Odelice! (The ONE)

朋友生日又係要搵開飯大神睇下有咩好食。 唔想熱氣，又唔要日韓，最好一定食西餐。The One既Odelice我第一次嚟而沙田分店就去過一次。我地一行3人，睇menu見到set dinner for two都好似幾豐富，有湯，頭盤係鵝肝多士， 香草醬煮蜆， 再嚟主菜有阿根廷安格斯肉眼牛排，仲有紅酒燉牛面頰意粉，仲有甜品。另外壽星喜歡食蠔，再加多個黑松露磨菇球，超滿足。dinner set two仲做梗七五折，再加上我地去到未到7點，仲趕到last call happy hour drink買一送一，今餐真係好抵食，又好味。

呢排巴黎嘅體育盛事氣氛咁熾熱 搞到好想食返餐法國菜 呢晚嚟咗尖沙咀嘅呢間法式小酒館食晚市套餐🇫🇷 我哋兩個人嚟 所以可以喺A區揀兩款前菜/甜品 再喺B區揀兩款主菜😙 我哋覺得佢嘅頭盤好吸引 所以A區嘅兩款都揀咗頭盤😍是日餐湯及麵包晚市套餐包咗一份餐湯同埋麵包 呢日係番茄忌廉湯 味道幾濃郁 仲有啲番茄蓉喺入面🍅 麵包方面係法式嘅香脆麵包條🥖 側邊仲有海鹽牛油可以塗上麵包 不過我就比較鍾意點番茄湯食喇生牛肉他他小漢堡呢個小漢堡 我同朋友一人有一件 作為前菜呢一個都係一個好豐富同埋開胃嘅前菜🍔 小漢堡嘅麵包好軟熟 入面嘅山牛肉他他調味帶少少酸味 加上有一粒鵪鶉蛋黃 夾埋一齊食口感軟綿😉 側邊仲有薯條添煙三文魚拼盤除咗有煙三文魚之外 仲有四片酸種麵包同埋法國白乳酪 將所有配料夾埋一齊食 別有一番風味🐟 法國白乳酪只係帶點微酸 可以吊出煙三文魚嘅鹹香原隻烤龍蝦呢個菜式真係必食推介 原隻嘅龍蝦賣相已經令我流晒口水 食落龍蝦肉彈牙🦞 本來以為面頭淺黃色嘅醬汁係芝士 但係原來佢係芥末荷蘭醬 帶少少檸檬嘅酸味 輕鬆做到提鮮嘅作用🍋 側邊仲有一籃脆薯條 阿根廷安格斯肉眼牛排牛扒我哋嗌咗五成熟 切開真係仲係

平時甚少到The One搵美食，今日難得要去附近工作，加上天氣實在太悶熱，毫無考慮走入商場，沿住扶手梯一路走上L4就見到Odelice。唔太鐘意食西餐既我俾佢既Set Lunch價錢吸引左，法國餐廳set lunch只係$85起，其實真係好吸引。仲要有頭盤，有主菜同飲品。絕對係高級商場餐廳但茶餐廳價錢，所以我決定入去一試。望住餐牌，我既選擇困難症又發作，太多野想食，意粉，什菌燴飯，盲槽魚海鮮鍋等等都好想食。突然又見到有我從未食過既鴨腿🪿燒鵝就食得多，法式鴨腿就真係未食過，所以就決定試試。頭盤選左餐湯同牛油果凱撒沙律，兩樣都中規中矩。但見到隔離枱點左黑松露蘑菇球，黑色兩個圓波波，好似好得意，下次再黎食lunch可以一試😊餐飲我地點左最普通既凍檸檬茶，冰涼解渴。主菜就點左餐廳既招牌阿根廷安格斯牛排配薯條以及法國油封鴨腿。牛排我要5成熟，牛排肉質軟嫩多汁，帶有香濃牛肉味，配上餐廳既黑松露紅酒醬汁，味道剛剛好。油封鴨腿亦非常有驚喜。鴨皮酥酥脆脆但內裡肉質非常軟嫩，可以用叉子輕易撥開，再配上橙香砵酒醬汁，風味獨特，絕對值得一試👍🏻👍🏻👍🏻。