米気

Open Now

Now Closed

黃埔人氣日本米及日本雞蛋主題餐廳，定期會轉換菜式，每種都非常吸引!!套餐可隨意選擇菜式，當中有不同日本蛋同飯的配搭，又有配菜，甜品更係必試之選!!- 醬油蛋飯 HK$22 🍚🥚- 醬油蛋魚籽飯 HK$38 🍚🥚米粒飽滿有彈性，生醬油蛋質地濃厚香味濃郁，再加上咸香鱈魚籽，每粒飯都吸滿蛋汁魚籽香氣，超好食!!- 豚軟骨煮 HK$48 🐷以日式甜醬油汁煮，肉質軟嫩帶軟骨，口感豐富。- 松葉蟹薯仔沙律 HK$26 🦀🥔薯仔沙律中加入松葉蟹碎，紅蘿蔔及青瓜，蔬菜香甜中帶點鮮味，送飯一流!!- 鮭魚白雪山藥 HK$24 🐟🥔山藥泥帶山藥粒，再加入三文魚碎增添咸香，口感軟綿又有微微脆口，非常驚喜!!- 明太子雞翼 HK$38 🍗雞翼表面明太子燒得焦香，味道咸香焦脆，肉餡免治雞肉微辣有彈性肉質鮮嫩，超香口!!- 蔥燒牛舌 HK$36 🐂口感爽脆份量十足，配上蔥香及風味鹽醬，濃郁惹味。- 赤玉米布丁 HK$32 🥚🍮口感綿滑，有米的香甜味，再加上微咸日本生蛋黃，蛋香更勝焦糖布丁，味道特別又好食!!

好耐無食過日本野la! 今日黎紅堪好出名既日式fusion 菜解下癮😋😋套餐好多選擇，但備貴，如果每款叫一個應該都要200蚊埋單。 強烈推介醬油蛋飯！蛋汁配上日本米飯，一級棒！聽講係用蘭王蛋，怪唔得甘有蛋味，好香濃！另外叫左個南瓜沙律，分量ok 大但食落無咩南瓜味，還好。而豚軟骨煮，味道無話好特別，不過不失。關東煮有大大舊蘿蔔，好入味好好食，本人好中意佢依隻淡淡既湯香，配大根食一流！推介！整體黎講依個set 係好食有水準，但始終埋單160蚊有dd 貴，如果平50蚊左右就perfect la! 好食可以一試👍

回頭度🍪8/10｜人均消費💰~$70-120🥬#crispy_健康外食-唔使$100就有咁精緻嘅定食😍有齊飯🍚主食🥘冷盤🥗仲有湯品🍲飲品☕️漬物🥫性價比真係好唔錯🥳-🤍味噌蕃茄豆腐漢堡 $68豆腐切得幾幼細 真係有啲漢堡嘅感覺加埋味噌同蕃茄🍅配飯一流同時都係比較健康嘅選擇仲有少少炸蓮藕🤩-✨醬油蛋米（+$8）係用日本蘭王蛋🍳望住都覺得好療癒-✨鰹魚汁菠菜食落幾清爽🥬但菠菜有啲一舊舊咁同埋上面都放咗啲木魚碎🐟-✨米気黑糖米水+漬物+是日湯品麵豉湯唔太鹹 都幾多餸😋有豆腐白蘿蔔🥕仲有紫菜-整體味道🌕🌕🌕🌕🌑抵食🌕🌕🌕🌕🌑

