二鍋頭 (好運中心)

Open Now

Now Closed

回頭再幫襯嘅抵食嘅呢間係其中一間，今次見沙田有新舖，食個中價「嚴選安格斯牛」餐。肉嘅選擇夠哂食，因為飲品、雪糕任食；最正係火焰鴛鴦鴨煲、雞煲、鴨椒豬手煲都任食呀嘛。火焰鴛鴦鴨煲係用玫瑰露再點火，個煲香噴噴有蠟鴨有鴨件，雞煲就用自己調嘅特製醬汁，都好惹味，今次無食豬手煲，留肚打邊爐。加湯要左藥膳湯底，叫左安格斯牛板腱、安格斯封門柳、花枝片、活海蝦、活海蜆、鮮鯇魚腩、脆鯇魚片、墨魚滑。牛板腱質素幾好，有纖維感但唔會太韌；封門柳encore左3次，夠淋；海蝦、活蜆普通size勝在夠新鮮，其他都不過不失。自助區同其他場一樣，丸呀、蟹柳、腸、山根之類，燒賣都有，菜又有幾款，任飲嘅飲品都多種類嘅，沙田區少有呢類抵食雞煲。