神戶屋日韓放題

Open Now

Now Closed

旺角兆萬抵食放題升級優惠任食放題低至$289 ，升級優惠更享有生蠔任食，海膽壽司任食，非常豐富！刺身的種類非常之多！當中包括任食的生蠔！生蠔是即叫即開，非常新鮮！而且魚生都是非常厚切！另外，更有鮑魚！👍🏻任食套餐更包括打邊爐，特別推介這個湯底，花膠雞濃湯，非常之香！花膠非常足料！打邊爐的配料也非常之多，可以自助區域選擇，亦可用QR code下單！小食方面也非常之多！黃金芝士燒廣島蠔日式燒牛舌清酒煮蜆雞泡魚乾醬燒鰻魚韓式炸雞和牛粒粒蒜蓉粉絲元貝⋯⋯⋯非常豐富！

見到咁多好評去試下。。。服務係好嘅，啲嘢就。。。刺身完全冇鮮甜味，生蠔又細又冇味，蟹腳似裝飾完全冇肉，打邊爐嘅材料全部都係用cheap嘢，田雞七點幾已經賣晒，椰子雞湯底又冇，不如係自己屋企打邊爐好過。。。人均460，五星級自助餐嘅錢食半星級嘅嘢，勁大伏，真係冇下次

舊同學聚會，決定去食放題，神戶屋日韓放題提早預訂可以不限時，咁就係唔洗食到咁趕，餐廳除咗有刺身、燒物、熟食、啤酒汽水任飲任食外，升級仲有生蠔海膽任食，現時還多咗雞煲火鍋任食，食物種類繁多，預訂又不限時，好適合聚會，有充足時間食嘢同傾計。神戶屋嘅刺身拼盤真係值得一讚，擺盤靚，刺身新鮮，升級嘅生蠔係即叫即開，非常新鮮，海膽軍艦色澤鮮明，入口即化又鮮甜。其他嘅燒物、炸物都係新鮮即做，熱辣辣好香口。壽司都係即叫即做，水準質素都好高。新增嘅雞煲一定要試吓，其實雞煲已經煮好，上枱煮返熱就食得，雞煲係用雞翼同濃稠的醬汁煑成,雞翼非常嫩滑入味，之後加湯食火鍋，火鍋配料都有好多選擇，整齊地擺放在雪櫃內，基本嘅火鍋配料都齊全，質素都唔錯。食都咁上下梗係要食甜品，韓國雪糕雪條係必食，仲有自家製嘅甜點都唔錯。

我於旺角市中心第一間隱世樓上鋪的神戶屋絕對係喜歡食雞煲打邊爐火鍋朋友的首選。先來一個雞煲花膠雞。鮮嫩滑雞、大量花膠，可想而知湯汁味道鮮味，淨係這個花膠雞煲已經性價比十足。甜味、幼嫩順滑的雞肉，配上花膠清甜湯底，既不上火食完皮膚都好啲。火鍋配料，應有盡有，肉丸、海鮮、甲殼類、蔬菜、肥牛、豬肉、數得出的大部份有齊。琳琅滿目性價比真係一絕。還有還有，數量好多的熟食以供選擇，燒鰻魚燒扇貝、麻辣牛肉粒、牛舌、麻辣扇貝、芝士焗蝦、燒粟米粒、助酒小食燒魷魚乾、就算韓式炸雞都有幾種風味。還有還有，還有不同種類的壽司選擇，最重要的就是魚生拼盤，三文魚、吞拿魚、甜蝦、甜蛋、鮑魚、帆立貝等等一應俱全，現在還有升級的生蠔set. 魚生片厚切鮮味生蠔新鮮濃味多汁，喜歡食魚生生蠔的絕對不能夠錯過。升級之後就有個性價比咁高嘅生蠔食，真係要升級啊，唔好錯過啊。絕對係正確嘅選擇。酒水醬汁一應俱全。而且服務周到，大大的窗口見到旺角地道樓宇風景，絕對有地道有風味，性價比十足的一間餐廳。行完街打個邊爐再去睇戲。這一區就係有這個優勢。所以喜歡打邊爐嘅朋友們。一定要過嚟食呀。