小妹身為紅磡區街坊，早喺呢間日式家庭料理店開業時就食過，當時覺得尚可，之後人龍越來越長就更唔想等（個人認為唔值等>20分鐘😝），適逢有朋友大駕光臨黃埔，又見唔駛等，就決定再試呢間區內名店，不過略為失望，大部份小菜都流於普通水準，但呢個價錢就偏貴啦🙈菜單上選擇多，米飯、主食、冷盤、熱食、甜品都有得自由配搭，對於乜都想試，每樣試少少嘅朋友嚟講，都係一個好選擇，只不過揀吓揀吓，價錢都唔平，每人亦限低消$80。醬油蛋飯米飯香軟，但未至於講到咁驚豔，飯亦唔夠熱；醬油蛋少失望，雖然賣相吸引，質地厚稠，但醬油味同蛋味都唔夠濃郁，唔盡興呀😆。松葉蟹薯仔沙律用料的確多，但味道較單薄，青瓜亦淋咗失口感。雖然加咗蟹肉，但竟然唔及大户屋嘅薯仔沙律好食同醒胃🤪紅酒汁煮牛肋條牛肋條軟腍，但整體味道過於單一，紅酒味唔算出，亦冇呢道菜應有嘅惹味同配料香味。奶油菠菜鮭魚唔算特別，鮭魚肉質唔夠嫩滑juicy~柚子手羽中柚子味調較得幾好，係醒胃嘅，但坦白講呢味本身就應該最唔易出事。

係黃埔搵野食真係成日心大心細, 好多有特色又好味既小店, 今日好掛住一年前食既米氣, 所以拉左男朋友再食! 假期既夜晚特別多人等, 等到20分鐘終於入得啦 ><! 每次睇到個menu都好開心, 因為好多選擇, 岩哂我呢d三心兩意既人lol. 松葉蟹薯仔沙律🥗好fresh好開胃, 亦都有一條條既松葉蟹肉, 幾足料~壽喜燒牛肉🍗呢個主菜第一次食, 真係推介!! 做到壽喜燒汁既甜甜口味, 仲有超多份量既牛肉, 菇 洋蔥同豆腐都係入哂味. 真係無得挑剔關東煮🍢係香港好少食到, 就叫左一個試下. 雖然味道不錯, 但係無其他菜式咁多元化, 大部份都係大根同魚肉類, 食到有d滯~蒜蔥燒牛肩肉卷🍖呢個都推介!好香既蒜蔥味, 配埋好厚嫩又重牛味既牛肩肉, 食完再想食, 差d食埋男朋友個份lol醬油蛋飯🍚大家好似大推呢個, 但我就覺得雞蛋幾香, 但其他無咩特別~可能我個人唔係好喜愛雞蛋蜜柑白玉🍊係jelly加白玉, 食飽後食呢個甜品幾清新, 唔會滯, 白玉又好煙韌, 係一個幸福既完結~haha🥢總結: 呢間高質既日本料理選擇多又好味, 下次經開呢頭都要再訪!好味!

米気@黃埔百寶坊開業以來人氣一直高企既日式家庭料理店，每次經過我都見到佢成日有人排隊。主打嘅係俗稱「一汁多食」包括米飯、主食、冷菜同埋溫菜嘅日式料理，米飯同埋蛋都係來自日本。今日就搵咗個朋友去試一試。菜式嘅選擇多達五十個，令人眼花撩亂，而且每份嘅份量都唔細，我哋兩個人都食得好飽。🍱Set 1 (一汁三菜+甜品）🍚醬油蛋飯首先一定要試吓佢哋招牌嘅醬油蛋飯。餐廳用上咗日本既越光米，飽滿有彈性。加埋濃厚香味濃郁既蘭王蛋黃，再以日本醬油調味，蛋味鹹香相互融合，撈飯一流！🐙八爪魚沙律八爪魚沙律色彩鮮艷，入面嘅八爪魚爽口彈牙得黎又唔算太韌，沙律菜整體好清爽，青瓜同車厘茄配上微酸既沙律汁非常開胃。🍗南蠻炸雞炸雞幾好味而且肉質唔會太乾，算係正常發揮，炸得夠香脆，配埋塔塔醬食一流。🍢關東煮一道非常有日式風味嘅菜式，算係不過不失，蘿蔔無乜渣，夠曬清甜同埋入味。🍦米氣雪糕呢度嘅特色菜式之一，雪糕幾順滑，上面仲有d米通脆脆，口感特別，值得試一試。🍱Set 2 (一汁兩菜+甜品）🐮蒜蔥燒牛肩肉卷牛肩肉肉質好冧又多汁，燒得啱啱好。配搭上蔥蒜有着豐富嘅香氣同口感，同時平衡左油脂味。配搭埋個肉汁，簡直非常滋味。🐟奶油

