金所 (Closed)

上網見呢間烏冬好多好評 好多人排隊 疫情下又勁得閒 就出去排隊試試先中午十二點開門 十一點四十五分去到已經見到有人排隊 去到就排第八個 十二點準時開舖 店員探熱消毒後 就帶領入座 店舖裡面唔算大 今次一數只可以容納12人左右 但係 位置一啲都唔迫 店員帶領入座後 招呼完再落埋單 先再帶領下一組顧客入座 唔會有好多人一齊落單好嘈吵既場面菜單主要有冷烏冬、沾烏冬同埋湯烏冬 我就叫咗個山藥冷烏冬同埋雜錦天婦羅冷烏冬有一碗鰹魚汁同一碗山藥汁 店員介紹將兩種汁撈埋一齊點嚟食 但係 見到鰹魚汁碗都幾細吓 就將山藥汁分兩次落 所以鰹魚汁既甜品比較出 烏冬係片狀 好滑身 厚度啱啱好 食落好掛汁同好煙韌 天婦羅食落唔算好油 蔬菜咬落都有水份 $59一份都幾值既烏冬唔算好多塊 但係 食完都幾飽 整體都幾特別 都幾價得食

今日啱啱第一次去試 忍唔住即刻比個review 想來試好耐諗住應該weekday lunch唔使排隊 但係都等左20-30分鐘左右 但係食完之後覺得好值得等待 我叫左個鴨肉入沾白布烏冬 呢一個真係好出色... 坐我哋前一個卡位嗰碗嚟咗先 已經聞到好大陣香味 一嚟到試一試個湯底 好濃郁好香甜甜地 總之個味道同啲鴨胸夾得好好 仲有少少茄子 個白布烏冬大啖大啖食落去 加埋個咁正嘅湯 覺得唔係一個普通嘅麵咁簡單 亦都叫左一個雜錦天婦羅 唔係話超讚但係都好食嘅 價錢亦都合理 男朋友叫咗個南蠻咖喱沾白布烏冬 覺得比較普通 同平時嗰啲日式咖喱差唔多 整體來講service好 環境我哋今次坐左入去卡位覺得舒服 同埋食物👍🏻 一定會再返嚟食♥️ 雖然佢哋午市話3點close 但係其實佢地賣完即止 記得早啲去 💪🏻