屋子空間 (Closed)

假日約了友人到大圍食野，本身想去的店假日冇得book，只好walk in，去到實在太多人了只好轉場...唔熟大圍即上網搵下有咩食，見到"屋子系列"，揀了屋子空間。二樓。三層樓高的白色樓宅，店子有裝潢簡約有日系之感，以白色及木系為主，感覺柔和有空間，我們上了二樓，當日唔太多人，感覺輕鬆自在及寧靜。店子主打輕食及外賣，不過當日因為是假期加上會轉新餐牌，有部份食物及飲品未能提供。先付款後取餐，自取木餐具。草莓拿鐵，$39，雖則用紙杯及只在咖啡面層上灑草莓乾碎粒感覺好HEA，但都有個拉花嘅，咖啡味道不果不失，有草莓乾之下味道酸甜。關西牛肉溫烏龍麵，$68，牛肉份量多，味道甜甜地，有隻溫泉蛋伴食，烏冬口感煙韌，味道正常水準。友人的飲品。食物水準普通，價格上少貴，但環境取勝，唔單止因為日系打卡之類，而係感覺比較自在，窗口吧位單拖坐下食下野抖下都冇尷尬，加上唔限時，HEA之選。大圍大圍村9街12ALUNCH周圍行，見到好懷舊的理髮店及可愛的塗鴉。

😊 話說依日小編同屋企人難得入大圍，就梗係搵嘢食啦！嚟到依間帶三層高嘅屋子空間食下午茶！［ 亂闖試飲試食 ］🍽 關西牛肉溫烏龍麵 😋😋😋😋😋小編食麵通常第一樣會做嘅就係飲湯！湯係鹹鹹地，飲落又幾清。然後再試牛肉，係一片片肥牛再切開一半，帶有少少肥脂，好好！唔會又乾又嚡！烏龍麵有咬口，淥得啱啱好！溫泉蛋都係正常發揮！所有材料嘅配搭好適合！👍🏻👍🏻👍🏻☕ 泡沫拿鐵 😋😋😋😋泡沫咖啡味道偏向nutty，奶泡掌握得好！👏🏻下午茶 💵💵💵 約港幣$110/人💁🏻‍♀️ 雖然咖啡店有三層，但地面嗰層基本上只有兩三個單人位，周末嚟嘅話，樓上兩層都好快full晒。而咖啡店係採用先喺櫃台落單，然後再取餐嘅方式運作。要上上落落嘅話，有朋友一齊會方便啲！一個負責攞位，一個負責點餐加取餐 😉🙆🏻‍♀️ 最後，喜歡嘅話，歡迎follow @foodirectory.hk ！

我發現屋子系列的咖啡店全部都在新界東，一個我甚少前往的區域，屋子空間成為我第二間光顧的分店。屋子空間樓高三層，不過可供堂食的空間不太寬敞。樓梯狹窄，每次只能容許一人通過，高個子還要留意小心碰頭。我在地面點餐後，拿著傳呼機樓上最高那層等待；幾分鐘後，就可以領取，我小心翼翼走到樓下領取我的午餐。食物全部用可以棄置的容器盛載。我點了一杯凍海鹽焦糖咖啡，我覺得咖啡師加了比較多焦糖。食物方面，我有一碗關西牛肉溫烏龍麵（即是烏冬），麵和肥牛很足料，肥牛表面仍然呈現很淺的粉紅色。溫泉蛋裏面的蛋液徐徐流出，不過整碗湯的蛋味不是很濃。我也追加了一份海老天婦羅蝦餅，蝦餅炸的很鬆脆，配合沙律醬簡直是一流。我只希望下次光顧的時候，蝦餅不會擠到一個紙碗了，我連蝦餅的形狀都看不到。凍海鹽焦糖咖啡 關西牛肉溫烏龍麵海老天婦羅蝦餅

