Video
Opening Hours
Today
11:00 - 23:30
Mon - Sun
11:00 - 23:30
Above information is for reference only. Please check details with the restaurant.
知道佐敦呢間雲吞麵一直都好出名出前兩日晏晝就去咗一嘗試咗牛腩雲吞麵 一上枱已經見到個碗好細面嘅份量都好少好少 兩啖就食完 但味道好食既 雲吞都好新鮮 但性價比低總算試咗一次
continue reading
今日係2024年7月1號星期一公眾假期，下午茶時段去佐敦附近試下啲名物，就搵咗佐敦麥奀記食馳名已久的雲吞麵，入到去裏面冇乜客人食麵，心裏已覺得有些中伏，店員問我食乜當然係食最馳名的雲吞麵，叫咗碗雲吞麵加底，嚟到真係發現碗麵非常細碗，冇香味，一啲都唔香，一啲都唔似傳統雲吞麵嘅雲吞香味，湯底更加唔使講，冇味冇雲吞麵嘅香味，湯頭好淺色，冇蝦味及冇蝦子味，粒雲吞好細，只有淡淡嘅蝦子味，蝦冇鮮味，麵雖然唔錯，但係咁細碗，湯底又唔夠味，雲吞冇乜味，個面點好食都救唔返，仲要收57蚊一碗！大概30年前曾經食過，當時嘅雲吞麵湯底依然好濃味，仲好深褐色！而家食返全部走曬樣👎！決定唔再幫襯，以後唔再幫襯👎👎👎👎👎出面應該仲有好味嘅雲吞麵舖。。。。。。
continue reading
見佐敦白加士街麥文大排長龍，即管行過隔離兩鋪~麥奀試吓。麵上檯，擺法正常。先試湯，扎實大地魚味，清，無雜味，濃淡亦剛好。夾起麵入口，爽口，軟硬岩好，一定唔係手工竹昇麵質感，但亦比一般工場貨高質好多。食得出係新鮮麵嚟。爬開麵見雲吞響底，細粒全蝦雲吞係麥奀特色。入口咬開，皮滑，蝦肉的確十分彈牙爽口，味亦夠，但口底胡椒粉味重，似乎佢可能落多咗少少。最後一試韭黃，生熟剛好亦重味，再一次係新鮮嘅感覺。嚴測簡評：整體穩陣, 亦看得出細微位既功架。加上呢碗45蚊碗細蓉有比正宗細蓉略多既份量，其實響而家呢個市道可以話係抵食。
continue reading
麥奀嘅圓眼雲吞透出豐富西關地道風味，源自1920年代弛名廣州雲吞名門－廣州雲吞麵之王麥煥池之子麥鏡鴻 (因身形瘦削，故名麥奀)。細蓉，名字取自芙蓉花，玲瓏剔透，微黃色中透著淡白，新鮮包好嘅雲吞在熱湯中翻動時，遠看如魚尾之姿，近看如芙蓉浮花，湯裏看畫，感覺唯美如斯。湯底鮮香滿滿嘅大地魚甜味，清澈不油而且無鹼水味🦐 雲吞皮薄，內餡鮮嫩又有蝦仁嘅爽脆，配合埋蛋香十足夠曬彈牙嘅竹昇麵底，食落滋味無窮。但我只想知道究竟一次要食幾多碗先夠飽？😂
continue reading
知道去呢啲舖頭唔會有乜服務，但係服務員嘅百般不願意嘅態度，真係等於叫你唔好入嚟。送餐時叫你“攞開枱面啲嘢啦”。冷氣太凍要求開細啲，就話“凍就著多件衫啦“。唉！啲咁嘅服務態度，食乜都冇味啦。
continue reading