金鳳茶餐廳

Open Now

Now Closed

上週四與友人因晚上要在灣仔學整月餅，大約六時便到金鳯吃晚飯。坐卡位，兩人叫了兩個餐。這裏的茶餐或午餐都是由上午十一時供應至下午七時。唔知係咪因為佢營業至七時呢？我點的餐有雪菜肉絲米、餐包、熱桔蜜（＄２３）。朋友點了沙爹牛通、餐包、凍奶茶（＄２5）。我們還點了一個雞批（＄６．５）。本來餐包可以揀菠蘿包，但由於售罄，只得牛油三文治。眼見很多顧客一入黎就要菠蘿包，可見受歡迎程度。由於已經是六點幾，只剩雞批、椰撻、蛋撻，選擇不多。餐的食物，我覺得好普通，一般的茶餐廳貨色。不過，我蠻喜歡熱桔蜜，甘甘地，又甜甜地，幾好飲。雞批幾好味，唔會好乾，皮夠薄，不過如果係新鮮出爐熱辣辣仲好。友人試凍奶茶，冇想像中咁好飲。不過，沒有冰，一早沖定之後放入雪櫃雪凍都夠透心涼。