L1fe Café (Closed)

朋友介紹嚟小店試下，餐廳座位唔算多，好彩有事先訂座。一坐低店員已經介紹今日嘅special dishes比我地，首先係前菜水牛芝士番茄沙律，menu上面無寫㗎～本來我唔太鐘意生食蕃茄，但個蕃茄又甜又多汁，好似食緊水果咁！加埋中間芝士一齊食，芝士控表示極度滿足😋但最出色一定係basil oil，好香，為全碟前菜錦上添花。之後店員亦介紹左台灣芒果smoothie，佢話全杯smoothie由全個芒果製成，唔會溝水。抱住嘗試心態下order，飲一口已經覺得好濃芒果味！都證明店員無呃我地，真係由全個芒果所整🥭最後當然要試下招牌菜阿肥個脆皮肚 $178燒得個皮好靚，肉嘅部分淋到可以輕輕一切就分開，一入口只需咬幾下就吞到，不愧係慢煮。可以見到肉部分都幾厚，但竟然一啲都唔韌，厲害！多謝朋友推薦依間CP值高嘅餐廳，店員仲同我地傾計簡咩餐、有咩隱藏menu，又提我地盡早食塊皮，keep住最好口感。等我又介紹比其他朋友知先😆

熱烈地讚賞💛所有皮都是超。級。脆😆在旺角樓上鋪雖然很不起眼，但一定會再光顧的高質西餐廳💛😋阿肥個脆皮肚（慢煮五花配蘋果醬）～ 沒騙人皮真的很脆🥺肉是很軟那款而且不肥膩😋漁夫之寶 ～ 主打時令新鮮魚，當晚是比目魚，法式烹調手法，魚皮很脆太棒了，魚油又香魚肉很嫩滑，配菜是經典米芝蓮tomato salsa！😋金文拔芝士配法包 ～ 店的ig story有時會推出chef special 特別菜式，menu沒有的，當日只提應4份，芝士熱辣辣很好吃，油浸焗蒜頭是精粹啊！請推出有大量蒜頭的菜式吧😹😋出心出力解果茶～ 花了4小時做的新鮮果茶，有很多水果渣在入面，很有誠意。當晚坐得很舒服，雖然是90分鐘用餐時間，但我們最後都坐了兩個鐘～店員很友善，會討論菜式的款式，主動了解客人的口味。絕對會回頭光顧！

之前同朋友黎呢間cafe飲野時已經約定要試呢間其他食物😂😂點解～？因為餐點名稱太得意😂😂例如Americano佢地叫污糟水😂😂❣️是日餐單🦑用力炸軟體生物（脆炸魷魚鬚）💪上枱時已聞到香味😀😀😀粉漿唔會太厚，有少少鹽調味，點埋沙律醬食一流🥰🥰🐖阿肥個脆皮肚（慢煮豬五花配蘋果醬）🍎個名當然已經好好笑😂😂塊皮烤到脆卜卜，係切果陣好易整到皮肉分離😀😀肉質ok, 調味就咁食爭d,點埋蘋果醬食又解膩味道更有層次更好食😋🍝笑哈蝦先生（辣椒蒜片蝦扁意粉）🦐成碟份量好多，足足有5隻蝦🦐🦐意粉軟硬度適中，辣度真係比熱浪辣😂😂😂😂但好開胃好好食，有蒜味🧄但唔會搶去其他味道，大蝦亦好彈牙，咁大碟我竟然清左碟😄😄😄唯一認為有待改進的是上菜速度較慢，服務亦不錯，侍應經常注意桌面情況和加水。