第一個丼飯八爪魚沙律就已經吸引晒我嘅胃口。啲八爪魚爽脆彈牙，配埋清爽嘅沙律醬，真係開胃又唔會太膩。白飯上撒咗香軟嘅明太子，令白飯更加香濃。紅酒繪牛肉嘅質感啱啱好，肉質鮮嫩，再沾埋啲醬汁更加好食。最後，糯米雪糕作為甜品，清新又唔會太甜，唔知係咪用米整，所以好黏稠，煙煙韌韌。第二個丼飯帆立貝裙邊沙律作為前菜，啲帆立貝鮮甜爽口，配埋沙律底酸酸尾尾，而且份量好多一啲都唔係前菜份量！南蠻炸雞，啲雞塊炸得香脆，肉質又多汁，佢上面嗰個醬汁非常特別，少少沙律醬加埋一啲洋蔥粒，中和左炸雞嘅油膩。 不過沙律醬都偏濃郁。 所以食幾舊真係夠飽啦！最後，茶碗蒸蛋作為結尾，滑嫩細膩，裏面嘅材料都好多，仲有平時都冇乜嘅鰻魚。 總括黎講，呢間飯真係值得一試！我估佢個名叫米氣所以整嘅嘢都關米事！ 飲品係黑糖米水，個人認為偏甜。 然後雪糕又係米整嘅。整體來講幾有特色，午餐嘅Menu價錢都尚算可以。

每逢lunch time經過呢間以日本雞蛋做主題嘅日式家庭餐廳都會見到大排長龍，今次特登嚟試吓呢間餐廳睇吓有咩特別🤩🤩餐牌分咗三個部份（前菜、主食、配菜），全部都可以任君選擇，但有部份菜式就要另外加錢，加加埋埋一個lunch set都要$80以上💰但整體而言味道冇話太驚喜，正常發揮，未必會encore……

米氣真係開咗好耐，一直覺得都幾貴所以冇食過，今次同同事一齊嚟試吓。主打日式家庭料理風主菜揀紅酒煮牛肋條，$78價錢視乎你叫咩主菜紅酒煮牛肋條，好濃，好彩個汁唔係好稠，唔會一patpat咁，牛肋條好淋，不過得兩三舊，紅蘿蔔好甜另外揀飯、冷盤、飲品我叫左最普通嘅白飯，唔洗加錢，可以加錢有隻蛋或者其他冷盤南瓜沙律，超creamy，遠睇仲以為係炒蛋，好濃南瓜味飲品，米氣黑糖米水常溫，唔洗加錢，可加錢飲其他附湯、前菜

Lunch set 選擇好多，有時仲有限定menu，自己一個真係試唔哂，今日叫左食過咁多個餸入面最鐘意既南蠻炸雞同帆立貝裙邊海藻沙律，南蠻炸雞唔似其他有啲食店咁淨係用現成蛋黃醬，佢地有加洋蔥係入面，食落會冇咁漏。而帆立貝裙邊海藻沙律食落酸酸地，好fresh。

佢有好多款式都未試得晒，每次個飯一定要加醬油蛋，食落真係超正。平時每次必點一定有牛肋條，因為份量真係好充足，今次試咗佢個味噌蕃茄茄豆腐漢堡，個皮炸過都唔錯，另外試咗佢個柚子雞，個感覺都幾fresh。

