南蛮亭

Open Now

Now Closed

即興的一天，晚上和朋友再次光顧這間食串燒。地方細細，枱與枱之間距離近，中間是燒烤區，空調不夠，所以食到出汗。我們叫了雞肉串丶牛舌丶雞軟骨丶雞皮丶茘枝豬肉卷丶煙肉廣島蠔和燒飯團，都不錯。最後送上紅豆雪糕。總括來說，大家唔介意餐廳環境和空調不夠，可以去試。😁

南蛮亭係香港都算元祖日式串燒店，今次就同男朋友試下水準如何。開放式廚房可以睇到師傅點樣燒串燒。原來枱上嘅新鮮菜條需要收費 ($22)，真係睇返張單先知。鮮露筍豬肉卷係南蛮特選，薄薄嘅豬肉片包住鮮嫩露筍，可以減低肉類嘅油膩感。芝士翠玉瓜幾有驚喜，翠玉瓜香甜多汁，加上燒溶芝士好惹味。每次去串燒店都必點燒牛舌！厚燒牛舌爽口不韌，如果肉味再濃一點就好啦！男朋友點嘅汁燒雞肝唔係好啱我口味，個人認為苦味太強烈，但佢就好鍾意。雞軟骨送來嘅時候仲見到細小嘅氣泡，夠晒新鮮熱辣！咬落香脆有嚼勁，不過細串左少少......燒飯團有明太子、鮭魚、梅、原味，我揀左明太子。用紫菜包住剛剛燒好嘅飯團，咬落較乾身， 明太子味道唔突出。整體串燒質素可以，但價錢稍高，唔算抵食。

雖則話啱啱飛咗轉日本，肥肥家族愛食日本菜o既口味絕無減退。週四晚大肥爸爸話好想食串燒，細佬就應舞友推介，一試六本木過江龍「南蛮亭」。座落於銅鑼灣一幢食廈內o既串燒店面積唔算大，經過布簾，直入大堂先有多張二至多人方形合併式散座。天花吊出漁網貝殼，又用上酒樽套著燈泡，音閃出彩光，感覺極之輕鬆隨意。左邊為串燒師傅o既開放式大舞台，估唔到整晚得佢一個人，八點滿座時卻未見甩漏，駕輕就熟，實在令人敬佩！預早訂座o既小肥被安排入座右邊私隱度較高o既小房間內。無奈大肥身形過於龐大，未能成功就座，友善o既經理哥哥見狀即好客氣地幫忙並任由我地揀轉到窗邊空間更足o既位置。窗邊o既紅色水車玻璃魚缸唔知係咪風水飾物呢？！細佬準時收工，早咗半個鐘頭到步。等待期間，經理哥哥先送上餐牌、熱茶及菜條。餐牌首頁為附有彩圖o既推介菜式。其餘食物單點項目有六頁之多。飲品則只有一頁。餐牌上清楚道出串燒要配新鮮菜條方才最美味，故亦會照慣例呈上，如客人不即時告知不要菜條，價錢將結賬時自動加上。新鮮菜條（$22/碟）：生食o既菜條共有三款，分別為椰菜、紅蘿蔔及青瓜，均爽脆清新。食日本料理，家人都愛配日本清酒，今次食串燒都唔例外，揀咗