金鳳茶餐廳

Open Now

Now Closed

近排社交平台的沙嗲牛肉關注組好活躍～見到有人介紹金鳳茶餐廳，我見到菠蘿包好吸引！排隊好似5分鐘就有位啦～大家都係食完就走雞批幾好味，夠熱，餡料香，冇雪味～我平時唔食架～特價午餐set～沙嗲牛肉通粉，煎雙蛋，菠蘿包，凍檸茶走甜沙嗲牛肉麵，火腿奄列，菠蘿油，凍奶茶少甜沙嗲牛都唔錯，幾掛汁，牛肉嫩，如果沙嗲味有少少辣就會好啲，都屬於重口味，食完口渴～通粉就唔係我鍾意嘅質感，我中意硬身d。公仔麵就冇咩味，要撈埋啲沙嗲汁就正，我哋都鍾意㗎辣椒油！有冇人鍾意咁樣篤爆個蛋黃架？😚菠蘿包真係有啲失望，因為係凍㗎，所以塊牛油冇溶到🤨不過個份量都算足！其實呢個餐可以咁餐包～餐包應該係佢哋嘅招牌！我見有熟客嚟都係買餐包～隔離就係利東街！😙食飽飽去行下先

今日上山頂走了一圈，坐巴士回程在灣仔落車。順便去春園街走一轉😉此刻想起金鳯茶餐廳，一個充滿回憶的地方😘下午三點多來到，竟然不用等位👏🏻（可能是最近的政治因素影響），當然馬上入座啦😘下午茶時間，當然要食番件雞批🥧及飮杯招牌凍奶茶🥤雞批熱辣辣，非常鬆化，餡足料😋本人極喜歡飲此店的凍奶茶，用心製作，茶味香濃，把製作好嘅奶茶雪凍而不是加冰啊🙅‍♂️唯一不變的是坐位比較迫😅希望這種小店能繼續生存下去，支持用心小店👍🏻

與朋友逛灣仔街市買模型，酷熱的天氣，又未夠鐘食飯，就醒起可以來這裡來個傳統港式下午茶。最要推介的一定是這裡的凍奶茶，因為不是加冰而是把奶茶放入雪櫃，所以凍奶茶不會因為冰溶後而越飲越淡，真的很好。雞批是也是我每次來都必食的！鬆化的批皮，味道得宜的餡料，熱辣辣出爐，超好味！朋友食蛋撻，這兒賣的是酥皮蛋撻，牛油味濃的批皮，也很好味！不過今次的未夠熱，也許是錯過了剛出爐的一刻，但也好味。唯一美中不足的是：這裡的座住設計得很逼，卡位尢其逼，肥大的朋友就要坐得辛苦一點了！

記得之前在湾仔返工時常會來這裏食lunch,自從去了中環返工已經沒有幫襯喇，今天利用一小時嘅lunch時間坐電車去拜訪我非常掛住嘅金鳳，因為lunch時間門口已經有長長嘅人龍，我已經沒有時間等喇，所以就買了十八個推介之一嘅雞批，好野梗係要同同事一齊分享啦，同事食完當然讚不絕口外表同其他雞批沒甚麼分別，但食落皮很鬆化，滿滿嘅牛油味，內裏還有汁，一d都唔乾，正

今日同阿P拍拖，去重建後的利東街參觀一吓。逛完後，阿P帶我去隔離的春園街吃茶餐。雖然我係港島人，但這是我第一次拜訪金鳳這遠近馳名的茶記(於1956年開業)，真是有點慚愧。店子細小，食客超多，好彩我們只等了3公鐘便有位，仲要係卡位...食物由阿P發板，他點了最出名的凍奶茶。聽聞金鳳的奶茶是用金玫瑰紅茶配Lipton錫蘭紅茶，唔怪得茶味可以這樣濃；淡奶採用荷蘭黑白奶。金鳳的凍奶茶是不會加冰的，可以說是無冰奶茶的始祖。熱奶茶相對沒凍奶茶出色。雞批是這裡的必食pastry，我們剛巧碰到新鮮出爐的時間，所以雞批上枱時非常燙手。雞批的批皮牛油味極重，非常鬆化，基本上只需輕輕一碰，這批皮會散開，所以吃金鳳的雞批，必須極温柔。菠蘿包亦是名物之一，我們沒加牛油，因為要留肚吃晚飯。菠蘿包微暖，酥皮好脆，size好大，包身有點乾，我諗加牛油應該會好味啲。埋單$51元，環境算乾淨企理。服務態度OK喎，起碼無不奈煩。

