採用伊朗出品嘅開心果~伊朗出品嘅開心果係咪特別靚?其實我唔識但呢個開心果糊真係好好味!一入口, 濃濃嘅開心果味,顯然而見, 佢一定係落足料去磨!仲要磨到好細滑,成碗都完全冇顆粒!好香好滑呢個開心果糊, 真係好值得一試!

對於中式糖水有種固執，我好多時都係食芝麻糊、杏仁露，而男朋友好多時都食合桃露，好處係可以容易比較各店嘅分別。呢間蘭苑饎館明明喺公司附近，照道理就應該一早試過，但今次係第一次黎，好多時行過路過專登黎過都食唔到，有時食飯時間人地滿滿人潮，咁我又唔好意思話入黎食碗糖水；有時又時間太夜；有時又行過黎途中俾其他糖水店吸引左。今次係專程飯後行番過黎，留肚，一心衝著佢地嘅糖水而來黎到都仲有半個鐘就關門，眼見都有唔少客人食緊正餐，咁我地食左野，所以就冇留意正餐有咩食，但知道都有唔少人鐘意呢度嘅中式野，話哂都係米豬蓮餐廳。裝潢幾有中國風，木枱木櫈、傳統印花餐具。甜品供應傳統中式野，馬蹄露、雪耳、木瓜、西米露、杏仁、芝麻、合桃、開心果、甜湯等，定價18蚊至3、40蚊，另外有啲標榜不含香料味精嘅多款糕點，紅豆、馬豆、菠蘿、紅莓、桂花、馬蹄、開心果、藍莓糕等，迷你size定價$12-16。開心果糕 $16、藍莓糕 $14價錢都唔算平，都係預先整好嘅糕點，點單後拎入廚房倒番出黎，size就係正常麵包鋪見過嘅杯裝布丁咁上下。當你懷疑緊開心果顏色嘅時間，餐牌會替你釋疑，寫明出品不含香料、人造色素，採用天然材料製成。

久聞米芝蓮推薦的蘭苑饎館大名，今天特地到太子一試究竟。鋪面裝修與一般涼茶店頗為相似，坐下後不久點了兩個小菜套餐，本來想點雞，可惜這天來晚了，早已賣完，最後點了薑蔥蒸龍利柳與鯪魚球蒸豆腐。先來了隨餐的中湯，味道不錯，用料十足，飲光後可以看到很多湯渣。然後來了鯪魚球蒸豆腐，這道菜式不止賣相平平，味道亦是平平，只是家常便飯味道的清淡豆腐，令人有點失望。幸好後來的蒸龍利柳的味道在水準之上，簡單的薑蔥突出了魚的鮮味，而且肉質鮮嫩，可見蒸的火候很好，配上白飯後令人非常滿足，補償了上一道菜的不足。隨餐附送的油菜與菜心則無甚特別。飯後點了這裡的招牌糖水開心果糊，同行女伴見到實物後覺得綠色非常奇怪，我倒是早就知道，所以並無驚訝，吃下去味道淡淡的，不過含有一些清甜，也算不錯的甜品，只不過以中式糖水而言，三十四元卻是有點貴了。埋單合共224元，作為米芝蓮推薦的晚餐倒也不算貴，而且份量也足，雖然未必道道菜盡如人意，但總括而言也值得一試。

難得跟家人吃飯不是吃回憶中的Pizza，這次去到深水埗一戰久仰的天祥。可是菜點太多，兩人捧腹而去，忍不住要散個步休息一下。由深水埗走到太子，短短的距離，所需時間不長，但我們走得特別慢，也方便聊天了。去到太子，本要揮手道別之時，想起了友人們早前提起的甜點。那時候也是小菜聚後的時間，結果被中途的街坊自家糖水截停。　　之前我們本打算去的就是蘭苑饎館，這次剛好來到附近。剛才嚷著非常飽十分飽超級飽大概兩小時的兩人，又走到店門口看看餐牌。看完了，所以，就順勢登記，然後在店外等位，同場還有四五人。不過我們只有兩位，其他的人數比較多，因此我們等了十多分鐘就入座。　　以為這兒只有賣甜品，因為以往一直聽到的就是糖水甜品等。想不到是有正餐，而且食物款式亦頗多，只是價位不屬便宜，就不知道性價比如何。回歸正傳，甜品當中有很多是坊間常見的，如蕃薯糖水及芒果布甸。最矚目的莫過於我所點那兩款綠油油甜品……慢著！可不是綠茶啊！開心果糕　$16　　此為迷你裝，在店外櫥窗看到，原是一個個膠杯定型的，估計可以就這樣外賣帶走。另有大版，但要先預訂，沒有現貨，所以不清楚實際大小。開心果糕頗為細滑，彈性富足，不會輕易糊爛。店方指開