神戶屋日韓放題

Open Now

Now Closed

旺角真係香港既美食之都周圍都咁多野食今日老婆就突然想放題就兆萬都有好多間！見到神戶屋價錢優惠，二百令蚊位，咁就bk左7點！去到見到個場都好full下，好在有bk位！環境正正常常，普通放題餐廳既裝修坐位都幾寬闊，都坐得幾舒服既同埋中間位置好多大枱，約多幾個朋友都得！食物選擇好多！訂位既仲有生蠔/海膽送，仲有肥牛煲等！因為lunch食得太飽，無叫到肥牛煲，好可惜，下次再啦惟有飲品都有唔少選擇！仲有新出既白色罐無糖可樂，又真係好飲過zero喎！烏龍茶就梗係消滯啦！識食放題就梗係第一時間叫刺身，唔駛等咁耐！刺身拼盤又整得幾有心思，有冰冰住就keep住新鮮特別欣賞訂座送既海膽，好甜美！蟹肉都唔係成日有得食！呢到既刺身特別係蝦既種類多，鐘意食蝦既就岩哂！食完凍既野就梗係要食返d熱食！燒蝦，食完就笑哈哈熱辣辣，岩岩燒好，仲有蝦膏添我最喜愛既牛舌調味同烹調時間都適中無令我失望日韓放題，就梗係唔小得人參雞湯飲返d熱野，個人都舒服d如果可以再多d雞味就好喇蒸滑蛋，又真係幾滑wor有時食放題就最怕全部都係刺身所以熟食既質素同選擇都好重要特別食物：炸雪糕！又真係唔係到到都見到！原來就係炸雪米滋好有特色！入面仲

呢一間日式放題係放題中的確係不錯既選擇，係呢個價位，算係食過既放題中排頭幾既位置。另外佢位於旺角，好近地鐵站，岩晒一班fd約埋一齊去放題食餐勁。日式放題中，佢地選擇係幾多既架，而且每碟份量亦唔算好多，岩晒喜歡試好多不同口味既朋友，食完一碟再一碟。一開頭侍應就已經好好服務態度，問我地想試咩刺身，而且仲有蠔同海膽食。雖然蠔同海膽唔係任食，但食住新鮮既刺身放題同時仲有蠔同海膽食，簡直係錦上添花啦!揚物種類選擇多，而且幾好食，有我最鐘意既炸蠔!呢間放題好擔心有D大食朋友食唔飽，所以仲設有火鍋比你地Shabu-shabu，而且仲有辛辣面食，夠晒多元化！唔單止野食，飲品種類都唔小架，呢隻蜜瓜味荳奶真係好耐無見過喇。最後緊係唔小得甜品啦，最令我難忘既係呢粒心太軟，細細粒比你食幾粒都得，直頭令到我個心即刻融化，哈哈！呢間放題唔單止食到你好飽，而且夠新鮮好食，的確係一試難忘，有機會會再去同fd食番餐。

同姊妹每年新年，無論幾忙都會約返日出黎團拜Gathering，人多最煩要想食咩，食放題就包冇走雞。旺角兆萬一棟入面有勁多放題，今次就去左神戶屋日韓放題。我地到達時間較早，都唔係好多人。平日食未計加一，都唔過$200。我地安排4人坐係卡位，都唔會好迫夾，枱面位置都大，放完邊爐都有好大位置放其他野食。**飲品選擇多**除左一般汽水之外，韓國飲品、啤酒 & 冇汽飲品都有，任君選擇**刺身**大堆頭製作，第一轉叫刺身樣樣都有，有D特別刺身就只可以叫一轉。三文魚刺身厚切，新鮮蝦刺身都有好多款，大海老、甜蝦、泰式虎蝦，每款都好新鮮，爽口除左刺身，仲有其他熟食都好正**天婦羅**炸蝦夠大隻，唔會炸到好乾身，天婦羅皮都唔會太厚**炸雞軟骨**炸得香口，而且唔會太乾，邊傾計邊食，Encore之選**特選食物**因應人數提供**神戶牛肉壽喜燒**有四片牛肉 & 雜菜，唔錯既選擇，因為凍凍地既時候，邊食邊有d暖既菜入胃**神戶香草燒羊架** 羊架Size都大，有成隻手掌Size，有肉汁之餘，唔會太「蘇」**甜品 - 朱古力心太軟蛋糕仔** - 小小地一個，唔會太甜，個心仲有少少流心，用黎做飯後甜品都唔會太漏

好多人都知道呢個商場堪稱放題天堂，一想食放題就會諗起黎呢度，我都食過好幾間，今次就一早訂定位，同屋企人食神戶屋。食放題大家最關心就梗係點回本，所以最緊要睇下D刺身夠唔夠靚先！叫左三文魚、海膽、甜蝦、玻璃蝦、魷魚、帶子及蟹棒等，全部食落都非常新鮮，特別係三文魚好肥美，海膽入口即溶，平日呢個級數喺出面日式餐廳食閒閒地要2、300蚊，而家食多幾盤就好快回到本仲分分鐘有賺，哈哈！蒜香一口牛一啖一件好過癮，牛肉粒夠淋，整得相當入味，一放上枱就好搶手，好快比大家消滅左。燒炸物質素都唔錯，其中芝士年糕熱辣辣又好煙韌，香味濃郁，十分滋味。雞軟骨炸得香脆可口，咬落好有嚼勁，用黎佐酒非常匹配。天婦羅好酥脆，唔會太油，其中炸蝦天婦羅更令我地一再encore。