天魔 (Closed)

有fd食過V city地下嘅天魔，讚性價比高。放工近近地就去食下。店員見到我同bff咁迷惘唔知食咩，就好細心問我地想食意粉定包。（一路食原來都好多人遇到咁嘅難題，店員好好咁逐一問佢哋喜好，作出介紹）。最後叫到成枱美食。千層麵伴隨着啲薯蓉，口感豐富。特別好欣賞佢個肉醬調味得好好，有好濃嘅香草味。面頭仲有烤過嘅芝士。肉醬、薯蓉、千層麵比例完美，唔會膩。韓式XXL三文治，非常厚身，唔可以一啖食晒。餡料好足，有香煎午餐肉、椰菜洋蔥蛋餅、火腿、蕃茄、椰菜泡菜沙律、芝士。最特別係蛋餅，喺眾多爽脆嘅餡料入邊，帶出綿綿嘅口感。連椰菜都有兩個煮法，好有心思。由於有好多蔬菜，所以食落清新。雞翼炸得香脆，醬汁base用咗Tabasco，辣辣地惹味。朱古力Brownie口感濕嫩，唔會太甜。飲品方面，BFF點左冬日之選，暖粒粒嘅紫薯咖啡。面頭有一層紫薯粉好粉嫩，飲落淡淡的紫薯味，唔會喧賓奪主。Dirty，咖啡底唔錯，比較nutty。記住飲嘅時候大啖啲，就可以飲到咖啡同埋鮮奶。估唔到呢間細細餐廳對咖啡都好認真、執着。咁有心嘅餐廳，值得再食。

難得先生約小妹行街食飯，選了這間小店，位置在v city一田旁邊，十分易搵！據說餐廳食物很有特色！餐廳食物很多元化，點餐前我一直在心思思選擇「韓式XXL治」，還是「秘製豬肋骨」好。最後因為好奇XXL有幾XXL (另外也想選吃雞翼)，所以點了一客「韓式XXL治」。這份XXL 真的是名不虛傳，不難發現三文治的size比平時的大一倍(小妹食了半份已經有點飽)。餡料豐富，蛋煎得厚厚的，午餐肉、火腿等材料絕不吝嗇，重點是新鮮熱辣地上菜，配上脆度剛好的多士麵包皮，加上適量的醬汁配菜，一啖入口，滋味十足。大滿足呢！雞翼是即炸，配上店主自製的秘製韓式醬汁。表皮鬆脆，肉質保持軟熟，油温必定控制得宜。秘製韓式醬汁也是調較得很適合小妹口味。帶有點酸辣，亦有燒烤醬的味道，感覺十分豐富。套餐價可以半價點咖啡。留意到很多介紹specialty coffee 的黃姜咖啡，所以一試。服務員奉上咖啡時很細心，提醒飲前需要先把咖啡泡沫及面上的黃姜粉攪匀，以免喝得像擦了黃色唇膏。咖啡拉花精美（先生那杯更是一絕）。黃姜味不會辣，與咖啡也非常配合！小妹很喜歡咖啡的濃郁呢！場地不似Cafe打卡熱點，感覺是以特色餐店的角度作招徠。

韓式XXL 治 $56原本以為係似係公司三文治，但係就真係好食多多。雖然都只係最重要克服左公司三文治偏Dry嘅口感。 雖然都係火腿，蛋，蕃茄的材料，但重點係加左泡菜（韓式所在），一嚟就無咁Dry，二嚟就惹味啲。簡單有創意但好食。至尊漢堡 Set $56其實就係牛肉漢堡 lol. 價錢都合理嘅。同埋佢做得好嘅係真係煎香左個漢堡嘅外層，有少少香脆，有種外脆內軟嘅感覺。漢堡包上下嘅麵包層都少脆唔冧🍔半價可以轉expresso coffee…真心高質。收銀姐姐做埋Waitress和brewista.. 但都係hea貨物。隔籬個枱嘅咖啡，佢拉花係天鵝🦢 
Earl Grey Latte。我個Friend唔飲得咖啡，佢都tailor made左杯無expresso shot嘅比佢。

呢間餐廳嘅待客之道幾好，friendly同埋tailor made if possible .

小食都好好味。
Butter Corn唔係M記嘅牛油粟米杯，而係成條粟米一開二咁上。慢煮嘅牛油粟米超入味，係值得推介。

雞翼可能都係慢煮完先炸，所以裡面啲肉好嫩，但外面表皮就好脆。

位於V city一田超市內嘅天魔，主打西式菜同埋咖啡，而且價錢親民。餐廳店面唔大，提供咗幾張小枱俾客人堂食，多數人都係黎外賣。至尊漢堡，內裡嘅手打漢堡超厚又juicy，配上芝士、椰菜、蕃茄、洋蔥等等嘅材料，而且漢堡嘅包非常脆口。韓式XXL三文治，XXL真係超級大件，麵包烘過，餡料都充滿住韓國風，有泡菜、午餐肉、火腿、煎蛋、蕃茄，顏色鮮艷奪目。Specialty Coffee，有雲呢拿同攻瑰味，今次揀咗雲呢拿，味道會比較甜。另外亦都點咗Latte，咖啡好香滑濃郁，拉花都做得好有心思，非常優質！最後仲點咗2款小食，雞翼炸完後外焦脆焦脆，內裡仲係好嫩滑。醬汁帶少少辣，非常惹味！布朗尼睇落結實，估唔到又非常鬆軟，朱古力味香濃又唔膩~