各式港式批餅中，我最喜歡就是蛋撻和雞批。這日趁來到灣仔，便與朋友走到金鳳嘆個港式下午茶。這個週末下午，人客不算太多，不用排隊便可直入，我們倆更可以獨佔了一張4-5位的小圓檯。相比平日早餐和午市的擠逼情況，這次以在金鳳來說，真是坐得很舒服了。 先說雞批($10)，香脆批皮帶頗重的牛油香，而餡料有雞肉，火腿絲等，味道鹹中帶點甜。食完一隻，大滿足。 金鳳的無冰凍奶茶一向是這裡另一招牌。可是這日我杯凍奶茶($18)的茶味很淡。朋友的熱奶茶($16)亦同樣味道淡淡的欠茶香，真令人失望，希望只是一次失手吧。離開時剛好有一盤菠蘿包出爐，可惜吃不下了，唯有下次再吃吧。

有日經過金鳳, 又有些肚餓, 正! 理直氣壯食返個肥爆雞批!很喜歡金鳳雞批, 雖是雞批, 但不大油膩.因外賣, 起初還以為已經凍了, 但35分鐘後先食, 個底仍微暖!不錯!不錯!

早上同老友行經灣仔,順便去試下期待已久的無冰涷奶茶叫左一個早餐C,有火腿奄列,菠蘿油,跟涷奶茶,另外散叫左個雞批火腿奄列好足料,蛋煎得幾滑,火腿份量多,食完已經6~7成飽菠蘿油未能趕及係出爐果下,所以上來果陣已經唔係好熱,食落味道ok,一大舊牛油咬落去都幾香雞批都唔係剛出爐,食落就冇乜特別感覺最後出場的就係今次去金鳳的目標 - 無冰涷奶茶茶味好夠,飲落無冰味的感覺真係正好多

講起出名茶餐廳 好多人都會話灣仔金鳳係其中之一, 如是者 我一路都抱住想試既心態, 終於有機會落灣仔而俾我試到...入到想比想像中細...空間非常狹窄....所謂4人台一點兒都唔似4個人坐...如果跟餐單上既來叫..基本上放唔落咁多野..好彩今次係2個人..叫了2個早餐.腿通+沙嗲牛烏冬..有煎蛋+甜餐包..但個包凍既...通粉 烏冬都好普通...食唔出有咩特別...另外叫了雞批..幾好味..但好細隻..反而要讚服務幾好..伙計落單都會同人客吹水講笑. 雖然睇落好似冇禮貌..但其實多了一份真..多種親切感..唔一定下下係人客面前點頭 唔該前唔該後就得既!

星期六TEA壽星女話黎金鳳就金鳳喇, 要等位, 兩位好快, 不過真係好迫, 好驚對面既人食麵會彈到我, or the other way round 原本我地只係叫菠蘿油X2+凍奶茶X2+雞批, 點知朋友越食越想食, 見到餐其實係可以包凍奶茶、菠蘿油仲有公仔麵同OMELETTE就要求轉餐, 點知個女店員大大聲話『轉返餐? 唔得個喎!!』我朋友同我講『呢d野你自己話既遮』 佢可能聽到我地呾講就即講『幫你問下啦』之後我地轉到餐, 要多個公仔麵同OMELETTE- 菠蘿油：呢個係今個tea最好既食物，剛出爐，所以菠蘿油一放入去就開始溶- 凍奶茶：唔得！好稀！（點解冇人complain?!）仲搞到我o個晚訓唔著！飲可樂好過- 公仔麵：我食雪菜肉絲，朋友食五香肉丁，兩個都淨係ｄ料有味，食完一啖麵就唔想食，幾辛苦先食淨一啖- 火腿OMELETTE：唯一comment係幾咸- 雞批：一般，比想像中遜色，starbucks正好多total $67 大部份食物都令我失望

