名點屋

Open Now

Now Closed

係屯門飲茶我通常都會揀以間🫖其一我爸媽好中意，其二佢算係快靚正系列，唔同一般既酒樓， 夜晚都可以繼續食點心。不過佢嘅點心有時都幾飄忽-雪山叉燒包 $26 （7.5/10）每次食佢都一定唔會令我失望🤤一碟有三大個，叉燒餡肥瘦適中，仲要熱辣辣流出黎🙌🏻💕。每次食完一個都飽左一半 (我細食)。以個係我尼到必點既點心。-金粟叉燒腸 $27 (5.5/10)腸粉皮尚算滑溜，皮都夠煙靭。-蟹籽燒賣皇 $36 (5.5/10)普普通通冇乜特別。-名點蝦餃皇 $38 (7/10)今日我叫以碟蝦餃大大粒夠晒飽滿，皮薄餡靚最好食係今次。-鳳爪排骨煲仔飯 $58 (5/10)正正常常最失望嘅係煲仔飯冇飯焦，唔夠乾身比較偏濕，如果佢係普通一盅既飯我接受，但煲仔飯來講就唔得啦，雖然排骨好食但都救唔到啲分😂-整體來講呢間名點屋價錢相對進取啲，點心整體已經算係唔錯，如果可以更加統一水準就更加完美，佢不設加一服務費，已經好過區內一啲又貴又唔好食既酒樓。