最近真係好耐冇去食放題，終於俾我搵到一間放題可升級至「波士頓龍蝦海鮮放題」，包任食最頂級嘅菜式，梗係即刻約埋朋友嚟試吓啦！ 一入到餐廳就感覺到個裝修充滿親切感，燈光有啲昏黃，幾有氣氛，座位之間嘅距離都夠闊，唔會覺得迫。服務員態度好好，講解得好詳細，仲會主動介紹邊啲菜式必試，真係好貼心。 包埋「生蠔海膽任食套餐」嘅食物，先嚟一大碟刺身拼盤。三文魚入口即溶，魚油香氣濃郁；甜蝦同赤蝦鮮甜彈牙，咬落仲有少少汁滲出嚟；北寄貝同帆立貝爽口鮮甜，帶有海水嘅自然鹹香；嗰啲泰式生蝦酸辣惹味，食完即刻開胃。 接住嚟嘅芝士燒龍蝦真係不得了，龍蝦肉鮮嫩多汁，芝士濃香但唔會過膩，每一啖都充滿幸福感。乳山生蠔鮮甜滑溜，仲可以配埋檸檬汁或者辣椒醬，點都好食。至於藍莓鵝肝係我最驚喜嘅菜式，鵝肝嘅細膩油潤口感加上藍莓醬嘅微酸甜，完美平衡，係高級餐廳嘅水準！ 再講講烤榴槤，呢個真係發燒友必試，榴槤嘅濃郁香氣經過火烤更濃烈，外層微脆，內裏好似流心芝士咁滑，唔食榴槤嘅朋友可能會怕，但鐘意嘅一定會上癮！ 上面個套餐因為係最高級，所以就包埋「生蠔海膽任食套餐」，裏面啲雞泡魚乾好特別，輕輕鹹香帶少少煙燻味，配啤酒一流；厚

集日韓美食的人氣放題餐廳神戶屋日韓放題，除咗有本身嘅日韓美食，近期還推出雞煲和火鍋配料任食，食物種類多咗選擇，今晚就同阿女過嚟食返餐！餐廳一如過往都會為客人出一大盆首輪刺身拼盤，各類刺身擺放得美輪美奐，新鮮嘅刺身款式都幾多，色澤鮮明，魚類魚脂甘香，蝦和貝類鮮甜爽口。升級咗多咗好多高質素嘅食物任食，真係好抵。生蠔、長腳蟹和磯煑鮑魚味道鮮美，都係必食！橙黃色的海膽味道甘甜，質感細膩，入口即溶。汁燒鰻魚串保持肉質鬆軟細緻同時，讓香甜的秘製醬汁和油脂滲入鰻魚肉內。雞泡魚乾以味醂醃製後烘乾，具有油脂清香的味道。餐廳嘅雞煲都係任食，雞煲嘅醬汁好濃郁，雞件嫩滑，食完還可以加湯打邊爐。火鍋配料選擇都齊全，亦好新鮮，肉類、丸類、菇菌、蔬菜類任食。連埋其他壽司、炸物、燒物、甜品、雪糕雪條和啤酒汽水飲品，真係食極都食唔完，如果早一天預訂還會冇限時間任飲任食。

今日嚟到兆萬搵嘢食，呢度基本上每一層樓都有食肆。我地今次揀左神戶屋食放題。原來而家佢哋除左食放題之餘，仲有得打邊爐👍🏻呢度地方闊落卡座舒服，一大班朋友嚟食都唔會好迫。我哋兩個人叫咗啲刺身，壽司，燒物，仲有打邊爐，真係飽到一個點😂刺身✨ 有多款選擇，淨係蝦都幾款，三文魚肥美，北寄貝，帶子都好鮮甜。壽司✨ 都係好多選擇，花之戀大大嚿，海膽壽司份量都好多燒物✨ 牛舌，燒菠蘿必點😋其他都燒得好香好惹味打邊爐✨ 我哋叫咗花膠雞湯底，勁足料，6，7舊大花膠仲有半隻雞，淨係食湯底啲料都飽😂呢餐真係好滿足😋

