北京水餃店

Open Now

Now Closed

豬扒菜飯 🍚 $46 呢度嘅豬扒好𣺉好入味，咬落去有啲香口嘅感覺，但係又唔會好油膩！好食！菜飯菜嘅比例亦都好多，啱晒成日都出街食飯既大家💓不過豬扒同飯嘅比例就唔係好成正比，好快就會食晒個豬扒剩返好多飯😂😂如果可以加錢要多塊豬扒就好啦🙈雪菜水餃麵 $42記住要叫店員多雪菜！！呢度嘅雪菜幾入味，幾好食㗎！另外要特別推介下呢度嘅水餃，餡料係韭菜豬肉，配上佢哋特別嘅腌料，味道非常出色，無論係湯餃定係煎餃一樣咁好食，咬開水餃仲有啖啖肉幾汁添！💓💓便宜又好食，大推！豆漿🥛 $8 呢度嘅豆漿唔會太甜，平平地嗌番一杯配菜飯或者上海麵都幾唔錯㗎！

環境當然唔使抱大期望😛因為已經係老店，但食物都幾ok呀鎮江骨水餃麵好大碗! 啲骨好"淋" 好好味水餃都係北方重口味 偏味濃雪菜唔似茶餐廳果種咁鹹， 係偏甜的，覺得更好味會再試

最近對愛以包裝作賣點的餐廳漸感厭倦，我和baka開始轉而走遍大街小巷尋找隱世美食。今次到了位於元朗廣場附近的北京水餃店，食店的門面不起眼，但卻有種內地北方食店、平易近人的感覺。上次在旁邊的熟食店買過雞蛋仔，也是不知名但值得推介的小店。在食店門前可以外賣北方街頭小食，如餡餅、薄餅等，是日見到有不少途人買來當小吃。在門外看到食店有售韓國料理，相信是跟近年吹起韓風有關，原本覺得有點格格不入，但細想其實中國北方跟韓國的地理距離不遠，食物味道和風格應該接近。首先點了一個牛肉餡餅（＄１０）。事前上網搜集過資料，知道這裡的牛肉餡餅是推介之一，店員姨姨很快便送上已分好四件的餡餅。餡餅不算大，但餡料極為豐富，牛肉和香蔥份量足，小小的餡餅皮也未能包住。餅皮不算酥脆，但咬下去很香軟，配上十足的牛肉餡料，很有驚喜，美味！我們各點了一個午餐，我選了Ａ：雪菜水餃麵（＄３１）。黑色大碗裡盛載份量十足的白麵，麵上放有雪菜肉絲，用筷子翻一翻麵條，會發現裡面隱藏了三顆大水餃。麵條質地彈牙爽口，配上雪菜為整碗清湯麵添上濃郁的味道。而當中最有驚喜則是水餃，不愧為店的招牌菜呢！水餃皮軟滑且具咬感，裡面的餡料應該是韮菜豬肉，味道