三代目 (港運城)

Open Now

Now Closed

好耐都無一家人一齊食晏晝,去左屋企附近呢間食,雖然住喺附近咁耐,睇住呢間鋪開張,但從未幫襯過,入正題,仲有兩、三個字先到lunch時間,已經幾多人,服務員不足,眼見得三人,喺門口等左個幾字先有人帶位,環境算闊落,lunch餐牌套餐選擇ok多,屋企人叫左雙色鰻魚丼定食,炙牛拉麵跟吉列蝦,我就叫左海鹽燒赤魚定食,另外散叫左料理長精選一串明太子燒翠玉瓜,首先炙牛拉麵,牛肉算冧,麵太少,只有兩啖,老人家都話唔飽,雙色鰻魚丼正常發揮,屋企人都話讚,好味+大份，至於我既鹽燒赤魚,就細條啦,已經開邊半條,仲要魚骨勁大條,實則魚肉得半條三份二左右,另外跟餐個溫泉玉子過熟,個蛋黃熟左,至於散叫明太子燒翠玉瓜,👌啦,串燒鋪一串都唔止呢個價錢,總括黎講,呢餐不過不失

與媽媽到三代目午餐，位於北角英皇道500號港運城地下11-13號舖，北角地鐵站B3出口， 然後直行就好快到。店內裝修以紅黑色為主， 時尚型格，餐廳主打日本料理🥢，有拉麵、丼飯、拌麵、串燒、燒物、炸物和一口壽司等等。午餐 ～ 雙色鰻魚丼定食$118、芝士牛丼$52、 燒白鱔$68、 燒牛肉露筍$38、 燒一口牛$38、 一口壽司海佬 · 膽$68、 一口壽司鮮海膽$68、荔枝培茶。 🔸雙色鰻魚丼定食🍱 ～ 午市套餐好抵食，已包括日替沙律、鰹魚味噌湯、茶碗蒸和飲品， 內含兩種煮法的鰻魚， 魚肉厚身而味道十足， 肉質又夠肥美。 🔸芝士牛丼🍚 ～ 濃香的芝士再配上牛肉， 對於我來說份量剛剛好。 燒白鱔、 燒牛肉露筍、 燒一口牛🍢🍢🍢🔸燒白鱔🍢 ～ 外層燒得夠香脆， 味鮮肉美。 🔸燒牛肉露筍🍢 ～ 香濃的牛肉配上清新脆口的露筍， 味道不錯。 🔸燒一口牛🍢 ～ 啖啖肉，味道好香濃，一串有四嚿。 🔸一口壽司海佬 · 膽🍘🍤 ～ 海膽已經好好味，仲要配一隻天婦羅海蝦🍤， 口感雙重享受。 🔸一口壽司鮮海膽🍙～ 入口超鮮甜， 份量好多，抵食。 🔸荔枝培茶🥤 ～ 清甜的荔枝配上濃濃茶香，好飲。 喜歡三代目的