放題升級到最高級嘅套餐，乜都有得任食，仲有人serve！🔥 頭盤必殺技：邪惡三重奏1️⃣【烤榴槤】💣入面果肉熱辣辣流，榴槤控朋友食到豎拇指：「呢種又濃又creamy嘅感覺，真係會上癮！」  2️⃣ 【藍莓鵝肝多士】🍇鵝肝面頭淋自家製藍莓醬中和膩感～咬落去鵝肝油香同果酸喺舌尖打架💥 食完件喉嚨仲有陣回甘🍷  3️⃣【BB乳鴿】🐦細隻過手掌但肉汁多，鴿胸肉蘸少少淮鹽吊鮮，正到想encore多兩隻！  🦞 海鮮控天堂：龍蝦四重奏1️⃣【芝士燒波士頓龍蝦】🧀開邊龍蝦鋪滿三色芝士焗到起焦斑，蝦膏混埋拉絲Mozzarella鹹香爆炸💥 龍蝦肉好彈牙！  2️⃣【冰鎮松葉蟹爪刺身】❄️蟹爪鮮甜，海洋味即刻昇華🌊  3️⃣【磯煮冷鮑魚】🍶鮑魚入味到似食緊溏心蛋黃！4️⃣【乳山生蠔】🌊即叫即開嘅日本生蠔有海水鹹鮮，鮮香十足🍲 雞煲+火鍋：雙重暴擊【雞煲】雞件係皮脆肉滑，好入味，香氣十足～🍨 甜品隱藏版：雪糕任隊臨走一定要掃「鐵觀音奶蓋珍珠雪條」🍡 茶味濃到似飲緊台式奶茶，珍珠居然keep到煙韌！今次真係放題界天花板！淨係個烤榴槤+藍莓鵝肝已經值回票價～最驚喜係連雪糕都玩到咁高質，飽到上心口都堅持隊多支鐵觀音雪條先走😂 建議約多幾個f

上星期同老婆嚟到神户屋試下佢哋嘅新搞作，除咗出名嘅放題，而家主打嘅火鍋都好吸引！先點左一堆刺身，三文魚肥厚，甜蝦色澤粉嫩，北寄貝大隻爽口，鮑片厚薄啱啱好。火鍋方面我地點咗個芫茜皮蛋魚片湯底，一片片魚片切得薄薄，嫩滑鮮甜～ 🍲佢個雞煲花膠雞鍋睇落仲正，不過呢排我地太熱氣，所以下次先試佢 👀自取區嘅食材豐富，肉類、海鮮、蔬菜同埋響鈴，款式好多。我哋升級咗個生蠔海膽任食套餐，一上嚟個賣相已經震撼到我！松葉蟹爪刺身，蟹爪修長，紋理清晰；即開生蠔好大隻，蠔肉圓潤飽滿；醬油蝦嘅外殼紅亮，好吸睛；海膽軍艦上面嘅海膽鋪到滿瀉，金黃色澤好誘人！熟食方面，雞泡魚乾一片片排列整齊；厚燒鰻魚片面皮烤到微微焦香，油光閃閃～炸物更唔使講，炸榴槤同炸鮮奶，外皮金黃酥脆，好味！燒菠蘿烤到出咗焦糖色，酸酸甜甜，用嚟解膩一流！

自費自己比錢我哋去咗旺角兆，萬食日本放題我哋晏晝去食嘅超多嘢食我哋一嚟就嗌咗一大盤刺身超級大份佢嘅刺身真係好好食呀亦都有佢嘅甜蝦同埋有吞拿魚佢嘅海鮮都幾新鮮食完完全冇唔舒服嘅感覺我哋亦都有嗌到佢哋嘅壽司有嗌到花之戀壽司，我哋最鍾意食花之戀㗎啦，所以我哋都嗌咗好多盤之後我哋就開始嗌熱食而家佢哋都有好多唔同類型嘅串燒配上秘製咖喱醬同埋醬汁我覺得好好味，熱辣辣脆卜卜好有胃口，我哋亦都嗌咗好多炸嘢全部都係嗌完就已經好快有得食啦

同朋友好耐無見，約左係MK食飯，係樓下有人狂sales之下就黎試下呢間🥲點知一試出事，伏到出暴擊💯首先話有8折其實價錢都唔係平，一個人均價都要4百幾🤨刺身種類唔多都算啦，但要唔算好新鮮？尤其d海膽同生蠔都嚇死人🫠• 海膽得海膽壽司揀，食落去好一d海膽味都無，仲慘過爭鮮🙄• 生蠔唔知真係洗得好乾淨定咩，除左水味之外，咩蠔味都食唔到🤨🙄• d蟹腳唔知擺左幾耐，味道又霉又難食• d單落親都唔齊，就算黎都黎唔齊之後叫左個雞煲黎食，成個雞煲唔係雞翼就係雞脾，但落單前明明話大概半隻雞，個半隻雞係得脾同翼？？？🥲🥲味道更加唔好講，又咸又辣完全唔好食🫠最過份係我地今餐落既炸物串燒一件都無黎過囉🥲我未試過俾咁既價錢但有咁既質素食物同服務。如果係我完全唔建議大家去呢間到食，同等價錢有大把更好既選擇，無謂虧待自己。

