阿叔泰麵 (西菁街) (Closed)

O係香港真係好難食到同榮泰一模一樣味道既船麵, 就算去到九龍城咁多泰國人開既餐廳都係食唔到.今次如朋友殷食, 簡直係驚為天人呀雖然野食唔多選擇, 只有湯麵同飯, 同埋幾款小食, 不過都夠哂做啦餐廳又播住泰文歌, 簡直係返左泰國一樣呀牛肉船麵, 雞肉船麵: 湯底夠濃味, 最值得讚賞既就係仲加左幾塊炸豬皮O係面. 成碗麵真係冇得輸炸雞棗: 呢個應該係買現成來貨, 唔係自制. 因為我O係出面都食過一模一樣芒果糯米飯: 反而呢個甜品有少少失色,  好似即叫即杠咁, 糯米飯係夠香既, 但熱左少少...芒果應該用返呂宋芒, 咁成件事就perfect啦雖然位置有少少隔涉, 但我都會再返黎食, 因為實在太太太太好味喇

最近因為疫情都少咗出街食飯，但適逢有朋友生日，就近近地搵左間💛餐廳，短暫咁見個面啦。黎左依間西菁街嘅阿叔泰麵，門口有架飲品檔仔，貼滿字條，真係勇武之國，入面都係充滿泰式風情既裝飾，配埋啲泰國歌，真係令人有置身泰國嘅感覺。🐥叫左個三式雞翼拼盤，有香茅雞翼、紅咖喱雞翼、酸辣凍雞翼，份量都唔少，香茅雞翼不過不失，紅咖喱雞翼最出色，個味幾夾，酸辣凍雞翼最麻麻，雞翼太實，唔入味。🐔雞肉金邊粉有三大嚿雞鎚，又有雞腎、芽菜、通菜咁，個湯好飲，唔太咸，大大碗夠晒飽🥤泰式奶茶唔會太甜又唔會太澀，個陣味同泰國飲到既差唔多仲有個無骨鳳爪就正常發揮啦，食泰國嘢開胃同必點之選☺️

嚟到元朗，特登由地鐵站行咗15分鐘，終於搵到呢間好隱蔽嘅小店。一到門口已經見到架車仔，上面放咗好多memo紙比大家寫字。入到店內，更加有好多音樂，由熱門到小眾、由廣東話到泰文歌都有，睇得出店主對音樂都好有自己一套。店內裝飾有傳統嘅紙傘，亦有好夏日氣氛嘅水槍，同牆上嘅畫風好唔同，但又出奇地夾。我就叫咗雞肉船麵，整體嚟講比較一般，成碗麵偏油，所以好快就好飽。朋友叫左豬肉船麵，食落就唔會話好特別，正正常常，不過佢話個湯都幾濃下，有少少偏咸但可以接受既杯泰式奶茶幾好味，好香茶味，係真係沖到同港式奶茶好唔同既，抵飲！

今天入元朗，朋友極力介紹泰國🇹🇭船麵店（阿叔泰麵），一入店內不算太大，但整潔，坐下來就叫了豬肉船麵，雞肉船麵及泰式奶茶。1.豬肉船麵⭐️⭐️⭐️⭐️豬肉片肉味鮮甜沒有雪味，豬肉丸爽口（泰國入口），金邊粉滑溜吸晒牛骨湯，美味可口。2.雞肉船麵⭐️⭐️⭐️⭐️雞肉船麵不是一片片的雞肉，是雞鎚及雞腎，配上牛骨湯鮮甜美味。非常不錯！3.泰式奶茶⭐️⭐️⭐️甜了一點，等冰塊融化些變淡一點會好味些。回味指數⭐️⭐️⭐️⭐️

內裏裝潢富有泰國特色，有紙傘又有水槍加上播埋泰文歌，真係有啲衝動想再去泰國自己叫左雞肉船麵，餸係雞鎚同雞腎，粉麵類可自選，話黎食船河梗係叫河粉啦我，配料有炸豬皮，花生碎，芽菜，通菜。湯底香濃，重魚露香味。落左少少辣粉，湯底鹹中帶點辣，更加惹味。大大片泰式河粉，而且薄得黎唔易碎，吸收埋啲湯汁，入口好滑，真係會食到咮咮聲。小食叫咗雙拼肉丸，六粒牛丸六粒豬肉丸，仲有大量通菜和芽菜，肉丸夠彈，似係手打肉丸。牛肉船麵，餸有牛丸加牛腩，牛腩又香又腍，一啲都無痴牙。湯底略深啡色，牛味重且帶泰國香料味，金邊粉份量適中。

