Sodam Chicken (Closed)

星期五放工落咗中環老蘭，唔係去飲酒，而係去覓食。呢間開係雲咸街嘅Sodam Chicken係食韓國炸雞，由於醬汁款式種類繁多，因而吸引唔少人泥食炸雞。為咗試多幾味，我同友人一齊柯打咗一份二人炸雞套餐，除咗可以雙拼兩款口味無骨炸雞，仲有兩款自選小食加兩杯飲品，絕對係經濟實惠嘅好選擇。柯打無耐，最先到達嘅係飲品：蜜桃水果茶及提子特飲。水果茶相對上比較清甜，十分解渴，底下頗多椰果肉，可以用長羹潷起食；而提子特飲則係份量上比較大杯，食辣雞時就非常適合，至於味道猶似小時候吱吱冰嘅味道，相當有趣。其後到達嘅係螺肉伴冷麵同雞軟骨餃子。先講雞軟骨餃子，總共有5隻，肉餡夾著雞軟骨，外皮再炸得金黃脆口，岩哂鐘意食炸野嘅朋友，另外仲有一碟甜酸醬供點蘸餃子。而螺肉伴冷麵就無咁熱氣，但係菜單上有寫明偏辣口味，辣嘅源頭最主要係正中心嘅螺肉冷盤：辣醬混合螺肉、青瓜、椰菜蘿蔔絲及黑白芝麻。能接受的微辣，口感較為爽脆，間中帶芝麻嘅香，不俗。但建議唔食得辣可以一小注冷麵一口冷盤慢慢食，辣度會較易於接受。最後大佬登場：雙拼無骨炸雞，口味分別有辣味同檸檬柚子。先講辣味，食辣之人都對於呢個辣度無所適從，由於該辣度係慢慢湧現，兼

說起蘭桂坊，大家一定會想起酒吧，但其實蘭桂坊當中有著不少的美食。另一半前幾天說想吃炸雞🍗，剛好知道蘭桂坊有一間在韓國有逾七十間分店的Sodam Chicken，那就趁這個機會回憶一下在韓國吃的味道吧！中環 Sodam Chicken 位於蘭桂坊的上面，一直走到最上就見到，外面的環境非常Chill。門口有一個炸雞大牌，好易就可以看到。我們兩個人的關係，就被安排坐在樓下的位置。更好，我們對住Bar 台和廚房旁邊，感覺更加Cool，食物又可以快點到。坐好之後，跟另一半研究一下食什麼先。看到餐牌，我們已經垂涎三尺🤤。辛苦了一整天，看到脆味可口的炸雞真的忍不住了。Sodam Chicken 都有頗多款式的炸雞，頓時令我們不知選哪個好，最後還是不用想太多，點一個二人炸雞套餐就好了。二人炸雞套餐有分三步，Step 1: 太陽芝士炸雞🍗、Step 2: 雞軟骨餃子🥟、Step 3: 螺肉伴冷麵🍝，配蜜桃汁🍑和甜橙燒酒🍊。點好後就慢慢等待一下。💞 1: 太陽芝士炸雞炸雞一來到的時候，我和另一半已經張口，嘩了一聲出來，原因是太陽芝士炸雞做得吸引，令人食指大動。不要等，要趁雞塊還是熱辣辣的時候食，炸雞點上了

早兩日同朋友去中環食飯，朋友推薦話蘭桂芳呢一間嘅炸雞幾正，我上網睇見到佢地既炸雞真的幾吸引！尤其是網上個個都話要食個太陽芝士炸雞，齋睇相覺得勁正！二話不說就book咗枱了！😋我講到明係衝着佢嘅太陽芝士炸雞而去，點知比我見到有個二人套餐，其中包左呢一款炸雞，仲包兩款自選小食同2杯野飲係$398，個太陽芝士炸雞就咁單點都要$198，計算下似乎呢個套餐抵啲喎！我哋就點呢一個二人套餐啦！😋佢先上兩個小食，我哋揀咗螺肉伴冷麵和雞軟骨餃子。伴冷麵有兩坨類似蕎麥面幾爽，中間有啲洋蔥同埋魷魚絲，啲汁酸酸甜甜幾清新唔錯！👍😋不過個名明明叫螺肉拌麵, 但係變咗魷魚絲，唔通係螺肉乾？哈哈，唔理啦好食就得😋個雞軟骨餃子有五件，中間啲雞軟骨唔算好大粒唔會”銀”牙, 煎得幾香口唔錯👍重頭戲太陽芝士炸雞嚟到嘅時候真係俾佢震撼到！同網上相片一樣圖文相符！有八大件炸雞圍住一個裝滿芝士岩漿嘅大圓麵包，真係改錯名好似一個太陽🌞炸雞新鮮炸起外脆內嫩，我先試一下冇點芝士漿的已非常好食夠入味，重點係有雞汁勁juicy!我試吓用炸雞點芝士醬，嘩！啲芝士識拉絲㗎！我同朋友玩到心花怒放，勁大細路😂芝士醬夠香濃，配上脆身嘅炸雞另有一番風

