米気

Open Now

Now Closed

黃埔超人氣日式料理餐廳，平日下午六點十五分左右去到，已經開始要排隊等位入座。大家想食真係要準時收工，即刻衝去排隊。今次三個人去食晚餐，每人點一個飯加兩個熱食。佢個蟹膏蟹肉飯係每次必食。至於小菜，雖然份量唔太多，但係味道都十分出色，製作精緻，感覺好似真係去咗日本食飯。不過大家除咗熱食之外，記住要點埋甜品，超推介佢嘅米気雪糕，不但有甜甜米香，上面仲灑咗好多脆米，味道同口感都一流。蟹膏蟹肉飯（$38）牛肉壽喜燒（$48）豚軟骨煮（$48）奶油菠菜鮭魚（$52）蒜蒽燒牛肩肉卷（$45）關東煮（$28）紅酒汁煮牛肋條（$48）米気雪糕（$30）

餐廳特色，每款價錢差唔多，唔會太貴，多款選擇📝，可以隨自己喜愛去揀你想食既主+冷+熱食。環境寬闊，坐得舒適。✦✦✦✦✦✦✦✦✦✦✦✦✦✦🎈櫻花蝦味噌漬 $20 略為少咸，最好將櫻花蝦味噌漬平均分布好碗飯到食會好啲🍚。✦✦✦✦✦✦✦✦✦✦✦✦✦✦🎈月見博多地雞團子 $43賣相吸引，加左蛋兼味道雖滑🥚，但口感變得食落粒狀，而肉質有彈性，不過都係咸少少。✦✦✦✦✦✦✦✦✦✦✦✦✦✦🎈松葉蟹薯仔沙律 $23作為冷食前菜 🥗，用料多，有青瓜、蟹肉同薯仔，口感十足。✦✦✦✦✦✦✦✦✦✦✦✦✦✦🎈關東煮 $25 蘿白上加介末醬原來可以增加甜度💦，超好味，細細份入面有驚喜，秋冬食就至啱。

黎到呢間米気，主打日式定食，可以自己選擇米、主、冷、溫、甜既配搭，組合自己既定食🤤禮拜六晏就黎到，冇想像中咁多人，排左幾張枱就入得去。個人覺得呢間野食真係幾高質同埋都幾有特色，不過逐碟計錢，嗌下嗌下好容易就嗌到好貴🙈 1⃣️定食組合👉醬油蛋（$22）蘭王蛋加白飯，呢個組合一定唔會輸👍撈飯一流～  👉蕃茄味噌豆腐漢堡（$38） 上網見到有人話呢個伏，但係我又唔覺wor🤔豆腐漢堡好特別，入面混合左好多唔同既蔬菜、青紅椒，感覺好健康，而且好似我咁本身唔係好食椒既都唔會覺得好難接受，仲有啲菇添😄出面既蕃茄味噌汁好好味，蕃茄味酸酸甜甜加上味噌提味，特別得黎又好味。仲有幾片炸蓮藕片食添🤩  👉關東煮（$28） 呢個係普通關東煮既味道，有蘿蔔、福袋、魚餅同埋蒟蒻。蘿蔔鮮甜冇渣。福袋入面有軟糯麻糬～湯底都係清甜既。   2⃣️定食組合 👉醬油蛋（$22）  👉月見博多地雞團子（$48）賣相已經好吸引😍雞肉係帶啲軟骨既口感，加埋蛋汁成個食落感覺幾滑。好食！  👉金平牛蒡（$22） 想像得到既味道，都唔錯。  👉漬物、味噌湯（$8）