去開元朗買嘢，入去西菁街搵嘢食，食埋晚飯先，見到有一間新開嘅泰國麵館，鋪頭門口幾有泰國特色，一於去試吓先！裝修係用潑水節做牆身裝飾，樓頂爆滿大大細細的雨傘，感覺好清新，餐牌食物種類不算多，但全部都係泰國街頭船河風味，牛肉船麵$58，個湯底好濃，而且湯底感覺唔肥膩，湯底係用新鮮牛骨製成，唔怪之得咁好飲，牛腩鬆軟及牛味濃吾So及配合細細粒彈牙牛丸，感覺置身泰國一樣！雞肉船麵$52，三隻入味嘅雞鎚及雞腎、泰國炸豬皮、芽菜、通菜、花生粒，更加地道，而且泰國粉絲彈口幼細，大家不妨試吓，正，香芧魚露雞翼$46,有六隻，雞翼每隻適中，肉質入味柔嫩，非常香濃既香芧魚露味，風味十足，服務、味道、環境、價錢，地方，親民中上，下次再食其他

近期喺IG見到朋友食元朗一間船河，新開嘅餐廳，泰國愛好者梗係要嚟食下啦！元朗西菁街，好容易搵到，七點食飯時間已經有人等位，入到去鋪頭感覺好乾淨，而且裝修係用咗潑水節做裝飾，感覺好清新，雖然餐牌食物種類並不算太多，但求精。牛肉船麵$58，湯底好濃，而且好清新唔肥膩，湯底係用新鮮牛骨製成，牛腩鬆軟及啖啖牛味重，仲有細細粒嘅彈牙牛丸，感覺好地道！雞肉船麵$52，有三隻入味嘅雞鎚，雞腎配合泰國炸豬皮，好懷念泰國旅行，泰國粉絲及米粉都好出色，粉絲彈口幼細，米粉幼滑！香芧魚露雞翼$46,雞翼每隻大細適中，肉質柔嫩而且唔熱氣，每啖雞翼滲透鹹鹹香香嘅香芧魚露味，風味十足！味道環境價錢親民中尚，泰國風味十足推介推介

係元朗新開左間泰國餐廳入面主打食泰式粉麵，餐牌既選擇唔多，麵就只有呢四款，分別係雞、牛、豬和冬陰公麵小食既選擇相對較多，仲有唔少飲品添我同友人分別要左個牛同雞，兩個湯底都係超濃既牛骨湯，所以湯底係呈深啡色，每碗都附送芽菜、通菜、炸豬皮同花生碎餸就有三隻雞鎚同雞腎河粉就係一大塊，同平時幼身既河粉好唔同，食落係似幼滑既腸粉呢碗就有新鮮牛腩同埋牛丸最後叫左碟小食，雞翼有六大隻全部煎到金黃色，仲有豐富既香茅味，雞肉仲好滑添值得一讚係餐廳服務認真唔錯

餐廳位於元朗西菁街20號益輝大廈地下3號舖。主要菜式包括牛肉船麵, 豬肉船等。小店主打船麵，連名子都咁特別，叫呀叔泰麵，真係要試下正唔正宗。店內好多graffiti,一反傳統。雞肉船麵$52濃郁惹味，但不似正宗平時船麵般濃稠，每碗面頭也跟足傳統加上了炸豬皮。雖然跟平時食到的不同，但正正因為他味濃特別啱我胃口。雞肉好嫩口，亦都好入味。可以選麵底：金邊粉、河粉、粉絲和米粉。牛肉船麵$52同樣的湯底加上牛肉又是另一番風味！牛肉都好入味，金邊粉也很吸味！阿萊燒豬頸肉$52燒到香口，加上甜甜酸酸的汁，好惹味，碳燒味都好正！估不到元朗出現了間高水準的泰式麵店，以後又多一個好地方食麵。