鮮一夜火鍋 (Closed)

朋友生日過嚟打邊爐，又過左嚟大鴻輝食嘢，呢間野唔係好多人，見到係座唔滿，反而可以舒舒服服咁傾計，我哋叫左個鮮味之選海鮮套餐，入面有蒸扇貝、蒸蜆、刺身拼盤、蟹子沙律、牛脊肩，其他嘢就任叫，啤酒汽水任飲！佢送呢一set野真係好唔錯，蒸扇貝好鮮甜美味，刺身好新鮮，蟹子沙律都好味，啲蔬菜夠新鮮！二百零蚊一個人其實有呢啲送真係好抵，其他火鍋配料例如牛肉，丸味道都唔錯，嘢飲選擇好多， 上碟速度都快，可以下次再嚟！

又係男友帶去試菜今次係通過APP網上訂座，食指定套餐，包雞煲同任食火鍋，仲送一堆前菜去到餐廳，店面非常闊落，基本以卡位為主，坐得好舒服，仲有個細架俾客人放火鍋配料調味料種類多份量足，任你自由配搭適合自己嘅『混醬』飲品同綠葉蔬菜可以自己任拎決定好套餐之後，好快就開始上菜前菜居然係鵝掌、鮑魚、花膠湯同刺身而且味道仲相當不俗，頭炮已先聲奪人 鵝掌鮑魚夠淋夠入味，花膠湯都多料又唔會好稀好淡，刺身有5款，墊冰上夠新鮮，每款都好鮮甜雞煲調味好惹味，算多肉，令人食唔停口掃清雞煲後，就係火鍋上場時間任選一款湯底，仲送一客安格斯牛肉及海鮮拼盤，仲有好多任食配料揀難得一場嚟到，揀咗比較特別嘅養生藥材湯底果然不得了，大大一煲，兩大塊骨，好足料嘅中藥，成個湯底好重藥材味，果然無欺場！然後任食火鍋料，ENCORE咗幾次秋葵&三文魚頭材料都幾新鮮，每碟份量都細細地，啱啱夠人頭分，等食客可以試多啲唔同嘅材料，幾好！網上訂座9折優惠，變相免加一每人$268，其實都算幾抵食，推薦大家可以去試吓，幾唔錯~

星期天和爸爸弟弟到鮮一夜晚飯，當天下午訂枱，去到不用等位，還有窗邊卡位坐，地方濶落舒適。我們點了一夜皇御套餐。1. 紅燒花膠翅 : 食到少少翅邊，湯就煮得比較杰。2. 野生竹笙拼溏心靚鮑魚 : 鮑魚雖然細隻，不過入味夠諗，合我口味，竹笙爽口，配搭不錯。3. 五色刺身拼盤 : 三文魚肥美、帶子鮮甜，甜蝦、北寄貝和希靈魚我就沒有食了。4. 即炒奇妙雞煲 : 其實上枱時已經全熟，叫了小辣，可以接受，不過太鹹，雞肉亦比較乾和"鞋"。5. 安格斯肥牛 (送一碟) : 我覺得比較韌，爸爸和弟弟都認為幾好食。6. 航母海鮮拼盤 (送一碟，每天5-7款): 今次包括蠔、蜆、蝦和蚌，全都新鮮好食。7. 湯底選了雙拼 (加$30) - 蕃茄薯仔湯 :  好酸，雖然見到少少蕃茄，但感覺像是茄汁加水調配出來，後悔點了這湯底。- 藥膳養身鍋 : 味道不錯，可以一試。8. 任食火鍋配料分5大項目 :- 精選鮮肉類 : 豬牛雞腸仔蟹柳都有，推介豬頸肉。- 生猛靚海鮮 : 我們只點了炸魚皮、脆肉鯇、基圍蝦和白鱔片，除了白鱔片外，其餘都不錯。- 特式肉丸類 : 我們只點了手打墨魚滑、老油炸鬼和菠菜腐皮卷。老油炸鬼比較硬