波士頓沒肉龍蝦，而且得半邊，叫左羊架沒到，三文魚壽司16件黎得9件，海膽軍艦青瓜大過海膽，生蠔腥到食唔落，一口牛全部都係筋咬唔郁而且唔熟，牛油粟米沒牛油味而且乾爭爭，蒜蓉燒生蠔，粒生蠔得我手指尾一截咁多，飲品可以選擇既種類亦不多。最後埋單既價錢係1900幾3個人，除返600幾蚊一個人，但係覺得食物既質素同價錢不成正比。唯一就係職員服務態度還算良好，亦都好主動過黎幫我地收走枱面上既垃圾。發表呢個評論只係希望呢間餐廳可以俾多啲良心，俾貴啲唔係問題，但係相對食物既質素係咪應該要再提升，唔係所謂既無限時任食就可以吸引到客人

話說我想買open rice 199+99服務費 = 298@ package， total6人兩日後食飯， 打電話比間野confirm，一個女士接電話：當我講佢知我要用openrice 優惠book 某一個後， 佢不斷遊說我 話佢地比counter offer我會平D， 我問佢幾錢， 佢話319 無限時+比間房我， 我話唔需要啦， 298package食3hrs 都夠啦， 都唔需要房。 我諗住照用298 openrice offer。 然後個女士就話我想要嘅時段full嗮啦 😂 😂 間野寧願唔做我6個人嘅生意， 都唔接受open rice 個package， 究竟openrice食水幾深， 同埋呢間野究竟係咪真係咁好生意？😂

超久沒食放題於是與朋友一起到了這間環境清淨的地方，餐單有各種刺身壽司、日式炸物及拉麵外還有多種湯底火鍋、蒸鍋及雞煲。為了嘗盡多種組合，點了酸菜魚片湯底及數種火鍋配料，打算一邊凍食刺身混合熱火鍋料理，女生食完不會m 痛，然後鱸魚片及鴨血嫩滑十足，生蠔及海膽壽司超級鮮甜，最大特色是韓色醬油赤蝦刺身非常好食，微辣但鮮彈的蝦肉着實令人欲罷不能。由於火鍋配料是可以自己取的，於是走了整個餐廳一趟，一盒盒的肥肉及豬肉片也是可以自取的，併下單速度的關係立即手動取了肉，然後策略性點了大量肥美厚切3文魚刺身及帆立貝等刺身。而飲品方面亦十分多元化，除了一般鑵裝及紙包裝外，還有自家製水果茶，每份都是獨立包裝的脫水乾果，超有特色。而甜品方面，亦不少得自家製的木糠布甸，小小一盒已經滿足到自己又不怕食不完而浪費，餘下的甜品胃就可以了塞滿各種口味的雪條雪糕了。

作為放題常客，今次試咗旺角兆萬嘅「神戶屋日韓放題」，晚市任食2.5個鐘好有驚喜！地方闊落，坐卡位好舒服，服務員收碟快手，服務好好 值得一試🥰🐟刺身壽司手卷勁大盤刺身拼盤😍 咩款都有，三文魚厚切 油花😋 赤蝦大隻到要分兩啖咬，甜蝦仲有爆膏驚喜，帆立貝同北寄貝好鮮甜，仲有超正嘅生蠔同鮑魚，追加質素都係咁好！壽司方面一定要食海膽壽司 好新鮮入口即化熟食🍢必食鰻魚串燒！另外茶碗蒸同牛油粟米都好推薦～仲有拉絲芝士年糕同埋即炸天婦羅蝦及炸鮮奶，好好味😋😋 🍲 打邊爐自選湯底～叫咗個芫荽皮蛋湯底，清甜又健康😚自助區有大量韓國雪條😍 而飲品櫃除咗基本汽水/茶，仲有啤酒任拎，完全係回本之選～