炎鳥羽

Open Now

Now Closed

因被店名吸引而來，炎鳥羽，一聽就知有好味的燒鳥串燒，典型日式居酒屋。一入座就好貼心先幫我哋上佐前菜，其中牛蒡最入味又爽口。甜蝦刺身好新鮮，蝦肉甜糯彈牙。飲品點了烏龍燒酒，茶味好濃，酒味唔是好覺。串燒點了蘆筍豬肉卷同秋葵豚肉卷。豚肉包裹在外面，燒烤的過程中豚肉的油脂被烤出來包裹在蔬菜外面，所以蘆筍同秋葵唔會乾柴，仲保留著原本的汁水，味道控制得好好，唔會鹹。自家製雞肉棒唔錯，醬料甜甜啲，將雞蛋黃與醬汁攪拌後，再蘸雞肉棒，好好味😋鹽燒雞翼肉質好嫩，唔會乾柴，雞皮脆卜卜。推薦日本芝士年糕，烤得超級好，兩面脆卜卜，中間的芝士餡勁多，熱辣辣又拉絲，食起好過癮。明太子蛋卷極嫩，中間的明太子鹹鮮味好突出。牛肉稻庭烏冬暖胃，牛肉好嫩，蔥花好香，烏冬鍾意再㜛啲。咕嚕雞肉釀蕃茄好特別。釀苦瓜釀豆腐食得多，釀番茄還是第一次，好新鮮。餡料的雞肉都好鮮甜，番茄唔會軟賴賴，仲帶有蕃茄的鮮味，好特別。關東煮都好好味😋

生日book左尖沙咀呢間店舖黎食，呢間鋪晚餐時間都好多人，最好book左枱先。呢間鋪主要係食串燒同刺身。而佢首先會上一個冷盤前菜，我就覺得幾好食但有d朋友就唔食呢類型既食物，所以呢個頭盤比較因人而異。咁我地一開始就點左刺身同串燒，咁佢就先上哂串燒先，串燒味道好香而且唔會落過多既鹽而令佢變咸，好岩我口味。刺身方面都不錯的，但上菜時間就久了一點。而另外想特別稱讚的是那個紫菜魷魚天婦羅，簡單來說就是一個魷魚天婦羅，上面鋪了一層紫菜碎，呢個配搭我都係第一次食到而味道係非常夾，可以話係最推介最難忘既一個餸👍。但呢間餐廳有個唔好既地方就係好多菜式都售罄例如豬大腸，如果多d野揀咁就可以再叫多d黎試下了😔

好耐冇去日本，突然間好想食日式居酒屋，尖沙咀都特別多居酒屋，諗起依間好多人食過，等我回憶下日本居酒屋風味😌雞肉棒 $42蛋汁加埋日本豉油簡直係絕配，雞肉燒至金黃色，沾滿晒豉油同蛋汁一齊食，口感非常Juicy🤩，雞肉仲要好腍添😋 ，每人一支唔過份🤣明太子雞翼 $56脹卜卜明太子雞翼，外層即炸特別脆口，塞滿晒明太子裏面辣辣哋，肉質嫩滑，好味😋日本秋葵豚肉卷 $42煙燻過嘅豚肉，油脂分布特別香沾滿秋葵特別新鮮爽脆，一啖口感唔會有草青味，好想再encore😋美國安格斯牛柳 $78燒至微焦，除咗安格斯牛柳口感較腍，肉汁好Juicy😋明太子飯團 $38唔到你唔信，呢間正宗明太子飯團，飯團燒至金黃色外面脆卜卜😚，裏面飯粒軟綿綿配合明太子帶一點鹹香嘅味道， 再加埋包住爽脆紫菜，簡直係完美組合😌稻庭烏冬 (冷) $58不妨一試冷烏冬，冷麵汁好清甜帶點鹹味，而入咗鵪鶉蛋同蔥花撈勻，成件事原來係更加提升味道，烏冬質感爽口彈牙關東煮 $58 去得日本食嘢點唔少得關東煮，諗起之前喺日本食嘅關東煮🍢好食到令人回味，今次我就叫咗一個關東煮裏面好多料份量都比較多有白蘿蔔清甜冇渣🤩，獅子卷同日本魚蛋夠彈牙，略為覺得關

尖沙咀厚福街有好多餐廳食肆，位於當中一座大廈嘅樓上鋪，平日入座都要等位㗎，我哋等咗15分鐘就有位，最好大家去之前訂座先喇💁🏻‍♀️未點菜之前已經有前菜，茶位每人$20~啲嘢食真係幾特別，一碗嘅係調好味嘅茄子加木魚絲，青瓜同蘿蔔配味增醬，仲有一樣係微辣嘅蒜頭，個汁配搭幾好。另外係自家製雞肉棒，啲肉係腍身，燒到好甘香，攪勻左啲甜豉油同埋蛋黃，口感更滑💁🏻‍♀️後面嗰碟係好多人都叫嘅明太子雞翼，以為佢有啲明太子塗沒喺雞翼外面，原來係包咗喺入邊！明太子醬撈埋其他配料，食得出雞肉嘅香味之餘，散發微微嘅香辣😋推推而家冇得去旅行但係好懷念日本便利店關東煮嘅味道😩呢啲魚卷中間有餡料，做得好似！明太子蛋卷，等待嘅時間比較長，但呢半個鐘係值得嘅！ 平時韓式蛋卷啲蛋老晒，呢個仍然keep到好多汁，仲有大量嘅明太子😚好食！牛肉讚岐烏冬，需要一讚啲牛肉好薄而且冇筋🤤但係烏冬略嫌腍身~牛肉嘅份量一啲都唔少~靠湯底嘅餘溫整熟佢💁🏻‍♀️日本秋葵豚肉卷 燒到好脆嘅豚肉薄薄咁包住啲秋葵😙仲有檸檬汁可以落~

最近疫情有啲緩和跡象，終於都可以約返朋友出黎食飯。今次試咗間居酒屋，無論環境同食物質素都非常唔錯。大家值得一試🎉。Dinner好似有2個時段：分別係6:30pm同8:30pm入座。我地揀咗後者... 建議大家book定檯先，咁就唔使黎度排隊等入喇。店面唔算好大，大概有10幾張檯。就算第二時段入都坐到滿晒... 始乎人氣幾高wor～一開始黎到既明太子雞翼已經好有驚喜！雖然有啲微辣，但係入口juicy惹味 ❤️ 接住落既雞皮同雞軟骨都唔好錯過，高質到喊出黎 🙃飯糰不過不失，可skip。但接住落黎既菰菜類串燒就不的了！我最鍾意茄子串。佢呢個唔係加好多蒜蓉燒，而係好有日本味道加咗嗰啲脆脆... 醬汁都令人想一食再食！so tasty😋😋唔夠飽既朋友仔都可以叫埋關東煮～如果大家唔鍾意放題，又想喺搵間有心既居酒屋品嚐高質日本料理，不妨過黎試下呢間良心小店。雖然人手唔多，但店員都成日加茶。十個讚👍🏻👍🏻