朋友生日，難得一聚諗住開開心心食一餐，諗住係得呢楝大廈應該都唔會差得去邊啦！點知我覺得伏伏伏（重要事情要講3次）我地叫左268一夜皇御套餐，樓下好多間都係1xx任食2.5小時！好食我就唔介意呢個價錢！但我食落d野仲差過樓下個間！一開始食雞煲，d雞全部都係頭尾位！搵唔到一舊雞胸雞脾！小辣係無味架！海鮮唔新鮮，話有90款野食揀，我睇張紙數唔到有90款囉！叫打邊爐d食材好普通，唔太多野揀，叫左好多都無黎到！結帳時本身有85折都無俾到！收左原價！我仲要要走左先發現！唉！自己太大意喇！d員工態度好差，尤其是係男人個班，可能佢係老闆！仲要無得俾信用咭！依家咁普遍都無！唔怪得門外無人等位啦！

忙左一星期，終於黎到happy friday,朋友揀左呢間興祝生日。係樓下排左半個鐘，上到去無咩人既，心諗會唔會又伏左。坐低之後，即係叫左個268餐。因為實在太肚餓。唔夠5分鐘，翅同鮑魚都到了。個翅有鮮味，鮑魚入口即溶。好好味！再黎個雞煲，隻雞好滑，我鍾意佢濕濕地，唔乾。食完雞煲轉打邊爐。叫左個沙爹湯。佢個沙爹湯好搞笑，一d都唔油，係淡左d⋯⋯海鮮拼盤尚可，牛肉就無咩味。響鈴都可以，比較少油。感覺上呢間火鍋比較走向健康為主。

本身唔係想食呢間但另一間太爆 係open rice search到 就黎試下$268加一 飲品都多 仲有涼茶一開始黎個翅同鮑魚 味道可以 同酒樓差唔多 然後仲有一盤件數跟人頭計既刺身 合格啦一開始食呢d都幾頂胃然後仲有雞煲 可以大中小辣 或唔辣我地揀左唔辣 好好食 炒得好香 d肉唔老唔梅 係斬得樣衰少少其實食完雞煲已經飽一半跟著先開始邊爐 湯底揀椰子雞 好香但唔膩跟手有盤安格斯肥牛 同一個海鮮拼盤都高質既 只有一盤 然後叫埋其他火鍋料好飽 如果本身唔大食 唔建議叫呢個套餐佢可以就咁揀邊爐 228加一不過$268會食得開心d囉建議叫多d人一齊去食

一向鐘意食放題既我，今次有朋友推薦，當然要試試！店中套餐包含刺身拼盤、鮑參翅肚、雞煲、海鮮拼盤和任飲任食火鍋，而鮑參翅肚的處理絕不馬虎，燉煮六小時，味道香濃。雖然食物睇落去係貴價貨，但每位只需$268，實在物超所值。湯底濃度高！海鮮鮮甜，新鮮！驚喜中式菜，入味，足料

係openrice到book位，食一夜皇御套餐二9折，其實姐係免加一。不過其實可以唔洗揀(不過阿姐話openrice訂台唔得揀其他套餐喎)。睇返佢個廣告個海參變左鴨腳真係得啖笑😂雞煲唔入味，所以其實可以食228個餐就ok。任飲任食方面野食唔多選擇但有啤酒任飲，不過同一個商場入面有好多更抵食同好食既選擇。

又雞煲，又火鍋，又刺身，又鮑魚，完全啱哂我哋胃口～溏心鮑魚配鴨掌，係一人一份㗎，十頭鮑魚入口軟腍，無牙都食得嗰種，鮑汁好入味～花膠翅湯，亦係一人一碗，滿滿都係厚身花膠，好滋補。火鍋之外，亦有刺身拼盤送埋喎，三文魚、帶子、赤蝦、希靈魚、北寄貝，新鮮度有日本餐廳水準，抵讚～👍🏻先辣後麻，少少辣，多多麻香，超惹味雞煲，換煲打邊爐，又每人送安格斯牛肉～仲有時令海鮮拼盤，基圍蝦、沙白、生蠔、鮮鮑魚、貴妃蚌、帆立貝，職員話全部都是新鮮即劏～😋蔬菜、飲品、雪糕糖水自取區任拎～🤩

