生生市場 (永德大廈)

Open Now

Now Closed

放學之後順便買外賣，經過呢間起鵝頸橋附近嘅韓國外賣店🇰🇷選擇多多，有韓式飯卷、鍋類、炸雞、炒粉絲、年糕、醃物小食等▶️ 烤牛肉紫菜飯卷 ($53)雖然係預製，但望落新鮮飯卷包得紮實材料多，尤其牛肉比例，飯唔會太厚另外有青瓜、紅蘿蔔絲、醃蘿蔔、蛋味道較淡😗自己起屋企加咗韓式烤牛肉汁就好食▶️ 雜菜煎蛋卷 ($55)最後一盒🥹啱啱整好，仲係暖笠笠份量比預期多，而且好厚身重手加入紫菜、紅蘿蔔粒、少少雜菜🥕有自家菜味道，簡單但餸飯自己落茄汁一齊食就完美▶️ 蘿蔔魚糕湯 ($68)即叫即製，配送一碗白飯有兩款魚糕：三角形扁身同圓柱體 (好似獅子狗卷咁)後者質感煙靭爽彈似魚蛋，好食😋另外仲有一嚿索湯入味白蘿蔔、一片魚蛋🍥一粒爆汁香菇🍄‍🟫湯底味道清清地但夠鹹味，啱啱好▶️ 醬煮黑豆 (S: $40)最鍾意呢個🖤黑豆好有質感，醬汁又鹹又甜撈白飯食一流🫣差唔多成兜我清晒▶️ 涼拌菠菜 (S:$25)健康之選🥬簡單醃製過，灑上白芝麻鍾意佢唔太油膩▶️ 韓國提子汁($7)入面有蘆薈粒㗎！-味道唔錯👍🏻醃製小食好食，推介醬煮黑豆同蛋卷❤️另外仲有好多款，鍾意食韓國前菜嘅話可以買返屋企慢慢食包裝好，好多都啤實咗，唔驚倒瀉，

位於銅鑼灣永德大廈地下嘅呢一間新新市場係韓迷外賣好推介。位置方便，而且各款韓式美食都有，如果大家掛住韓國美食嘅，都可以過嚟買番啲去。涼拌菠菜菠菜爽口，配上韓式嘅醃製方法，略帶麻油香，食韓國嘢最鍾意就係有好多唔同款式嘅前菜選擇。雜菜煎蛋捲呢份煎蛋卷真係好可愛啊，煎蛋一層層，而且食落口一啲都唔油，蛋味十足，正！烤牛肉拌飯呢款烤牛肉拌飯，一個份量已經有齊晒唔同款式嘅配菜，加埋韓式拌飯醬，另外仲有一隻煎蛋，而烤牛肉份量都唔少，撈埋一齊，好味嘅呢🫰🏻韓式牛肋排湯喺韓國必飲嘅一款韓式濃湯，呢一款牛肋牌造型超吸引，巨型牛肋排啖啖肉濃湯加上白蘿蔔，湯頭飲落更鮮甜可口。另外喺銅鑼灣嘅呢一間生生市場仲有唔同嘅前菜、韓式飲料同凍肉款式選擇，價錢合理，等我下次去買返幾款同屋企人一齊打邊爐先。