Ice Puff

Open Now

Now Closed

終於試到雞蛋仔解裏面嘅細一，就係位於旺角中心同新之城中間一樓個接駁位既ice puff。我之前睇過雞蛋仔關注組嘅介紹，亦都聽過朋友多次推薦（朋友建議買一底雞蛋仔嘅時候叫老闆娘分兩個紙袋入，半份即場食，另外美份返屋企用氣炸鍋焗返熱佢再食，別有一番風味)但係身為食物殺手嘅我，當然覺得一次過食最開心啦。今次我試咗原味雞蛋仔加流心蜂蜜$26，仲有阿華田脆脆雞蛋仔$29。好先講一講雞蛋仔嘅外型，粒粒飽滿，唔會有凹左或者爛咗嘅形狀。全部雞蛋仔即叫即做，絕對唔會做定之後你要就即刻攞俾你。原味雞蛋仔加流心蜂蜜，完全做到外脆內濕潤嘅感覺，每一粒雞蛋仔裏便都最少有三份一係填滿左蜂蜜。咬落去嘅時候外面蛋香濃郁裏便蜜糖味豐富左成個口腔。推薦指數⭐️⭐️⭐️⭐️滿分為5阿華田脆脆雞蛋仔，可能本身細細個早餐嘅時候飲阿華田，飲美祿已成習慣，所以對依兩個味道都有情意結。阿華田味十分濃郁，絕對唔會有溝咗水淡左嘅感覺，果然冇令我失望，兩者相比之下的確冇加餡料嘅可以食到每一粒都脆到咯咯聲。推薦指數⭐️⭐️⭐️⭐️滿分為5

今晚同女朋友打完邊爐仲口痕痕，周圍行下有咩小食「dab」下。旺角黎講小食嘅話首選旺中，大把小食我地揀。黎到旺中一樓，好快已經搵到我地想要嘅小食，「雞蛋仔」。 見到Ice Puff門口好多人食緊雞蛋仔同格仔餅，之前都見到唔少媒體報導過呢間人氣小店，今日一於大大力懲罰佢！門口貼滿唔同口味嘅雞蛋仔，有咸有甜仲可以加錢加麻糬同流心蜂蜜，幾吸引！由於我唔係好接受到咸嘅雞蛋仔，所以一開始就俾黑朱古力同阿華田脆脆吸引左。============================== 阿華田脆脆雞蛋仔 $29不消幾分鐘雞蛋仔已經整好，阿華田脆脆雞蛋仔賣相好靚，味道香脆可口。咬開一半呈蛋糕狀，脆脆半熔係雞蛋仔入面，正！下次要試埋其他唔同味嘅雞蛋仔同格仔餅！ Ice Puff📍旺角彌敦道688號旺角中心一期1樓F51舖

//#pigna港式 #pigna旺角【花豬出巡】🧇Ice Puff @icepuff_icepuff📍旺角彌敦道688號旺角中心一期1樓F51舖次次行過都好想食 但次次都好飽 咁岩今次有quota就嗌左個試————————————①阿華田脆脆雞蛋仔 💰29 (麻糬+$6)同平時食嘅雞蛋仔有啲唔同 熱辣辣偏脆口 中間比較空心 不過我加咗麻薯 華田味幾濃 麻薯質地偏流質 唔係煙韌個種 我即時食左幾粒就袋返屋企 個姨姨話用焗爐焗返熱一樣咁脆 佢冇呃我呀！！舔脷程度：👅👅👅 /5————————————疫情擴散 買完快啲拎返屋企😹🐽花豬點評🐽 (6分滿分)味道👅👅👅👅環境🔆🔆🔆CP值💰💰💰再訪程度💯💯💯💯

難得嚟到王忠掃街聽人講呢間好食所以去試吓😋.一拎上手已經聞到好香阿華田味 雞蛋仔好脆 不過佢既阿華田雞蛋仔對我黎講太甜.....每粒雞蛋仔入面又唔算好實心 冇乜嘢食係加左麻糬個口感就好d 煙煙韌韌不過就唔係每一粒都食到麻糬.可能我期望太高啦 ........有得加麻糬係幾特別嘅但我覺得唔算特別好食 阿華田對我來講太甜 下次可以試吓其他味不過經過都會支持下嘅💛 🌟阿華田脆脆雞蛋仔(加麻糬）$29+ $6 （麻糬）

雞蛋仔食唔少，但高質嘅雞蛋仔唔係到到有，旺中呢間行過已經聞到好香，所以今次黎左試下～雞蛋仔有好多口味可以揀，連鹹嘅雞蛋仔都有，例如洋蔥鹹牛肉同埋黑松露味，有機會真係想試晒所有口味😝•🥢 阿華田脆脆雞蛋仔 $29以前試過喺其他店食過好求其嘅版本係整好個原味雞蛋仔，然後搽一pat阿華田脆脆醬喺面😥不過呢到係阿華田/朱古力味嘅漿，加埋大量阿華田脆脆醬喺雞蛋仔入面，食到每一啖都有脆脆🤩整體有少少甜，但都有淡淡嘅麥芽香～雖然加左脆脆醬喺中間，令到雞蛋仔嘅餡少左，不過雞蛋仔都有做到外脆內軟，再加埋脆脆，口感好豐富～😋•🥢 黃金咸蛋黃雞蛋仔 $32咸蛋黃份量好多，每粒都有，但食落唔會太膩，不過蛋黃會令到雞蛋仔本身冇咁脆，有啲可惜•🥢 原味超厚格仔餅 $23格仔餅係超級厚(可以碌去後面睇相)，外脆內軟，唔係得個面脆嘅空心格仔餅🤩夾係入面花生醬、煉奶、牛油都好足夠，唔會食到一半冇醬，但傳統格仔餅會咬到有明顯嘅砂糖，呢個就唔太覺有，可能比格仔餅本身嘅脆吸引左，冇留意到啦～

阿華田脆脆雞蛋仔 $29 (麻糬 +$6）·10月有休市同埋店入邊有連儂牆嘅小黃店💛呢一間我之前見到其他人推介已經覺得勁正 佢俾我想像中好食超多😍😍一攞上手係超重阿華田味 而且佢個雞蛋仔口感好好 係真係熱辣辣 而且都幾脆🤤同埋佢中間個麻糬都幾好食 我自己覺得口感唔錯 不過佢啲麻糬分布得唔係咁平均 中間會比較多少少 但係我覺得都超值得一試🤤·📍Ice Puff(旺角彌敦道688號旺角中心一期1樓F51舖)·#rbyeat#rby小黃店#rby旺角#rby港式

#中意嘅請分享請點讚🍻----------💛#黃店💛1/10, 11/11, 12/11, 13/11 罷市----------🐣阿華田脆脆雞蛋仔 $29一拎上手已經聞到好香阿華田味，雞蛋仔好脆好重阿華田味，不過每粒雞蛋仔中間都唔算好實心，價錢偏貴。----------🔎Ice Puff🚩旺角彌敦道688號旺角中心一期1樓F51舖