約了朋友來這家試試，做得也算舒服。食店有三個套餐可選，我們就選了228套餐。裡面包刺身，刺身頗新鮮，厚切三文魚非常鮮甜。套餐還有粉絲蒸聖子和花甲，濃濃的蒜香味，海鮮也非常鮮甜。吃了一點以後，想不到又來了一點花甲，這是意料之外的。火鍋食材是任選的，種類算多，食材新鮮度就一般。有些食材也沒有到。肉類算是不錯，可是豬潤就不太新鮮，不知道是不是醃料的問題，有點甜。蔬菜飲料是自取的，飲料種類繁多，算是不錯。蔬菜不是太新鮮，有點失望。整體來說，這裡算是抵食。

13/7/2018 book13位，點左一夜皇御套餐，其實價錢吾算乜問題，但食物品質同服務真系麻麻地，第一：花膠翅，味淡冇質感，懷疑溝多左水；第二：鵝掌鮑魚，一樣系冇味，鮑魚直頭吾入味；第三：刺生併盤，雪味重，份量又小，每人每樣食一件；第四：雞煲，份量小，冇得添，要添要加錢，啲雞煮得冇味又吾夠汁，仲要鞋口；第五：打邊爐，後加湯底溝淡原本嘅湯底，送果個航母海鮮併盤得，蜆同貴妃蚌，仲有基圍虾，全部下價野，又吾覺有乜咁航母級，仲要每人得一件，不過基圍虾有得再添，牛肉冰鮮左，冇乜牛味，又吾系手切，好心吾好話乜安格斯啦，其他火鍋配料都好一段同吾夠鮮；第六：服務，上菜慢，但今晚已經吾爆，食完雞煲轉火鍋超耐，起馬有10分鐘以上，清枱又慢，叫職員攞兩對公筷，結果No show，最後要食自己，總結呢間野真系屎坑關刀，乜都吾掂，冇下次咁囉

其實見餐廳都正正常常，以為OK。點知食完個雞煲，點火鍋料，等左好耐都未到...都其實等左超過60分鐘。期間催過2-3次，但服務員一路叫我地等等。點知最後一次就過來同我講，無見過我地張單，再畫過...好啦，再畫，咁嘢食大約30分鐘內送上黎... 跟住剛剛開始碌火鍋料，就叫我埋單，仲有15分鐘咁就要離開，肩無last order! 因為只可以坐2.5小時... 大佬！你自己甩單不在話下，仲要趕人走，最後又話俾多半個鐘，但實際我地18:30入座， 2045你地已經好絕情趕人走，21:00嘢未食完就執台 問都無問過，前前後後我係坐足2.5小時，根本無你所講咩比多半個鐘。另外你地自己甩單，搞到我地要再落單，嘢食到未開始食飽就趕人走。未試過咁無情，你地漏單 我已經三催四請問過你跟進，結果就係話俾我知道漏單再畫，嘢食到又無比翻多少少時間食就執台梗硬趕走，一定不要再去！

上網見到鮮一夜火鍋放題，食火鍋放題有十頭糖心鮑魚都是第一次見，最是令我心動，於是訂了位，與朋友一斉去食那豪華的火鍋放題。餐廳位於21樓，可以俯瞰附近景色，裝修清雅，湖水藍顔色的整齊卡位，令人倍覺醒神。一夜皇御套餐$268。Part 1 (非任食)紅燒花膠翅，掌上明珠併溏心靚鮑魚，五色刺身併盤，即炒奇妙雞煲。被溏心鮑魚吸引而來的十頭溏心鮑魚肉質軟淋帶溏心，鮑魚味十足，真是意外驚喜。即炒奇妙雞煲值得贊的奇妙雞煲，可選擇大中小辣，嫩滑的雞肉非常入味，真是奇味無窮。五色刺身拼盤有帶子，赤蝦，三文魚，希靈魚，北寄貝。刺身顔色亮麗，非常新鮮，點上介辣鼓油，鮮甜味美。Part 2。(非任食)我們要了個香濃豬骨鍋湯底食火鍋，奶白的豬骨湯底十分清甜。航母海鮮拼盤有象拔蚌，生蠔，貴妃蚌，蝦及蜆。各樣海鮮都非常新鮮甜，濃厚的豬骨湯底令海鮮味道更進一層。安格斯肥牛每次火鍋，肥牛都會是主打，鮮一夜與平時食的牛肉有不同，除顔色亮麗外，肉味感覺特別的濃厚。食完非任食的Part 1 及Part 2，另外還有任點任食的60多款火鍋配料。包括有我喜愛的肉類 牛柏葉，美國肥牛，鮮豬潤，鯇魚腩，鮮魚頭 及脆肉鯇.......