位於紅磡區的米氣主打一汁多菜的日常料理，最特別的是餐牌在米飯、主食、冷盤以及溫食都提供很多不同的食物選擇，客人可以任意拼食。第一次光顧，晚市時段人都幾多，不少人在門外等位，好像幾人氣，等了15分鐘就可以入座也算是幸運吧？餐廳也有午餐定食，主食有不同價錢，餸菜可以揀選自己喜歡的，理工大學學生可享折扣。食物不用很久就送上。由於餐牌上的冷盤部份不太吸引，我就沒有點冷盤，但多點一款主食。米飯類我選了醬油蛋飯($22)。蛋黃浸過醬油，但味道不會太濃或者蓋過蛋黃的味道，拌著白飯十分開胃。關東煮($28)裡面有幾款餸，但整碗關東煮味道偏淡，不如日本人那般做得香濃；特別是蒟蒻本身沒有味道，需要靠湯底去增加味道，而湯底也十分淡，以致其他食材例如本身不甜的白蘿蔔都淡得很，令我整道菜都需要用芥末去調味，不建議。紅酒汁煮牛肋條($48)相比起其他餸菜，這道是有醬汁的菜。醬汁味道濃郁，有適當的紅酒味，牛肋條燜得夠腍，容易咬開不黏牙。配菜例如紅蘿蔔和洋蔥都煮得非常軟，成功地吸收醬汁。雖然我點的飯已有一隻醬油蛋，但醬汁濃郁美味，也是一個配飯的好選擇；有興趣的可以點一個白飯跟配此牛肋條，醬汁的份量也足以拌均整個飯月見

米気主打食日式料理🇯🇵最吸引我既地方係揀餐自由度高，可因應每個人唔同食量去做定食配搭～無論想食輕食/3 course/ 4 course全權掌握係手🖐🏻＊－。－。－。－。－。－。－。－。－。－＊點餐紙好長，選擇好多，但設計簡單清晰。✅只要係每個類別揀一樣就成為自己既組合。✏️價錢續小部份分開計算，睇落好似唔貴，但加起上黎其實唔平。以正常食個4 course同外面日式餐廳差唔多價錢。🙈＊－。－。－。－。－。－。－。－。－。－＊食物質素整體不過不失，係「食完你唔會特別記得佢」個種😌同時令我比較有印象既係服務質素有待改善。樓面唔夠人手，忙到踢哂腳。客人簡單要求可能要叫幾次先做到，同客人講野態度都係香港獨有style快靚正，有啲食緊澳牛咁☺️☺️＊－。－。－。－。－。－。－。－。－。－＊【米】🔸R3蟹膏蟹肉飯$38 | 🔸R4明太子飯$22【主】🔸M3牛肉壽喜燒$48 | 🔸M4白味噌慢煮石斑柳$68【冷】🔸C2松葉蟹薯仔沙律$24【溫】🔸W8關東煮 $28 | 🔸W9忌廉蟹肉餅 $26＊－。－。－。－。－。－。－。－。－。－＊

喜愛去日本旅遊的好友，約我吃日式西餐廳，紅磡黃埔天地百寶坊(第3期)地下G32號舖，她推介蟹膏蟹肉飯，味道極鮮甜，有頗多蟹肉, 撈白飯超好味。醬煮糖漬紅薯 🍠，香香甜甜。白味噌慢煮石斑柳 ，大大份又啖啖肉 ，魚皮煎得香脆 ，真美味。牛肉壽喜燒，有肥牛、豆腐、冬菇、溫泉蛋，醬汁帶甜，好味道。汁燒鰻魚，鰻魚肥美肉厚，燒得外脆內軟，塗滿燒汁，很香味甜。月見博多地雞團子，賣相靚很，雞肉中間有隻生雞蛋，很香滑美味。蔥燒厚切牛舌 ，牛舌爽口彈牙 ，很美味。明 太子厚蛋燒，頗厚身，很嫩滑，配明太子就更惹味😊蜜柑白玉，白玉口感軟糯又煙韌，寒天口感爽滑，配紅豆蓉香甜好味，極好吃。焦糖布丁，蛋味香濃，焦糖味香，真不錯。杏仁豆腐，清香又滑。