29/11/09 (星期日)今日要去灣仔辦事，辦完事之後，見尚有時間就想入去這間人氣茶餐廳飲番杯奶茶食番件雞批，順便休息下。點知行到門口，見到四圍都人頭湧湧，好多人排隊等位，所以就改為買外賣。凍奶茶($14)： 凍奶茶是鎮店之寶，無冰，奶茶全是預先放入雪櫃雪凍，不會因為加冰而令茶味减淡，凍奶茶入口又香又滑，夠香濃，有水準。雞批($6.5)： 新鮮出爐，熱辣辣，雞批料多，又香又鬆脆，非常好食。

這頭說不再來, 那頭去開做 facial, 行開這邊, 見到人手一個雞批, 忍不住又走了來買番個。今次有雞批了, 坐入店入吃吧。淨吃不叫飲品位位加 $10, 所以雞批 ($6.5) 之外我還要了一杯熱奶茶 ($12)。 雞批不是新鮮出爐自然是不熱的了, 不過曲奇批皮色澤金黃, 夠哂厚身, 質地也夠脆, 像是吃餅乾的感覺; 餡料相對地不多, 只有少少雞肉和火腿, 忌廉汁也不多。批皮頗得我心, 比上次的蛋撻好吃。只是要吃爆汁或多料的雞批的話, 便不必考慮這裡。熱奶茶乃一般貨色, 恕我愚昧, 喝不出跟近日喝過的無數杯奶茶的有啥分別, 還是覺得凍奶茶抵喝一點, 雖然貴 $2 但比較大杯, 始終是名物嘛。今次嬸嬸又幾好招呼喎。要試的東西都試過了, 總算可以給這裡 close file。

睇完Openrice有咁多人俾smile,所以就黎呢度試下,一坐底雞批就啱啱出爐喇!即刻叫返個試下,熱辣辣!!!個批好鬆化,好香牛油味,比我之前食過既甜,同個餡好夾,都幾濃味~但係好奇怪,話就話係火腿雞批,不過我好似完全食吾到雞,雖然如此,我仍然覺得值得再食^^我都有叫凍奶茶,叫左少甜,原來少甜會加冰所以無咁好飲,下次一定要再試,因為我朋友個杯好好飲

回歸日，灣仔的大街小巷都擠得水洩不通，但絕不減我與友人到金鳳朝聖的熱情。四時多，餐廳堆滿了食客，很不容易找到個卡座，看看餐牌，可能是名店的關係，價目偏貴，熱飲 $12，凍飲 $14，雞批 $6.50，若是好吃，多付一點也無所謂， 兩人要了招牌雞批，冷熱奶茶各一杯。雞批暖暖的，香味隨風飄來，帶著牛油與麵粉結合後的變奏，酥皮的質感像幼泥沙，輕輕送到嘴邊，一碰即散，餡料沒有蛇竇的烚蛋角，火腿、雞粒、洋蔥等，調味剛好，不會過鹹，成為金鳳的招牌食品，果然名不虛傳，賣 $6.50 一個，也是值得的。熱奶茶茶味香而不過濃，奶與茶的比例很好，而凍奶茶是無冰的，但茶味卻不及熱的好。可能當日自己好運，除回歸日賽馬贏了小少外，在金鳳的招呼不如食評的差，是一般茶餐廳的質素，但雞批、奶茶是真的很強。

上週四與友人因晚上要在灣仔學整月餅，大約六時便到金鳯吃晚飯。坐卡位，兩人叫了兩個餐。這裏的茶餐或午餐都是由上午十一時供應至下午七時。唔知係咪因為佢營業至七時呢？我點的餐有雪菜肉絲米、餐包、熱桔蜜（＄２３）。朋友點了沙爹牛通、餐包、凍奶茶（＄２5）。我們還點了一個雞批（＄６．５）。本來餐包可以揀菠蘿包，但由於售罄，只得牛油三文治。眼見很多顧客一入黎就要菠蘿包，可見受歡迎程度。由於已經是六點幾，只剩雞批、椰撻、蛋撻，選擇不多。餐的食物，我覺得好普通，一般的茶餐廳貨色。不過，我蠻喜歡熱桔蜜，甘甘地，又甜甜地，幾好飲。雞批幾好味，唔會好乾，皮夠薄，不過如果係新鮮出爐熱辣辣仲好。友人試凍奶茶，冇想像中咁好飲。不過，沒有冰，一早沖定之後放入雪櫃雪凍都夠透心涼。