當日夜晚係紅館睇演唱會, 於是打算係黃埔食完野再慢慢行過去紅館個邊, 紅館個邊都無咩好食… google完見到呢間餐廳好受歡迎, 於是就去試下..點知行到過去見到有好多人等緊…果然受歡迎, 不過我地都係等左3-4個字到就可以入去, 原來因為佢出餐好快!佢個形式好特別, 你可以自選不同菜式去組合自己既套餐! 由於我想食得清少少, 於是就叫左牛肉壽喜燒、茶碗蒸、關東煮同埋帆立貝裙邊海藻沙律。牛肉壽喜燒 – 牛肉不算多, 同埋都似係普通的牛小排, 不過壽喜燒汁加蛋汁撈埋食就好好食!茶碗蒸 – 非常滑, 蛋味都濃, 有驚喜係佢有一細舊鰻魚同有蝦, 加入左D海鮮味入去!關東煮 – 蘿蔔無乜渣, 夠清甜, 另有一個福袋(入面裝一粒年糕), 非常日式風味!帆立貝裙邊海藻沙律 - 帆立貝裙邊非常爽口, 醬汁酸酸甜甜, 都非常開胃!男朋友就叫左松葉蟹薯仔沙律、柚子手羽先、紅酒汁煮牛肋條, 另加一個醬油蛋飯, 醬油蛋飯係用蘭王蛋, 撈埋D飯非常好食, 蛋味非常濃!紅酒汁煮牛肋條 – 牛肉炆到非常淋, 可惜紅酒味過多, 遮左D肉味..松葉蟹薯仔沙律、柚子手羽先都無咩特別, 正常發揮不過咁樣逐樣叫, 叫叫埋埋

这家主打的是一人份的定食，每样都不会太大量，可以多尝两样，吃完饱腹感也很强。饭，前菜 ，主菜，配菜，甜品，饮品，都可以自主搭配. ✨雞肉團子✨超好吃！提案中带咸，搭配得刚刚好，外面脆脆的。

餐廳由開業以來人氣一直高企🔝，每次經過都大排長龍。今日難得成功避開到人潮時間，很快便安排入座了。我點了午餐定食🍱，包括米飯、主食、冷盤和飲品，俗稱「一汁多食」料理，隨餐更附送是日湯品及漬物，性價比貌似幾高，不知味道如何呢？😋🍚醬油蛋米 (另加$8)日本米結合日本蛋，味道簡直一流，必食推介❗️飯粒粒粒分明，煙軔有咬口，有飯香味。醬油蛋🥚醃得入味，不太鹹，最重要的是蛋味濃郁，拌飯一流🥢。🍷紅酒汁煮牛肋條 (定食$78)牛肋條炆得很入味，肉質軟腍，入口即化。醬汁濃郁，完全滲透內裡的紅蘿蔔🥕和洋蔥🧅，重口味的朋友一定喜歡。🥗八爪魚沙律沙律材料新鮮，清新開胃。八爪魚🐙爽口彈牙，可惜份量較少。☕️米氣黑糖米水黑糖具有養生效用，尤其是對女性，餐廳將飲品設為常溫，非常貼心🤩。味道較淡，不太甜，黑糖味也不突出。🌟總結：定食味道尚可，值得推介的是醬油蛋飯，不過整體都覺得有點名過於實😅，如果剛好路過附近見到不用排隊都可以一試。

🍆和風茄子是一道傳統的日本家常菜，以鮮嫩的茄子為主要食材，加入了豆醬、醬油、味醂等和風調味料，口感豐富，風味獨特😋😋這道和風茄子表面微微焦香😌內部軟綿可口。茄子吸收了豆醬和醬油的風味，帶有淡淡的甜味和微微的鹹香，與茄子的自然甜味相得益彰。茄子的質地軟滑，入口即化，與醬汁的結合更是美味🤩而醬油煎鴨胸肉🥩表面金黃酥脆，內部保持了肉質的嫩滑，配上豆醬和醬油的調味，增添了豐富的層次感。柚子的酸香和微苦味為這道菜增添了清新的風味，使整體口感更加豐富。