這一段時間都食了很多放題火鍋，要數美味又豪華的，鮮一夜火鍋莫屬。鮮一夜食材新鮮又美味，那豪華軟腍的十頭溏心鮑魚，十分清潤茲補的紅燒花膠翅，即炒奇妙雞煲.....真是令我覺得回味又難忘。餐廳裝修清雅，整齊的卡位，湖水藍的顔色，令人感覺舒適愉悅。餐廳有三個任飲任食套餐一夜難忘宵夜套餐$148。有蒸鮮之選套餐$228我們選擇了一夜皇御套餐$268。隨餐附送的有紅燒花膠翅十分清潤茲補，掌上明珠溏心鮑魚，五色刺身拼盤，即炒奇妙雞煲。五色刺身拼盤有三文魚，帶子，赤蝦，希靈魚，北寄貝。航母海鮮拼盤，安格斯肥牛。真是十分豪華及吸引。十頭溏心鮑魚肉質軟淋，先上的是紅燒花膠翅，十分清潤茲補，花膠有大量骨膠原，男女適合，女仕尤爲喜愛。豪華的掌上明珠溏心鮑魚，真是甚𤔡吸引及期待。鵝掌非常腍滑，溏心鮑魚軟腍，鮑魚味濃郁，豪華之餘又美味，真是極贊。五色刺身拼盤有三文魚，帶子，赤蝦，希靈魚，北寄貝。其中希靈魚，非常爽口，口感有點像食明太子。即炒奇妙雞煲可選擇辣度，嫩滑的雞肉，沾著濃郁的秘製雞汁，真是既真是既入味又惹味。食完雞煲後我們選擇了香濃豬骨鍋湯底食火鍋，湯底豬骨味濃航母海鮮拼盤有爽口的象拔蚌，鮮甜生蠔，大大隻

朋友生日試新嘢， 一行四人第一次嚟到荃灣鮮一夜火鍋， 呢度真係好驚喜好多嘢食， 雞煲，刺身，海鮮，花膠，鮑魚乜都有 餐廳地方都好寬敞，梳化卡位亦都坐得好舒適！ 我哋一坐低就點左一夜皇御套餐268蚊一位， 套餐包括紅燒花膠翅， 掌上明珠併糖心靚鮑魚，五色刺身拼盤，雞煲， 跟住我哋叫咗個杏汁豬肺鍋， 包海鮮拼盤&安格斯肥牛! 仲有幾十款火鍋配料任食 ，啤酒汽水任飲， 糖水雪糕都係任食！一坐低店員會送上紅燒花膠翅& 掌上明珠聽唐心靚鮑魚， 花膠翅真材實料， 鮑魚鵝掌炆得好入味！跟住就倒刺身喇， 有希靈魚，三文魚，赤蝦，北寄貝，帶子， 刺身好新鮮，四人份量啱啱好然後到雞煲出場， 有幾種辣味可以選擇， 我哋叫咗微辣，雞煲都做得好出色！海鮮拼盤方面會因應當日嘅人數安排份量， 有生蠔 ，螺片 ，蝦， 蜆，貴妃蚌！杏汁豬肺窩入面有好多豬肺，湯底都非常清甜 我哋未開始打邊爐已經每人飲咗一碗！安格斯肥牛肉質嫩滑有好濃郁嘅牛肉味道火鍋配料任食超值嘅火鍋推介，飲飽食醉既一晚， 店員還送給我們一支白酒，非常開心啊！ 性價比超高嘅火鍋餐廳！