二鍋頭 (好運中心)

Open Now

Now Closed

讚：晚市有4款不同的煲可以先吃 （酸菜魚、麻辣雞煲、黑椒豬手、火焰牛尾），一次過滿足唔同願望。但由於時間和食量關係，我們只試了魚和雞，魚是略淡但雞得惹味。另一個值得讚的是吃完煲後可以重新大款湯底打邊爐。彈：火鍋配料質素一般，牛肉令人失望，菜的新鮮及乾淨情度也有待改善。

今晚又黎食任食雞煲，呢期仲有火焰牛尾煲都好正。火焰煲同以往一樣淋上玫瑰露再點火，真係好鬼香；個雞煲正正路路，最緊要任食，食完仲有火鍋確係抵嘅。食個中價「嚴選安格斯牛」餐，$268，好多款肉同海鮮，飲品、雪糕任食嘅款或無咩點變，今晚叫左個清熱湯底，芫茜皮蛋，清清地，個餐包嘅安格斯牛板腱、安格斯封門柳，食落都ok，都有啲肉味；花枝片、活海蝦、活海蜆、鮮鯇魚腩、脆鯇魚片、墨魚滑勝在款式多幾新鮮。自助區嘅丸類、蟹柳、腸、菜、菇都有好多款，食得飽價錢唔貴，可以過哂雞煲、火鍋癮，希望呢間店堅持到質素。

同媽咪黎食呢間任食煲，媽咪都話抵。有幾款煲任食，仲可以揀湯底食火鍋。牛尾煲係最好味，食落好似牛腩咁入味，牛尾好香同埋好大嚿。雞煲都好惹味嘅，仲有豬手煲但我無食到因為要留肚食火鍋～湯底係鷓鴣湯，店員建議我哋打邊爐飲一啖，好補㗎喎～我地食嘅係中價嘅安格斯牛餐，有封門柳、鵝腸、花枝片、鱔片、滑牛，全部都幾新鮮乾淨。其他好似唔同嘅丸同菇、菜、飲品、甜品都任食嘅，可以食得暢快。雪糕有幾款好好食，芝麻味同埋咖啡味都香，榴槤雪條都好食，好濃榴槤味又滑。

回頭再幫襯嘅抵食嘅呢間係其中一間，今次見沙田有新舖，食個中價「嚴選安格斯牛」餐。肉嘅選擇夠哂食，因為飲品、雪糕任食；最正係火焰鴛鴦鴨煲、雞煲、鴨椒豬手煲都任食呀嘛。火焰鴛鴦鴨煲係用玫瑰露再點火，個煲香噴噴有蠟鴨有鴨件，雞煲就用自己調嘅特製醬汁，都好惹味，今次無食豬手煲，留肚打邊爐。加湯要左藥膳湯底，叫左安格斯牛板腱、安格斯封門柳、花枝片、活海蝦、活海蜆、鮮鯇魚腩、脆鯇魚片、墨魚滑。牛板腱質素幾好，有纖維感但唔會太韌；封門柳encore左3次，夠淋；海蝦、活蜆普通size勝在夠新鮮，其他都不過不失。自助區同其他場一樣，丸呀、蟹柳、腸、山根之類，燒賣都有，菜又有幾款，任飲嘅飲品都多種類嘅，沙田區少有呢類抵食雞煲。

🌕Hello我係Moon🌕依間餐廳嘅分店，😛我喺旺角同埋尖沙咀都有食過，今次第一次喺沙田分店食！😙同朋友仔喺沙田shopping完之後行到去好運中心見到有一間好熟悉嘅餐廳，🫣原來係新開張嘅分店！😌一樣都有雞煲鴨煲豬手煲放題，🤤我哋派咗一陣隊就有得入去食啦，😝晚市時間呢就真係座無虛席，🫣去到7點8點更加係要排長龍，😆睇嚟下次如果想食都要訂枱先得！🫢一坐低就梗係嗌咗一個雞煲先啦，😚雞煲可以自己選擇辣度，😆我同朋友就揀咗小辣！🫢味道非常開胃，而且好入味，🥰雞肉都好嫩！😏雞煲之後，就係火焰鴨煲，🤭呢個真係夠晒視覺衝擊！😤鴨煲會由店員點火，😆呢個時候就真係要打卡啦！😎鴨肉好香，🤓個人比較鍾意佢哋嘅鴨掌！😛嗦晒啲汁更好味！😚火鍋湯底選擇有好多，😏我就揀咗經典嘅豬骨湯底！🫣呢個安格斯牛放題，有唔同嘅牛肉部位食到！☺️手機落單非常方便！😍安格斯封門柳、安格斯牛板腱，🤪都係非常新鮮，😝而且肉味好濃！😏筋位唔多，係啖啖肉嘅享受！🤩美國牛胸腹就傾向食佢嘅油脂香，😚沾少少醬料更提鮮！🥳除咗可以手機落單，😙仲可以行到去自助佢自己夾！🥰佢哋嘅選擇都幾多，😚而且補充嘅速度都好快，😚所以唔驚會冇晒！😛🌕最後MoonMo

沙田好運中心裝修後煥然一新，多咗不少人氣餐廳進駐，原本總店在尖沙咀的二鍋頭也來開了分店，還獨有午市90分鐘火鍋放題呢。今日五點去到，還未有人龍，就入去選了120分鐘的晚市火鍋放題。晚市放題包3款煲和ABC3款火鍋任食套餐，性價比極高。3款煲是雞煲、豬手煲和鴨煲，你可以一煲接一煲地食曬三款，也可以一煲都唔食直接進入打邊爐環節。我和友人先叫了雞煲，半份，少辣，走雞腳。叫半份最明智，可以留肚食下一煲。雞煲好惹味，店員會幫手用芫荽炒熱炒香，然後就可以開動了。雞煲後我們轉了個豬手煲。豬手本身已炆腍，再用黑椒和京蔥炒香，比雞煲更好食。鴨煲還是留待下次吧，我要打邊爐了。選了B餐【嚴選安格斯牛】（$268），湯底選了胡椒豬肚湯。B餐的性價比是最高的，除了多了安格斯牛板腱和安格斯封門柳任食外，還有我的至愛：白鱔片任食！兩款安格斯都軟腍有肉味，白鱔片新鮮，灼熟後彈牙甘香。我不是食幾片，而是食幾碟！正如其它任食火鍋一樣，還可以自行到雪櫃取其它火鍋配料和蔬菜，還有飲品和雪糕。