麥奀雲吞麵世家 (白加士街) (Moved) New Location

麥奀記，是香港的雲吞麵老字號。論品質，實在是一流的，唯一美中不足的就是，質量真的太少了，不知這和店名中有「奀」有沒有關係呢？（說笑）和一般的麵店相比，他的麵的份量就只有其他店的一半或三分之一，對於胃口大的我來說，一次可以吃兩碗呢！這晚我就點了一碗雲吞麵和一碗水餃麵。這店的雲吞和水餃都是細細的，由於食材品質好，所以餡料中的蝦都爽彈好味。至於麵，也是爽彈而且全沒鹼水味，我覺得沒有什麼麵店的麵質可以和這店相比。湯頭嘛，也是好味得令我忍不住把碗中的湯全都喝下。順帶一提，有時我吃雲吞麵，會請店家在麵中加點牛腩汁，在麥奀記要加牛腩汁，每碗要加$5呢。

與J先生在尖沙咀買完心愛的手錶後, 一直逛到佐敦!因食了下午茶; 晚餐又不餓, 唯有食麵吧!雲吞麵份量偏少, 不過也有四粒雲吞賣相 - 看似人家食剩的嗎?牛腩少得可憐, 只得三塊! 撈麵份量偏少!牛腩味道一般, 沒有特別因份量偏少的關係, J先生要多叫一碗雲吞麵! 雲吞內的蝦沒有鮮味, 唯一皮薄!我倆食了過一百元的麵, 還是不飽的麥奀記 總結: 可以不試!

上星期六晚師傅一條冷十一點幾都未食飯, 鬼死咁肚餓, 於是又返番去自己地頭搵下野食, 可惜又冇咩心水, 眼見呢間食店最近新開張, 雖然明知唔抵食, 但偏偏又貢左入去, 師傅呢種明知山有虎, 偏向虎山行嘅精神有時都可謂疚由自取!鬼死咁肚餓, 所以一坐底諗都唔使諗即刻柯打左一碗雲吞麵, 等左幾分鐘先有得食; 一放低師傅就真係眼都凸晒, 雲吞麵真的非常細碗, 個碗差不多係平時酒樓嘅湯碗, 內裡放左四粒雲吞同埋麵, 師傅先試湯底, 湯底幾清冇味精, 而且有少少蝦籽嘅香味, 感覺不錯; 再試下個麵, 麵係全蛋麵, 麵身爽口彈牙, 煙煙韌韌加上冇鹼水, 真係一流; 而雲吞有四小粒, 雲吞皮夠薄, 而餡料就胡椒味好重, 感覺係d蝦唔夠新鮮, 加上餡料頗實唔爽口, 雲吞黎講唔算太出色!師傅應該大約用左三分鐘就食晒碗雲吞麵, 當然個感覺就係好似冇食到野咁啦, 內心掙扎左三十秒, 師傅決定再柯打一碗牛腩麵, 牛腩麵黎到時師傅將隻牛腩麵個碗同雲吞麵個碗比一比, 發覺牛腩麵係大碗少少, 不過咁都好正常, 皆因牛腩麵貴少少嘛; 牛腩係用柱侯汁煮, 柱侯味夠香夠濃, 加上炆得夠入味, 所以味道不錯, 可惜牛腩水準