小弟人緣好，今年生日飯都唔知食到第幾餐，今次輪到去蘭桂芳一間韓國餐廳食炸雞。入到去，見到餐廳有2層，店員安排我地坐樓上。上到去樓上，見到有個調酒吧，望住調酒師調酒都幾治癒😆望望餐牌，都有幾多野食，其中仲有一些套餐可揀。我地叫左1個$398二人套餐，套餐包括黃金鹹蛋炸雞、檸檬柚子炸雞、芝士薯條、水冷麵、蜂蜜檸檬綠茶、甜橙燒酒。另外再點左個蕃茄沙律同埋炸雞軟骨餃子。黃金鹹蛋炸雞：非常有驚喜，鹹蛋碎將整個炸雞完全包圍，每吃一啖炸雞口中都滿有香濃的鹹蛋味，而且炸雞的皮脆肉嫩，吃了會繼續想吃。檸檬柚子炸雞：友人則喜歡吃檸檬柚子炸雞，覺得柚子檸檬和炸雞的味道很夾，脆脆的皮加上甜甜的柚子酸酸的檸檬，為炸雞帶來很清新的感覺。芝士薯條：原先以為有一堆芝士醬在面，放到枱先知係芝士粉，不過勝在薯條即叫即整，夠晒熱，味道不錯。水冷麵：麵條幼長，食落好爽很有口感，涼浸浸，配埋泡菜真係一流。涼拌蕃茄：好fresh，食完炸雞薯條食番涼拌野個人冇咁膩，而且簡簡單單蕃茄拌洋蔥粒，返屋企可以試下自己整。炸雞軟骨餃子：雞軟骨很脆，用黎做餃子料幾得意，而餃子炸得很香口，不油膩，很正。甜橙燒酒：見到個杯忍唔住即刻自拍一番，個倒

今日我又去接我男人收工喇，佢話會ot 一陣，咁我就施施然咁過去，今日口痕痕想食炸雞，就同男人一路行一路搵下附近有冇，最後去到蘭桂坊上面既呢間舖頭唔算大，不過好在有兩層，都唔怕要等得耐，上去二樓坐低睇到有個二人套餐，啲野食都係我想要既所以就來個套餐先，睇埋個main menu 有個出面冇咩見過既雞軟骨餃子，對於我呢個好雞之人緊係要試埋啦上菜速度都幾快，差不多一次過就上曬，最先來既係芝士薯條，薯條偏長同硬脆，表面灑滿濃濃既香草芝士粉，好味到不斷一條接一條緊隨其後再來既係雞軟骨餃子，表面炸得香脆唔會燶，咬落去有非常飽滿既免治雞軟骨，成個餃子有超強既咬感，單食已經夠好味，覺得膩既可以掂埋附上既甜酸醬咬住隻餃子個時，個魚串湯亦都上到來，呢個魚串湯來得真合時，食完個薯條同餃子呢類煎炸野飲番個清清地既熱湯，濕濕個咀真好，湯裏面有金菇娃娃菜魚糕串，加埋辣椒令到個湯有少許辣味，更開胃主菜終於泥喇，點左檸檬柚子炸雞拼黃金鹹蛋炸雞，檸檬柚子味唔算太濃，但每一啖食到柚子既清香味，張檸檬片榨汁加上炸雞令香味更加提昇，至於黃金鹹蛋炸雞味道比較濃郁，未放到嘴邊已經聞到濃濃既鹹蛋香，鍾意食鹹蛋炸魚片既一定要點呢個食下