『屋子』系列一門三傑，位於烏溪沙嘅『生活』地方最闊落；大圍嘅『咖啡』聽落以飲品質素作主打（但未試過）。而同於大圍嘅『空間』係一間乾淨企理嘅三層村屋／唐樓，每層地方不大，但以minimalist 北歐風格，營造舒適寫意嘅環境。作為一間輕食cafe，食物以凍熱烏冬同少量甜品為主。Cafe 基本上需要自助落單同攞嘢食，不收加一。首先嚟咗個『山葵麻婆豆腐溫烏龍麵』。由於麻婆豆腐通常都係配飯食，呢個組合都幾有創意。滿滿嘅麻婆豆腐只係帶少少辣度，絕對無睇落去咁重口味，唔係太食辣都頂得順。山葵嘅味道配合得剛好，加添層次之餘唔會搶咗麻婆嘅味。伴碟仲有個溫泉蛋，最鐘意撈落啲烏冬度一齊食。呢個係『關西牛肉溫烏龍麵』。喺冇得去日本嘅日子，呢種味啉加砂糖同豉油嘅組合令人倍感『思鄉』。呢度嘅牛肉炆得軟腍，肥瘦適中，調味偏向少鹹多甜，係我嘅心水。當然牛肉汁入咗烏冬就索晒，所以都十分滋味。Latte 拉花雖然簡潔，但有心機做啲點綴。整體質素甚高。

今次黎到大圍既一間日系文青咖啡店【屋子空間】，放下腳步感受慢活的節奏😌咖啡店既外觀採用純白色簡約的設計，底層是屋子製作所，主要是廚房及用作點餐，亦設有少量座位，而二樓是屋子空間，可以在此用餐，三樓是菓子甲研室～成個環境都好舒服好chill❣️-🎈關西牛肉溫烏龍麵 $68因為見到好多人食呢個，所以叫左黎試下😋呢個烏冬入面有超多牛肉仲有溫泉蛋，非常足料🙆🏻‍♀️食完感覺好滿足😝-🎈鳳梨梳打 $40夏天熱辣辣飲呢個真係岩哂啦🤤🤤感覺好清新，超爽～-🎈黑糖珍珠奶油小鬆餅🥞呢個甜品超好味，份量好多🤗店舖好貼心咁將啲小鬆餅整到細細塊咁好可愛，仲可以一啖放落口到🥳甜度亦剛剛好，食完都唔會覺得好膩，配上黑糖珍珠倍感層次😌-🎈熱四季春茶呢個好有驚喜！！😍飲落去好香茶味及帶有一點甘香😎-🔸屋子空間📍大圍大圍村9街12A

屋子空間係港女打卡之選，細細間有幾層，用白色做主調，加埋啲木傢俬真係好Japan🎌 食飯得嚟仲可以扮吓文青～ 見隔離幾張枱都係大學生傾pro，加油呀未完sem嘅你哋💪🏻烏龍麵就即係烏冬，碗麵上面有好多肥牛、一隻蛋同好多好多蔥，味道幾好，係啲肥牛太過雪花所以會碎開變做一粒粒咁，但粉量真係比較細，男仔應該會唔夠飽👀 鳳梨水果茶呢就幾香茶味，底有好多鳳梨粒🍍 但如果再切細粒少少會好啲，因為用咗粗飲管都好難啜到😂

喺大圍搵點知好幾間都冇開努力不懈之下搵到呢間白雪雪文青cafe😍Set lunch有好多選擇 今日兩個set都係79蚊分別係牛肉同豬肉嘅溫烏冬咁好以為溫就係暖暖地其實佢意思係熱烏冬肺炎嘅關係1樓同地下都冇乜食客喺度得小貓一兩隻大家不妨多啲幫襯兩個烏冬嘅味道都好好夠味又唔會太濃大鹹，絕對係有質素朋友話杯茶都幾香，正常發揮唔會話又水又冇味咖啡奶泡可以再滑啲，但水準係可以嘅好香啡味

外觀設計很日式，很文青，適合打咭的地方。點餐後發現有點貴，量不多，男生可能要餓肚子落完單就會俾個野你等...吾想走黎走去的話，就要俾d耐性拎住份餐走樓梯感覺不太好，亦不明白在這環保年代，這餐廳為何全用即棄產品樓層有水供應，若果聊天、溫習的話，這地方蠻適合，由於人多地方少，只可以遠離冷氣，往外面用餐。老實說又熱又窄，若果你想出入必定擾民！溫泉蛋美味，牛肉汁很甜，烏冬Q彈，食物來說還好。但整體而言，我拎願去吉野家這類連鎖店。若果再這樣下去，我真怕好快又不見它了