鮮一夜火鍋 (Closed)

又係男友帶去試菜今次係通過APP網上訂座，食指定套餐，包雞煲同任食火鍋，仲送一堆前菜去到餐廳，店面非常闊落，基本以卡位為主，坐得好舒服，仲有個細架俾客人放火鍋配料調味料種類多份量足，任你自由配搭適合自己嘅『混醬』飲品同綠葉蔬菜可以自己任拎決定好套餐之後，好快就開始上菜前菜居然係鵝掌、鮑魚、花膠湯同刺身而且味道仲相當不俗，頭炮已先聲奪人 鵝掌鮑魚夠淋夠入味，花膠湯都多料又唔會好稀好淡，刺身有5款，墊冰上夠新鮮，每款都好鮮甜雞煲調味好惹味，算多肉，令人食唔停口掃清雞煲後，就係火鍋上場時間任選一款湯底，仲送一客安格斯牛肉及海鮮拼盤，仲有好多任食配料揀難得一場嚟到，揀咗比較特別嘅養生藥材湯底果然不得了，大大一煲，兩大塊骨，好足料嘅中藥，成個湯底好重藥材味，果然無欺場！然後任食火鍋料，ENCORE咗幾次秋葵&三文魚頭材料都幾新鮮，每碟份量都細細地，啱啱夠人頭分，等食客可以試多啲唔同嘅材料，幾好！網上訂座9折優惠，變相免加一每人$268，其實都算幾抵食，推薦大家可以去試吓，幾唔錯~

朋友生日試新嘢， 一行四人第一次嚟到荃灣鮮一夜火鍋， 呢度真係好驚喜好多嘢食， 雞煲，刺身，海鮮，花膠，鮑魚乜都有 餐廳地方都好寬敞，梳化卡位亦都坐得好舒適！ 我哋一坐低就點左一夜皇御套餐268蚊一位， 套餐包括紅燒花膠翅， 掌上明珠併糖心靚鮑魚，五色刺身拼盤，雞煲， 跟住我哋叫咗個杏汁豬肺鍋， 包海鮮拼盤&安格斯肥牛! 仲有幾十款火鍋配料任食 ，啤酒汽水任飲， 糖水雪糕都係任食！一坐低店員會送上紅燒花膠翅& 掌上明珠聽唐心靚鮑魚， 花膠翅真材實料， 鮑魚鵝掌炆得好入味！跟住就倒刺身喇， 有希靈魚，三文魚，赤蝦，北寄貝，帶子， 刺身好新鮮，四人份量啱啱好然後到雞煲出場， 有幾種辣味可以選擇， 我哋叫咗微辣，雞煲都做得好出色！海鮮拼盤方面會因應當日嘅人數安排份量， 有生蠔 ，螺片 ，蝦， 蜆，貴妃蚌！杏汁豬肺窩入面有好多豬肺，湯底都非常清甜 我哋未開始打邊爐已經每人飲咗一碗！安格斯肥牛肉質嫩滑有好濃郁嘅牛肉味道火鍋配料任食超值嘅火鍋推介，飲飽食醉既一晚， 店員還送給我們一支白酒，非常開心啊！ 性價比超高嘅火鍋餐廳！

每到糧尾大家出黎食飯總想以經濟行先, 但又乜都想食d, 好彩比我搵到間可以一次過滿足晒朋友需要既餐廳!! 呢度二百幾三百蚊, 又有鮑蔘翅肚, 又有刺身, 又有雞煲, 仲有埋打邊爐, 而且啤酒同飲品任飲的, 真係唔係甘多地方可以一次過食到甘多元化既野食呀~~呢度既醬料都好多選擇, 重點係無另外收費的~~呢個紅燒花膠翅都算足料, 非常鮮甜~ 掌上明珠併溏心靚鮑魚賣相都唔錯, 雖然不是什麼名貴鮑魚, 但口感都不錯都幾彈牙~~五色刺色有赤蝦, 帆立貝, 三文魚, 希靈魚同北寄貝, 望落色澤都幾靚同幾新鮮, 食落都鮮甜同肥美, 始終不是日式餐廳, 算係甘呀~~ 之後送來雞煲, 由於唔食芫茜蔥既關係, 所以全走了!! 雞件數唔算太多, 肉質唔算太滑但勝在幾入味, 食落好惹味呀~~ 安格斯肥牛不過不失啦~~打邊爐主角一定係海鮮併盤呀!! 有蝦, 蠔, 貴妃蚌, 大蜆同象拔蚌, 每樣都好新鮮, 特別係貴妃蚌又夠大隻, 肉質夠鮮甜同彈牙, 真係想食多一盤呀~~我地揀左藥膳養參湯底併杏汁豬肺湯底, 雙併湯底另加HK$30, 兩個湯底都好足料呀!! 藥膳養參湯底傳出陣陣藥材味, 飲落藥材味道好濃郁, 而杏汁

冬季快要來到, 好像要吃一點暖笠笠的東西, 火鍋最好不過, 說到荃灣區, 大鴻輝中心絕對是美食雲集, 晚市時段, 地下總是大排長龍, 早早經過, 有店員派發傳單說是新開火鍋, 有花膠魚翅又有海參鮑魚食, 一個價錢任食任飲, 就衝上去試試看 餐店顏色用上Tiffany Blue,迎合年青人, 裝飾將新淨光猛, 從21/F 可望到荃灣舊區風景, 別有一番風味坐下後, 先奉上養顏花膠翅燉湯, 熱呼呼的, 每碗都有花膠魚翅, 湯底濃郁帶點杰身 其後海參鮑魚(位上), 鮑魚細細粒但炆得夠腍, 海參質地爽口軟滑, 沾上碟邊醬汁更惹味刺身拼盤(三文魚/ 三文魚腩/ 希靈魚/ 北寄貝/大蝦/ 帶子, 每款刺身有質素, 新鮮肥美, 餐牌上沒有提供三文魚腩, 但拼盤內竟然出現, 極為肥美餐店飲品款式選擇多, 自家製涼茶, 其中冬瓜茶喝了兩杯, 味道不算太甜, 還有調味料/ 以及湯底, 蔬菜都是自取, 更有自家製糖水, 番薯糖水, 不過略為偏甜, 建議加多點老薑火鍋前每檯先提供一鍋雞煲, 自選辣味, 雞煲已預先煮熟, 加熱便可進食, 由於友人不能吃太辣, 這裡的小辣, 味道不會太重, 雞肉份量適中, 不能添